«Daily Mail» របស់អង់គ្លេសកាលពីពេល ថ្មីៗកន្លងមកផ្សាយថា អ្នកស្រី Victoria Reid អាយុ៦០ឆ្នាំ រស់នៅក្រុងម៉េលប៊ើន រដ្ឋផ្លរីដា សហរដ្ឋអាមេរិក បានបាញ់ប្តីលោកហ៊ីម រីត អាយុ៦០ឆ្នាំ នៅពេលដឹងថាលោកលួចមានស្រី ។
ប្តី-ប្រពន្ធដែលរស់នៅរួមគ្នារយៈពេល១៦ឆ្នាំនេះបានទាស់សម្តីគ្នាពីរឿងប្តីមានស្រី ។ គ្រានោះអ្នកស្រី Vic toria Reid យកកាំភ្លើងភ្ជង់បង្ខំឱ្យប្តីអង្គុយលើសាឡុង និងគំរាមបាញ់ក្បាលជង្គង់ និងដើមទ្រូង ។ មិនទាន់បានបាញ់ផងកាំភ្លើងរៀលកៃត្រូវប្រដាប់ភេទបុរសជាប្តី ។
ប៉ូលិសឱ្យដឹងថា អ្នកស្រី Victoria Reid និយាយថា គាត់គ្រាន់តែចង់ឱ្យប្តីរងរបួសលើរាងកាយប៉ុណ្ណោះ ប៉ុន្តែកាំភ្លើងបែរជារៀលកៃត្រូវលិង្គទៅវិញ ។
អ្នកស្រី Victoria Reid បានតម្រង់បាញ់ត្រង់ក្បាលជង្គង់ឆ្វេង តែគ្រាប់ទៅត្រូវលិង្គរបស់ប្តីទៅវិញ ។
ប៉ូលិសបានចាប់ខ្លួនស្ត្រីរូបនោះយកទៅចាត់ការតាមច្បាប់ ។ ទោះជាយ៉ាងណាក្តី អ្នកស្រី Victoria Reid បាននៅក្រៅឃុំ ព្រោះតម្កល់ប្រាក់ធានាចំនួន៣៥.០០០ដុល្លារ ។ ចំណែកលោកហុីម រ៉េដ កំពុងសម្រាកព្យាបាល នៅមន្ទីរពេទ្យ ៕
ចែករំលែកព័តមាននេះ