ដំណឹងល្អ! ថ្នាំគ្រាប់ព្យាបាលកូវីដ ត្រូវបានអង់គ្លេសប្រកាសទទួលស្គាល់ហើយ!
គ្រាប់ថ្នាំព្យាបាលកូវីដ មុលនូពីរ៉ាវៀរ (Molnupiravir) ដែលត្រូវបានបង្កើតឡើងដោយក្រុមហ៊ុនឱសថអាមេរិក Merck, Sharp and Dohme (MSD) និង…
គ្រាប់ថ្នាំព្យាបាលកូវីដ មុលនូពីរ៉ាវៀរ (Molnupiravir) ដែលត្រូវបានបង្កើតឡើងដោយក្រុមហ៊ុនឱសថអាមេរិក Merck, Sharp and Dohme (MSD) និង…
គ្រាប់ថ្នាំព្យាបាលកូវីដ មុលនូពីរ៉ាវៀរ (Molnupiravir) ដែលត្រូវបានបង្កើតឡើងដោយក្រុមហ៊ុនឱសថអាមេរិក Merck, Sharp and Dohme (MSD) និង Ridgeback Biotherapeutics គឺជាថ្នាំប្រឆាំងមេរោគដំបូងគេសម្រាប់ព្យាបាលជំងឺកូវីដ១៩ ហើយវាត្រូវបានចក្រភពអង់គ្លេសទទួលស្គាល់ឱ្យប្រើនៅក្នុងប្រទេសរបស់ខ្លួន។
ចក្រភពអង់គ្លេស យល់ព្រមទិញ ៤៨០,០០០ឈុត ជាមួយនឹងការដឹកជញ្ជូនលើកដំបូងដែលរំពឹងទុកថានឹងមកដល់នៅក្នុងខែវិច្ឆិកានេះ។ ដំបូងវានឹងត្រូវបានផ្តល់ឱ្យទាំងអ្នកជំងឺដែលចាក់វ៉ាក់សាំង និងមិនបានចាក់វ៉ាក់សាំង តាមរយៈការសិក្សាថ្នាក់ជាតិ ដោយមានទិន្នន័យបន្ថែមអំពីប្រសិទ្ធភាពរបស់វា ដែលប្រមូលបាន មុនពេលការសម្រេចចិត្តណាមួយ ដើម្បីបញ្ជាទិញបន្ថែម។
គេបានរកឃើញថា ថ្នាំនេះត្រូវផ្តល់ឱ្យអ្នកជំងឺលេបក្នុងរយៈពេល ៥ថ្ងៃនៃរោគសញ្ញា ទើបវាមានប្រសិទ្ធភាពខ្ពស់ក្នុងការព្យាបាល។ វាជាថ្នាំដែលទៅធ្វើការជាមួយនឹងអង់ស៊ីមដែលវីរុសធ្វើការបំបែកខ្លួន ហើយបង្កជាការខូចសែនរបស់វីរុស។ ការធ្វើដូចនេះ គឺការពារកុំឱ្យវីរុសអាចបំបែកខ្លួន ហើយរក្សាកម្រិតមេរោគក្នុងខ្លួនឱ្យទាប និងកាត់បន្ថយភាពធ្ងន់ធ្ងរនៃជំងឺ។
ក្រុមហ៊ុន Merck ដែលជាអ្នកផលិតថ្នាំនេះ បាននិយាយថា វិធីសាស្រ្តព្យាបាលនេះគឺនឹងមានប្រសិទ្ធភាពលើគ្រប់ប្រភេទនៃកូវីដ មិនថាវាធ្វើការប្រែខ្លួនទៅជាបែបណាទៀតនោះឡើយ។
អង្គភាពគ្រប់គ្រងថ្នាំរបស់ចក្រភពអង់គ្លេស MHRA បាននិយាយថា ថ្នាំនេះត្រូវបានអនុញ្ញាតឱ្យប្រើចំពោះអ្នកដែលមានកូវីដ កម្រិតស្រាលទៅមធ្យម និងយ៉ាងហោចណាស់មានកត្តាហានិភ័យមួយសម្រាប់ការវិវត្តទៅជាជំងឺធ្ងន់ធ្ងរដូចជា ធាត់ ចាស់ជរា ជំងឺទឹកនោមផ្អែម ឬជំងឺបេះដូង។
គួរបញ្ជាក់ផងដែរថា ថ្នាំនេះក៏ត្រូវបានអនុញ្ញាតឱ្យប្រើប្រាស់ដោយក្រសួងសុខាភិបាលនៃព្រះរាជាណាចក្រកម្ពុជាយើងផងដែរ៕
ចែករំលែកព័តមាននេះ