ADផ្ទាំងផ្សព្វផ្សាយពាណិជ្ជកម្ម

Picture

សមត្ថកិច្ច​កម្ពុជា ជួយ​សង្គ្រោះ​ជនជាតិ​ចិន​ម្នាក់ ចាញ់បោក​ចិន​ដូច​គ្នា នាំមក​ធ្វើការ​នៅ​ខេត្តពោធិ៍សាត់

6 ខែ មុន

ខេត្តពោធិ៍សាត់ ៖ ជនជាតិ​ចិន​ម្នាក់ បាន​អះអាង​ថា ត្រូវ​បាន​ជនជាតិ​ចិន​ដូច​គ្នា ឆបោក​ពី​ប្រទេស​ចិន ឲ្យ​មក​បម្រើ​ការងារ​ដោយ​ខុសច្បាប់ នៅ​ក្រុមហ៊ុន Internet Investment…

ខេត្តពោធិ៍សាត់ ៖ ជនជាតិ​ចិន​ម្នាក់ បាន​អះអាង​ថា ត្រូវ​បាន​ជនជាតិ​ចិន​ដូច​គ្នា ឆបោក​ពី​ប្រទេស​ចិន ឲ្យ​មក​បម្រើ​ការងារ​ដោយ​ខុសច្បាប់ នៅ​ក្រុមហ៊ុន Internet Investment Park នៅ​ខេត្តពោធិ៍សាត់ ដែល​នៅ​ទីនោះ​មានការ​គំរាមកំហែង និង​បិទ​សិទ្ធិ​សេរីភាព​ទៀត​ផង ហើយ​បុរស​ជនជាតិ​ចិន​រូប​នេះ បាន​ផ្ញើ​សារ​ចូល​ក្នុង​គេហទំព័រ​ហ្វេ​ស​ប៊ុ​ក​ផេ​ក​ផ្លូវការ​របស់​សម្ដេច​តេ​ជោ ហ៊ុន សែន នាយក​រដ្ឋមន្ត្រី នៃ​ព្រះរាជាណាចក្រ​កម្ពុជា កាលពី​ថ្ងៃ​ទី​៦ ខែវិច្ឆិកា ឆ្នាំ​២០២១ ។

បើ​តាម​មាន​ខ្លឹមសារ ខ​មិន​(​បកប្រែ​ក្រៅផ្លូវការ​) បានអោយ​ដឹង​ថា «​សួស្តី​សម្ដេច​នាយក​រដ្ឋមន្ត្រី ហ៊ុន សែន ខ្ញុំ​គឺជា​ជនជាតិ​ចិន​ម្នាក់ ដែល​ត្រូវ​បាន​គេ​ឆបោក​ពី​ប្រទេស​ចិន ឲ្យ​មក​ធ្វើការ​នៅ​ក្រុមហ៊ុន​វិនិយោគ​ផ្នែក​អ៊ីនធឺណិត (Internet Investment Park) នៅ​ខេត្តពោធិ៍សាត់ ។ នៅ​ទី​នេះ មាន​គេ​ឲ្យ​ខ្ញុំ​កុហក​អ្នក​ដទៃ ប៉ុន្តែ​ខ្ញុំ​ខ្លាច​មិន​ហ៊ាន​និយាយ​នោះ​ទេ​។ ខ្ញុំ​បាន​ព្យាយាម​ស្វែងរក​ការ​សង្គ្រោះ​ដោយ​សម្ងាត់ អស់​រយៈពេល​ជាង ២​ខែ​មក​ហើយ ប៉ុន្តែ​ពុំ​ទាន់​មាន​ដំណឹង​នោះ​ឡើយ​។ បច្ចុប្បន្ន ខ្ញុំ​មាន​ជំងឺ​ធ្ងន់ធ្ងរ និង​ពុំ​អាច​ទៅ​ធ្វើការ​បាន​នោះ​ទេ ខ្ញុំ​បាត់បង់​តម្លៃ​សម្រាប់​ពួក​គេ​(​ជនជាតិ​ចិន​ដូច​គ្នា​)​ហើយ ។ មនុស្ស​ម្នាក់​អ្នក ដែល​ធ្លាប់​បាន​កុហក​ខ្ញុំ​នោះ និយាយ​ថា នឹង​លក់​ខ្ញុំ​ឲ្យ​ទៅ​អ្នក​ដទៃ ខ្ញុំ​ខ្លាច​ខ្លាំង​ណាស់ និង​គ្មាន​ជំនួយ​ទេ​។ ខ្ញុំ​សង្ឃឹមថា សម្ដេច អាច​ជួយ​សង្គ្រោះ​ខ្ញុំ​បាន​» ។

បន្ទាប់​ពី​ខ​មិន​សារ​បែប​នេះ ក្រុមការងារ​ប្រតិកម្ម​រហ័ស នៃ​អគ្គស្នងការដ្ឋាន​នគរបាល​ជាតិ បាន​សហការ​ជាមួយ​កម្លាំង​ជំនាញ នៃ​ស្នងការដ្ឋាន​នគរបាល​ខេត្តពោធិ៍សាត់ ដើម្បី​ស្រាវជ្រាវ នឹង​មាន​ចំណាត់ការ​លើ​ករណី​នេះ ។

យោង​តាម​របាយការណ៍​បឋម​ពី​ក្រុមការងារ នៃ​ស្នងការដ្ឋាន​នគរបាល​ខេត្តពោធិ៍សាត់ បាន​បញ្ជាក់​ថា អនុវត្ត​តាម​បទបញ្ជា​របស់​លោក​ឧត្តមសេនីយ៍ទោ ស ថេ​ង ស្នងការ​នគរបាល​ខេត្តពោធិ៍សាត់
កាលពី​ព្រឹក​ថ្ងៃ​ទី​០៨ ខែវិច្ឆិកា ឆ្នាំ​២០២១ កម្លាំង​ជំនាញ នៃ​ស្នងការដ្ឋាន​នគរបាល​ខេត្ត បាន​ចុះ​ទៅ​ពិនិត្យ​ផ្ទាល់ និង​ធ្វើ​កិច្ច​ប្រតិបត្តិការ​តាម​នីតិវិធី​ជំនាញ​ពាក់​ព​ន្ធ័ ព្រមទាំង​ធ្វើការ ប្រគល់​-​ទទួលយក​ជន​រង​គ្រោះ ជា​ជនជាតិ​ចិន​ម្នាក់ ឈ្មោះ Xiong Liqiang អាយុ​២៣​ឆ្នាំ នៅ​ចំណុច​ក្នុង​តំបន់​សេដ្ឋកិច្ច​ពិសេស​ថ្មដា ស្ថិត​នៅ​ឃុំ​ថ្មដា ស្រុក​វាល​វែង ខេត្តពោធិ៍សាត់ ។

ក្នុង​កិច្ច​ប្រតិបត្តិការ​ខាងលើ ដោយ​មានការ​សម្របសម្រួល​ពី​លោក​ព្រះរាជអាជ្ញា​អម​សាលាដំបូង​ខេត្តពោធិ៍សាត់ និង​មនា​ការ​ចូលរួម​ពី​តំណាង​ក្រុមហ៊ុន​តំបន់​សេដ្ឋកិច្ច​ពិសេស ផង​ដែរ ។

បច្ចុប្បន្ន ជន​រង​គ្រោះ ជា​ជនជាតិ​ចិន​ខាងលើ ត្រូវ​បាន​ប្រគល់​ជូន​បន្ត​ទៅ​មន្ត្រី​អន្តោប្រវេសន៍ ដើម្បី​អនុវត្ត​វិធានការ​ជំនាញ ស្រប​តាម​នីតិវិធី​ច្បាប់ ៕

Picture
Picture
Picture
Picture
Picture
Picture
Picture
Picture