ADផ្ទាំងផ្សព្វផ្សាយពាណិជ្ជកម្ម

Picture

​ត្រៀម​ជម្លៀស​ប្រជា​ពលរដ្ឋ​​ទៅ​កាន់​ទីទួល​សុវត្ថិ​ភាព​ ពេល​ស្ថានភាព​ទឹកស្ទឹងព្រែកត្នោត​ធ្ងន់ធ្ងរ

1 ខែ មុន
  • ភ្នំពេញ

រាជធានី​ភ្នំពេញ ​៖ លោក ឃួ​ង ស្រេង អភិបាល​រាជធានី​ភ្នំពេញ​ នៅ​ព្រឹក​ថ្ងៃ​ទី​២៧ ខែតុលា ឆ្នាំ​២០២១​នេះ បាន​ដឹកនាំ​ក្រុម​មន្ត្រី​

រាជធានី​ភ្នំពេញ ​៖ លោក ឃួ​ង ស្រេង អភិបាល​រាជធានី​ភ្នំពេញ​ នៅ​ព្រឹក​ថ្ងៃ​ទី​២៧ ខែតុលា ឆ្នាំ​២០២១​នេះ បាន​ដឹកនាំ​ក្រុម​មន្ត្រី​ជំនាញ អាជ្ញាធរ​មូលដ្ឋាន និង​កងកម្លាំង​ទាំង​៣​ប្រភេទ បន្ត​ត្រួតពិនិត្យ​ស្ថានភាព​ទឹក​នៅ​ស្ទឹង​ព្រែក​ត្នោត និង​ទីតាំង​ដែល​ទឹក​ហូរ​ច្រោះ ព្រមទាំង​ត្រៀម​ជួយ​សង្គ្រោះ​ប្រជាពលរដ្ឋ​មួយ​ចំនួន​ទៅ​កាន់​ទីទួល​មាន​សុ​ត្ថិ​ភាព​ផង​ដែរ ​ពេល​មាន​ស្ថានភាព​ធ្ងន់ធ្ងរ​។ គួររំលឹកថា ស្ថានភាព​ទឹកជំនន់​ស្ទឹង​ព្រែក​ត្នោត​ប្រកាស​អាសន្ន​យប់មិញ មិន​ទាន់​មាន​សញ្ញា​ថមថយ​នៅឡើយ​ទេ

អាជ្ញាធរ​មូល​ដ្ឋា​ន​បាន​ឲ្យ​ដឹង​ថា ទ្វារ​ទប់ទឹក​មួយ​កន្លែង​មា​នទី​តាំងនៅ​ចន្លោះ​រវាង​ក្នុងភូមិ​សាលា និង​ភូមិ​កន្តុ​យ​ទឹក សង្កាត់​ទៀន ខណ្ឌដង្កោ ត្រូវ​បាន​ទឹក​ហូរ​ច្រោះ​តាំងពី​ម៉ោង​ប្រមាណ​១១​និង​៣០​នាទី​យប់​រំលង​អា​ធ្រា​ត្រ​ថ្ងៃ​ទី​២៧ ខែតុលា ឆ្នាំ​២០២១​។

ស្ថានភាព​ទឹក​ហូរ​ច្រោះ​ខាងលើ​នេះ អាច​​បង្ក​ផល​ប៉ះពាល់​ដល់​ភូមិសាស្ត្រ​សង្កាត់​មួយ​ចំនួន​ដូច​ជា សង្កាត់​គង់​ន​យ សង្កាត់​ទៀន សង្កាត់​ស្ពានថ្ម សង្កាត់​ព្រែក​កំពឹស និង​សង្កាត់​រលួស ក្នុង​ខណ្ឌដង្កោ ដោយ​ត្រូវ​ជម្លៀស​ប្រជាជន​ចេញពី​លំនៅ​ដ្ឋា​ន​ដើម្បី​រក​ទីទួល​សុវត្ថិភាព​ជា​បន្ទាន់​។

សម្រាប់​ស្ថានភាព​នេះ លោក ឃួ​ង ស្រេង អភិបាល​រាជធានី​ភ្នំពេញ​បាន​ដឹកនាំ និង​បញ្ជា​ឲ្យ​កងកម្លាំង​ជម្លៀស​ប្រជាជន​មក​កាន់​ទួល​សុវត្ថិភាព​ជា​បន្តបន្ទាប់ ហើយ​មិន​ទាន់​មាន​ប្រជាពលរដ្ឋ​ណា​ម្នាក់​រងគ្រោះថ្នាក់​ដល់​ជីវិត​នៅ​ក្នុង​ស្ថានភាព​នេះ​ទេ​។

លោក ឃួ​ង ស្រេង ក៏​បាន​ណែនាំ​ឲ្យ​កងកម្លាំង និង​មន្ត្រី​ជំនាញ​សហការ​គ្នា​យក​បាវ​ខ្សាច់ ចាក់​ទប់​បិទមុខ​ទឹក ដើម្បី​កុំ​ឲ្យ​ហូរ​ទៅ​ផ្នែក​ខាងក្រោម នៃ​សង្កាត់​គង់​ន​យ សង្កាត់​ទៀន សង្កាត់​ស្ពានថ្ម សង្កាត់​ព្រែក​កំពឹស និង​សង្កាត់​រលួស​ផង​ដែរ​។

ការ​ធ្លាយ​ទំនប់​សណ្តរ​ស្ទឹង​ព្រែក​ត្នោត កាលពី​យប់​ម៉ិ​ញ​ អាជ្ញាធរ​រាជធានី​ភ្នំពេញ គ្រប់គ្រង​បាន​ប្រមាណ​៨០​ភាគរយ​ហើយ គិតដល់​ម៉ោង​ជិត​១២ថ្ងៃ​​ត្រង់​ថ្ងៃទី​​២៧ តុលា​នេះ​។

គួរ​បញ្ជាក់​ថា​ ​ក្រោម​ការ​បញ្ជា​ដោយ​ផ្ទាល់​ពី​លោក​ឃួ​ង ស្រេង អភិបាល​រាជធានី​ភ្នំពេញ ការ​ធ្លាយ​ទំនប់​សណ្តរ​ស្ទឹង​ព្រែក​ត្នោត កាលពី​យប់​ម៉ិ​ញ​ថ្ងៃ​ទី​២៦​តុលា អាជ្ញាធរ​រាជធានី​ភ្នំពេញ គ្រប់គ្រង​បាន​ប្រមាណ​៨០​ភាគរយ​ហើយ គិត​មក​ដល់​ម៉ោង​នេះ​។

នៅ​ព្រឹក​ថ្ងៃ​ទី​២៧ ខែតុលា ឆ្នាំ​២០២១​នេះ ក្រោយ​ពី​ទទួល​បាន​ព័​ត៏​មាន​ជុំវិញ ការ​ធ្លាយ​ទំនប់​សណ្តរ​ស្ទឹង​ព្រែក​ត្នោត កាលពី​យប់​ម៉ិ​ញ លោក​ឃួ​ង ស្រេង​បាន​ចុះ​មក​ដល់ទី​កន្លែង​កើតហេតុ​ភ្លាម​ៗ និង​បាន​បញ្ជា ដោយ​ប្រើប្រាស់​គ្រប់​មធ្យោបាយ ដើម្បី​ទប់ទឹក​ដែល​ធ្លាយ​នេះ កុំអោយ​បង្ក​គ្រោះ​មហន្តរាយ​ដល់​បងប្អូន​ប្រជាពលរដ្ឋ​។

ទំនប់​សណ្តរ​ស្ទឹង​ព្រែក​ត្នោត​ដែល​បាន​ធ្លាយ កាលពី​យប់​ម៉ិ​ញ (​ថ្ងៃ​ទី​២៦​តុលា​នេះ )​មាន​ទីតាំង ស្ថិត​ក្នុងភូមិ​កន្ទុយ​ទឹក សង្កាត់​ទៀន ខណ្ឌដង្កោ រាជធានី​ភ្នំពេញ ។ ទីតាំង​នេះ ត្រូវ​បាន​ប្រជាពលរដ្ឋ ក៏​ដូច​ជា​អាជ្ញាធរ​មូលដ្ឋាន បញ្ជាក់​ថា ពី​មុន​ជា​ទ្វា​ទឹក (​ប្រឡាយ​៨៥) ក្រោយមក​ត្រូវ​បាន​បិទ​មិន​អោយ​ដំណើរការ លុះ​មក​ដល់​មាន​ជំនន់​ទឹក​សណ្តរ​ស្ទឹង​ព្រែក​ត្នោត​នេះ អតីត​ទ្វា​ទឹក​នេះ បាន​ជ្រៀប​ទឹក​រហូត​ធ្លាយ​ពី​ខាងក្រោម​តែ​ម្តង​។

ក្រោយ​ពី​ធ្លាយ​ទំនប់​នេះ មិន​បាន​ប៉ុន្មាន​ម៉ោង​ផង អាជ្ញាធរ​រាជធានី​ភ្នំពេញ ក្រោម​ការ​បញ្ជា​ពី​ផ្ទាល់​ពី​លោក​ឃួ​ង ស្រេង អភិបាល​រាជធានី​ភ្នំពេញ យើង​អាច​គ្រប់​គ្រប់គ្រង​បាន​ប្រមាណ​៨០​ភាគរយ ដែល​វា​នឹង​មិន​បង្ក​គ្រោះថ្នាក់​ធ្ងន់ធ្ងរ​ដល់​ប្រជាពលរដ្ឋ​បន្ថែម​ទៀត​។

មន្ត្រី​រដ្ឋបាល​ខណ្ឌដង្កោ បានអោយ​ដឹង​ថា ការ​បាក់​ទំនប់​ទឹក​សណ្តរ​ស្ទឹង​ព្រែក​ត្នោត​នេះ វា​បាន​ប៉ះពាល់​ដល់​ភូមិ​ចំនួន​៤ ក្នុង​សង្កាត់​ទៀត​នៃ​ខណ្ឌដង្កោ ក្នុង​នោះ​មាន ភូមិ​កន្ទុយ​ទឹក ប៉ះពាល់​ចំនួន ៥៣​ខ្នង​ផ្ទះ ភូមិ​ថ្ម​ចំនួន​៩៣​ខ្នង ភូមី​ក្រាំង​៨៥​ខ្នង ភូមិ​សាលា​ចំនួន​៧៤ សរុប​៣០៦​ខ្នង​ផ្ទះ ។ ប៉ុន្តែ​ទោះបីជា​យ៉ាងណា​ក្តី គ្រោះ​មហន្តរាយ​នេះ​វា​មិន​បាន​អូស​បន្លាយ​អោយ​ធ្ងន់ធ្ងរ​ជាង​នេះ​ថែម​ទៀត​នោះ​ទេ បើ​អាច​ទប់ស្កាត់​បាន​ទាន់​ពេលវេលា​៕

Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture