បុកទៀតហើយ! រថភ្លើង ថ្ងៃមុនបុកឡាន ពេលនេះ បុកម៉ូតូ សុទ្ធតែស្លា.ប់ នៅខេត្តព្រះសីហនុ
- ព្រះសីហនុ
ខេត្តព្រះសីហនុ៖ គ្រោះថ្នាក់ចរាចរណ៍ រវាងរថភ្លើង និងម៉ូតូ បានកើតកាលពីម៉ោង ១៥ និង ៤៥នាទី លើផ្លូវដែក ស្ថិតនៅចំណុច…
ខេត្តព្រះសីហនុ៖ គ្រោះថ្នាក់ចរាចរណ៍ រវាងរថភ្លើង និងម៉ូតូ បានកើតកាលពីម៉ោង ១៥ និង ៤៥នាទី លើផ្លូវដែក ស្ថិតនៅចំណុច ខ៣ ក្នុងភូមិអូរត្រជាក់ចិត្ត ឃុំសំរុង ស្រុកព្រៃនប់ ខេត្តព្រះសីហនុ។ រថភ្លើង ០១គ្រឿង ទិសដៅពីភ្នំពេញ-ខេត្តព្រះសីហនុ បានបុកម៉ូតូ ០១គ្រឿង ម៉ាកស៊ីរុស ពណ៌ក្រហមលាយខ្មៅ ពាក់ស្លាកលេខ ព្រះសីហនុ 1B-8314 បើកបរឆ្លងកាត់ផ្លូវរថភ្លើង ពីត្បូង ទៅជើង។
ករណីខាងលើនេះ បណ្តាលអោយអ្នកបើកបរម៉ូតូ ឈ្មោះ លីវ ហុង ភេទប្រុស អាយុ ៦៦ឆ្នាំ ទីលំនៅភូមិអូរត្រជាក់ចិត្ត ឃុំសំរុង ស្រុកព្រៃនប់ ខេត្តព្រះសីហនុ ស្លា.ប់ នៅនឹងកន្លែងកើតហេតុ។
ចំណែករថភ្លើង ក្រោយពេលបុកម៉ូតូ បានបន្តដំណើរទៅមុខទៀត ដូចលើកមុនដែរ។ ក្រោយកើតហេតុ ម៉ូតូរបស់ជនរងគ្រោះ ត្រូវបានប៉ូលិស យកទៅរក្សាទុកនៅអធិការដ្ឋាននគរបាល ស្រុកព្រៃនប់។ រីឯសាក.ស.ព ត្រូវបានប្រគល់ជូនគ្រួសារ យកទៅធ្វើបុណ្យតាមប្រពៃណៃ។
សូមរម្លឹកថា កាលពីម៉ោង ៦ព្រឹក ថ្ងៃទី១៣ ខែតុលា ឆ្នាំ២០២១ មានហេតុការណ៍រថភ្លើង បុករថយន្ត ១គ្រឿង នៅផ្លូវរថភ្លើង ឆ្លងកាត់ផ្លូវជាតិលេខ៤ ជិតទីប្រជុំជនវាលរេញ ចន្លោះគីឡូម៉ែត្រលេខ ១៨១-១៨២ ស្ថិតក្នុងភូមិសំរុងក្រោម ឃុំសំរុង ស្រុកព្រៃនប់ ខេត្តព្រះសីហនុ។ ហេតុការណ៍នោះ បណ្តាលឲ្យអ្នកបើកបររថយន្ត បានរងរបួសធ្ងន់ ហើយក្រោយមក បានស្លា.ប់ ពេលបញ្ជូនទៅមន្ទីរពេទ្យ។
រថភ្លើង ក្នុងទិសដៅចេញពីខេត្តព្រះសីហនុ មកភ្នំពេញ បានបុករថយន្ត ១គ្រឿង ម៉ាកសាំយ៉ុង ពណ៌ស ពាក់ស្លាកលេខ ភ្នំពេញ 2T-4730 ដែលធ្វើដំណើរក្នុងទិសដៅស្របគ្នា ពីខេត្តព្រះសីហនុ ទៅភ្នំពេញដែរ។ នៅពេលកើតហេតុនោះ មិនមានអ្នកដាក់ប៉ារាស់បញ្ជា បិទផ្លូវឲ្យយានយន្តឈប់ ដើម្បីបើកផ្លូវឲ្យរថភ្លើងឆ្លងកាត់ឡើយ។ ចំណែករថភ្លើង ក៏បើកក្នុងល្បឿនលឿនថែមទៀតផង៕
ចែករំលែកព័តមាននេះ