មេបញ្ជាការរងកងម៉ារីនរុស្ស៊ី ឧត្តមនាវីវិកទ័របួរស៊ុក អះអាងតាមវិទ្យុ ECHO ក្រុងមូស្គូថា បណ្តានាវាមុជទឹកនុយក្លេអ៊ែររុស្ស៊ីបំពាក់ដោយអាវុធដែលអាចកម្ទេចបណ្តាគោលដៅក្នុងទីអវកាស ។
មេបញ្ជាការរងកងម៉ារីនរុស្ស៊ី ឧត្តមនាវីវិកទ័របួរស៊ុក អះអាងតាមវិទ្យុ ECHO ក្រុងមូស្គូថា បណ្តានាវាមុជទឹកនុយក្លេអ៊ែររុស្ស៊ីបំពាក់ដោយអាវុធដែលអាចកម្ទេចបណ្តាគោលដៅក្នុងទីអវកាស ។
ឧត្តមនាវីរូបនោះបន្តថា យើងប្រើប្រាស់់បច្ចេកវិទ្យាបែបអស់ទាំងនោះ ។ បច្ចេកវិទ្យាទាំងនោះបង្កើតឡើងដោយបណ្តាអ្នកស្រាវជ្រាវនៅរុស្ស៊ីព្រមទាំងនៅឯបរទេសផងដែរ។ ដូច្នេះនាពេលអនាគតគ្រឿងសព្វាវុធមួយប្រភេទនឹងបំពាក់ឱ្យបណ្តានាវាមុជទឹក ។ សហគមន៍អន្តរជាតិពិតណាស់មានការព្រួយបារម្ភចំពោះការបាញ់សាកល្បងមីស៊ីលបាលីស្ទិកនានាដែលជាអាវុធទំនើបបំផុតសម្រាប់បណ្តានាវាមុជទឹក ។ ពិសេសបំផុតមន្ទីរប៉ង់តាហ្គោនភ័យខ្លាចថា រុស្ស៊ីអាចធ្វើឱ្យសេវាកម្មផ្កាយរណបយោធាអាមេរិកលែងប្រើប្រាស់កើតហើយនាពេលនោះ នឹងមានជម្លោះអវកាស ។
យោងតាមឧត្តមសេនីយ៍អាមេរិក DAVID BUCK មេបញ្ជាការកងឯកភាពមួយក្នុងផ្ទៃទីបញ្ជាការដ្ឋានយុទ្ធសាស្ត្រសហរដ្ឋអាមេរិកថា នឹងពុំមានសមាសភាពអវកាសអាមេរិកណាមួយរួមទាំងនៅលើដីដែលនឹងមិនរងគ្រោះថ្នាក់ឡើយ ។
ទោះបីយ៉ាងណាឧត្តមនាវីរុស្ស៊ីរូបនោះអះអាងថា គេត្រូវរំលឹកថា ដើម្បីរំងាប់អារម្មណ៍របស់បណ្តាឧត្តមសេនីយ៍អាមេរិកគឺរាល់បច្ចេកវិទ្យាទាំងនោះព្រមទាំងអាវុធថ្មីៗរបស់រុស្ស៊ីនឹងពុំសំដៅប្រឆាំងប្រទេសណាមួយឡើយ ព្រោះលទ្ធិយោធារុស្ស៊ីដែលលទ្ធិនោះថ្មីអនុម័តកាលពីខែធ្នូ ឆ្នាំ២០១៤ បង្ហាញពីលក្ខណៈការពារសុទ្ធសាធ ។
បច្ចុប្បន្នមានតែប្រទេស៦ទេលើពិភពលោកដែលមាននាវាមុជទឹកនុយក្លេអ៊ែរ គឺ៖ បារាំង សហរដ្ឋអាមេរិក អង់គ្លេស រុស្ស៊ី ចិន ហើយចាប់តាំងពីឆ្នាំ២០០៩មកប្រទេសឥណ្ឌាក៏មានដែរ ។ មកទល់ឆ្នាំ២០១៣ សហរដ្ឋអាមេរិកមាននាវាមុជទឹកនុយក្លេអ៊ែរច្រើនជាងគេជាមួយនាវាមុជទឹកនុយក្លេអ៊ែរបាញ់គ្រាប់បែក ១៤គ្រឿង នាវាមុជទឹកនុយក្លេអ៊ែរបាញ់មីស៊ីលបណ្តែត SSGN ៤គ្រឿង ព្រមទាំងនាវាមុជទឹកនុយក្លេអ៊ែរវាយប្រហារ SNA ៥៥គ្រឿង សរុប៧៧គ្រឿង ។
យោងតាមទស្សនាវដ្តីអាមេរិក NATIONAL INTEREST ថា នាវាមុជទឹកនុយក្លេអ៊ែររុស្ស៊ីថ្មីៗធ្វើឱ្យកងម៉ារីនអាមេរិកមានការព្រួយបារម្ភ ។ NATIONAL INTEREST វាយតម្លៃថានាវាមុជទឹកនុយក្លេអ៊ែរវាយប្រហាររបស់រុស្ស៊ី K-329 SERERODVINSK នៃគម្រោង៨៨៥ ជានាវាមុជទឹកមួយក្នុងចំណោមនាវាមុជទឹកដ៏ល្អទាំងឡាយរបស់រុស្ស៊ីដែលអាចតតាំងជាមួយបណ្តានាវាមុជទឹកអាមេរិក ។
ឧត្តមនាវីអាមេរិក DAVE JOHNSON ជាអ្នកទទួលខុសត្រូវខាងកម្មវិធីនាវាមុជទឹកនៅ NAVAL SEA SYSTEMS COMMAND (NAVSEA)ដកស្រង់សម្តីដោយទស្សនាវដ្តីនេះថ្លែងជាពិសេសថា យើងនឹងប្រឈមមុខជាមួយគូប្រជែងដ៏ខ្លាំងមួយ ។ នាវាមុជទឹកនុយក្លេអ៊ែររុស្ស៊ី SEVERODVINSK បំពាក់ដោយមីស៊ីលបណ្តែត ។ នាវាមុជទឹកSEVERODVINSK ប្រើប្រាស់បច្ចេកវិទ្យាជាច្រើនបង្កើតឡើងដោយសហភាពសូវៀតសម្រាប់បណ្តានាវាមុជទឹកនៃគម្រោង 705 LIRA កាលពីទសវត្សឆ្នាំ១៩៧០-១៩៨០។ LIRA ជាប្រភេទមាវាមុជទឹកដែលរត់លឿនបំផុត នៃសម័យកាលរបស់ខ្លួនហើយមានសមត្ថភាពមុជទឹកជ្រៅទៀតផង ។ នាវាមុជទឹក SEVERODVINSK មានក្រុមនាវិក នាយទាហាន តែ៣២នាក់ និងនាវិក៥៨នាក់ ប៉ុណ្ណោះ ។ បណ្តាវិស្វកររុស្ស៊ីជ្រើសរើសយករចនាសម្ព័ន្ធ HYBRIDE ដែលកាន់តែស្រាលសម្រាប់គម្រោងនាវាមុជទឹកប្រភេទ LASSEN ៕
ចែករំលែកព័តមាននេះ