រាជធានីភ្នំពេញ ៖ ក្រសួងសុខាភិបាលបានបញ្ជាក់ នៅថ្ងៃទី១០ វិច្ឆិកា ឆ្នាំ២០២១ថា អត្រាអ្នកចាក់វ៉ាក់សាំងបង្ការជំងឺកូវីដ១៩សម្រាប់មនុស្សពេញវ័យកើនដល់១០០.៤៣%និងកុមារអាយុ៦ឆ្នាំមានចំនួន១០៣.២២%បើធៀបនឹងគោលដៅកំណត់ ។ ក្រសួងសុខាភិបាលបានបញ្ជាក់យ៉ាងដូច្នេះថា កំណើនអត្រាចាក់វ៉ាក់សាំងកូវីដ-១៩…
រាជធានីភ្នំពេញ ៖ ក្រសួងសុខាភិបាលបានបញ្ជាក់ នៅថ្ងៃទី១០ វិច្ឆិកា ឆ្នាំ២០២១ថា អត្រាអ្នកចាក់វ៉ាក់សាំងបង្ការជំងឺកូវីដ១៩សម្រាប់មនុស្សពេញវ័យកើនដល់១០០.៤៣%និងកុមារអាយុ៦ឆ្នាំមានចំនួន១០៣.២២%បើធៀបនឹងគោលដៅកំណត់ ។
ក្រសួងសុខាភិបាលបានបញ្ជាក់យ៉ាងដូច្នេះថា កំណើនអត្រាចាក់វ៉ាក់សាំងកូវីដ-១៩ នៅកម្ពុជាគិតត្រឹមថ្ងៃទី០៩ ខែវិច្ឆិកា ឆ្នាំ២០២១មាន ៖ លើប្រជាជនអាយុពី១៨ឆ្នាំឡើងមាន១០០,៤៣% ធៀបជាមួយចំនួនប្រជាជនគោលដៅ១០លាននាក់ ។ លើកុមារ-យុវវ័យអាយុពី១២ឆ្នាំទៅក្រោម១៨ឆ្នាំ មាន៩៨,៣៤% ធៀបជាមួយចំនួនប្រជាជនគោលដៅ១,៨២៧,៣៤៨ នាក់ ។
លើកុមារអាយុពី០៦ឆ្នាំ ដល់ក្រោម១២ឆ្នាំ មាន១០៣,២២% ធៀបជាមួយនឹងប្រជាជនគោលដៅ ១,៨៩៧, ៣៨២ នាក់ ។ លើកុមារអាយុ០៥ឆ្នាំ មាន ៦៦,១៦% ធៀបជាមួយនឹងប្រជាជនគោលដៅ៣០៤,៣១៧ នាក់ ។
ជាមួយគ្នានោះដែរ ក្រសួងសុខាភិបាលក៏បានលើកឡើងថា លទ្ធផលចាក់វ៉ាក់សាំងធៀបនឹងចំនួនប្រជាជនសរុប១៦លាននាក់ មាន ៨៧,៥០% ៕
ចែករំលែកព័តមាននេះ