ទីក្រុងវ៉ាស៊ីនតោន៖ គូស្វាមីភរិយាមួយនៅរដ្ឋ Pennsylvania សហរដ្ឋអាម៉េរិក បានលក់កសិដ្ឋានចិញ្ចឹមជ្រូកទំហំ ​៨៩អា ដែលកំពុងជួបការលំបាកក្នុងអាជីវកម្ម ក្នុងតម្លៃជាង ២២លានដុល្លារអាម៉េរិក ទៅឱ្យក្រុមហ៊ុនអភិវឌ្ឍមជ្ឈមណ្ឌលទិន្នន័យ AI ដែលគាំទ្រដោយ Blackstone។ ការលក់នេះជាផ្នែកមួយនៃការទិញដីពី ៩៦គ្រួសារ ក្នុងតំបន់ដូចគ្នា ដែលមានតម្លៃសរុប ៥៨៦លានដុល្លារ។ នេះ​យោងតាមការចុះផ្សាយរបស់ Vinnews និងប្រភពផ្សេងៗទៀត។

មូលហេតុដែលដីមានតម្លៃខ្ពស់ មិនមែនដោយសារធនធានធម្មជាតិទេ ប៉ុន្តែដោយសារទីតាំងមានបណ្តាញអគ្គិសនី និងស្ថានីយបំប្លែងថាមពល ដែលសមស្របសម្រាប់មជ្ឈមណ្ឌលទិន្នន័យ AI ដែលត្រូវការអគ្គិសនីច្រើន។ បន្ទាប់ពីលក់ដី គ្រួសារនេះបានសងបំណុលទាំងអស់ ហើយគ្រោងវិនិយោគលើជីវភាព និងគម្រោងថ្មីៗ ខណៈគម្រោងមជ្ឈមណ្ឌលទិន្នន័យត្រូវបានរំពឹងថានឹងបង្កើតការងាររាប់ពាន់កន្លែងក្នុងតំបន់៕