រាជធានីភ្នំពេញ ៖ តាមប្រភពព័ត៌មានដែលទទួលបាននៅមុននេះបន្តិច បានបញ្ជាក់ឱ្យដឹងថា សមត្ថកិច្ចនឹងបញ្ជួនលោកមេបញ្ជាការក្រុងក្រចេះ និងបក្សពួករបស់ខ្លួនទៅសាលាដំបូងខេត្តក្រចេះ ជុំវិញករណីប្រើប្រាស់ហិ.ង្សាលើកូនឈ្នួលរបស់ខ្លួនយ៉ាងឃោរ.ឃៅនោះ ។
លោកឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស បានថ្លែងប្រាប់កោះសន្តិភាពនៅមុននេះថា ករណីនេះ គឺបញ្ជួនទៅតុលាការខេត្តក្រចេះ ទៅអយ្យការអមសាលាដំបូងខេត្តក្រចេះ ដោយអត់យកមកប៉េអឹមលើផ្ទៃប្រទេសនោះទេ ។
យ៉ាងណាមិញ ពាក់ព័ន្ធនឹងរឿងកសាងនីតិវិធីបន្តនេះ លោកបានបញ្ជាក់ថា សូមសាកសួរទៅអយ្យការអមសាលាដំបូងខេត្តក្រចេះ ព្រោះពាក់ព័ន្ធនឹងការស៊ើបអងេ្កត និងការស្រាវជ្រាវ គឺក្រោមការដឹកនាំរបស់អយ្សការ អ៊ីចឹងខាងប៉េអឹមលើផ្ទៃប្រទស បានប្រកាសព័ត៌មានរួចហើយ អំពីការឃាត់ខ្លួនមេប៉េអឹមក្រុងក្រចេះនេះ ។
សូមរម្លឹកថា លោកវរសេនីយ៍ត្រី ទេព ហ៊ុយ និងបុគ្គលិកដែលពាក់ព័ន្ធ ក៏ត្រូវបានឃាត់ខ្លួនកាលពីថ្ងៃទី ៣០ ខែតុលា ឆ្នាំ២០២១ ពាក់ព័ន្ធករណីប្រព្រឹត្តអំពើហិ.ង្សាទៅលើក្មេងស្រីដែលជាកូនឈ្នួល (អ្នកបម្រើ) នៅក្នុងផ្ទះ។
សូមរំលឹកទៀតថា ៖ ចាប់ខ្លួនមេបញ្ជាការកងរាជអាវុធហត្ថ និងបក្សពួក ក្រោយធ្វើបា.បកុមារីកូនឈ្នួល២នាក់ ៕
ចែករំលែកព័តមាននេះ