ទ្រព្យសម្បត្តិ២%របស់មហាសេដ្ឋី Elon Musk អាចដោះស្រាយវិបត្តិអត់ឃ្លានពិភពលោកបាន
អាមេរិក ៖ ប្រធានកម្មវិធីស្បៀងអាហារពិភពលោករបស់អង្គការសហប្រជាជាតិបាននិយាយថា បុគ្គលមួយចំនួនតូចនៃក្រុមអ្នក
អាមេរិក ៖ ប្រធានកម្មវិធីស្បៀងអាហារពិភពលោករបស់អង្គការសហប្រជាជាតិបាននិយាយថា បុគ្គលមួយចំនួនតូចនៃក្រុមអ្នកមានទ្រព្យសម្បត្តិមហាសាល អាចជួយសោះស្រាយវិបត្តិអត់ឃ្លានរបស់ពិភពលោកបាន ជាមួយលុយមួយចំណែកនៃទ្រព្យសម្បត្តិរបស់ពួកគេ។
ក្នុងកិច្ចសម្ភាសន៍ជាមួយនឹង CNN លោក David Beasley ប្រធានកម្មវិធីស្បៀងអាហារពិភពលោកបានថ្លែងថា «មហាសេដ្ឋកិច្ចត្រូវចេញមកឥឡូវនេះ ក្នុងពេលនេះ»។ លោកបានលើកឡើងជាពិសេសចំពោះមហាសេដ្ឋីមានបំផុតពីររូបគឺលោក Elon Musk និង Jeff Bezos។
លោកថ្លែងដូចច្នេះថា «លុយ ៦ពាន់លានដុល្លារដើម្បីជួយមនុស្ស ៤២លាននាក់ ដែលនឹងស្លា.ប់ ប្រសិនយើងមិនទៅដល់ពួកគេ។ វាមិនស្មុគស្មាញឡើយ»។
លោក Elon Musk ស្ថាបនិករបស់ក្រុមហ៊ុន Tesla មានទ្រព្យសម្បត្តិជិត ២៨៩ពាន់លានដុល្លារ បើយោងតាមទស្សនាវដ្តី Bloomberg។ មានន័យថា ប្រធានកម្មវិធីស្បៀងអាហារពិភពលោកសុំការបរិច្ឆាគចំនួន២ភាគរយប៉ុណ្ណោះនៃទ្រព្យសម្បត្តិរបស់គាត់។
ទ្រព្យសម្បត្តិសរុបទាំងអស់របស់មហាសេដ្ឋីអាមេរិកបានកើតឡើងស្ទើរទ្វេដងចាប់តាំងពីមានការផ្ទុះជំងឺកូវីដ ១៩មក ដោយមានសរុបចំនួន ៥,០៤លានលាន ក្នុងខែតុលា។ នេះបើយោងតាមវិទ្យាស្ថានសម្រាប់ការសិក្សាគោលនយោបាយ និងអាមេរិកដើម្បីតម្លាភាពពន្ធ។
បើតាមរបាយការណ៍របស់កម្មវិធីស្បៀងអាហារពិភពលោកកាលពីថ្ងៃច័ន្ទនេះ ប្រជាជនអាហ្វហ្គានីស្ថានចំនួន ២២,៨លាននាក់ ឬស្មើពាក់កណ្តាលប្រទេសកំពុងប្រឈមនឹងគ្រោះអត់ឃ្លានធ្ងន់ធ្ងរ។
បើតាមសេចក្តីរាយការណ៍ មានគ្រួសារអាហ្វហ្គានីស្ថានមួយបានលក់កូនតូចរបស់ពួកគេក្នុងតម្លៃ ៥០០ដុល្លារ ដោយសារតែពួកគេកំពុងដាច់ស្បៀងយ៉ាងខ្លាំង។
ចំណែកនៅក្នុងប្រទេសអេត្យូពីវិញ កម្មវិធីស្បៀងអាហារពិភពលោកបានប៉ាន់ស្មានថា ប្រជាជនចំនួន ៥,២លាននាក់ត្រូវការជំនួយស្បៀងអាហារបន្ទាប់នៅតំបន់ Tigray កន្លែងដែលនាយករដ្ឋមន្ត្រីអេត្យូពីលោក Abiy Ahmed បានដឹកនាំការវាយលុយដ៏ធំប្រឆាំងនឹងរណសិរ្សរំដោះប្រជាជន Tigray (TPLF) ចាប់តាំងពីឆ្នាំមុន។ ជនស៊ីវិលរាប់ពាន់នាក់ត្រូវបានសម្លា.ប់ ខណៈមនុស្សជាង ២លាននាក់ទៀតបានផ្លាស់ទីលំនៅ។
ក្រុមអង្គការមនុស្សធម៌ ក៏ដូចជាកម្មវិធីស្បៀងអាហារពិភពលោក ពិបាកក្នុងការផ្តល់ជំនួយទៅដល់តំបន់នោះ ដោយសារតែមានវិបត្តិធ្ងន់ធ្ងរ៕ (យោងតាមប្រភព៖ CNN)
ចែករំលែកព័តមាននេះ