ស្ថានភាពទឹកជំនន់ស្ទឹងព្រែកត្នោតប្រកាសអាសន្នយប់មិញ មិនទាន់មានសញ្ញាថមថយនៅឡើយទេ
- ភ្នំពេញ
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា ស្ថានភាពទឹកជំនន់ស្ទឹងព្រែកត្នោតបានហូរច្រោះលូប្រឡាយមួយនៅ
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា ស្ថានភាពទឹកជំនន់ស្ទឹងព្រែកត្នោតបានហូរច្រោះលូប្រឡាយមួយនៅក្នុងភូមិកន្ទុយទឹក សង្កាត់ទៀន ខណ្ឌដង្កោ តាំងពីវេលាម៉ោង១១និង៣០នាទីយប់ថ្ងៃទី២៦ តុលា មកម៉្លេះ រហូតមកដល់ព្រឹកថ្ងៃទី២៧ តុលា នេះដែរ កម្លាំងអាជ្ញាធរនិងកម្លាំងយោធាអង្គភាព៣១១បញ្ជាការដ្ឋានអង្គរក្ស កំពុងច្រកខ្សាច់ដាក់បាវ ព្រមទាំងយកទូកុងតឺន័រដាក់ឃាំងទប់ទឹកហើយ ប៉ុន្តែស្ថានភាពទឹកនៅមិនទាន់ថមថយនៅឡើយទេ ដោយផ្លូវបេតុងនៅក្បែរលូនេះក៏បានបាក់ប្រវែងប្រមាណជាង១០ម៉ែត្រ និងមានការលិចហូរចូលផ្ទះប្រជាពលរដ្ឋខ្លះផងដែរ។ គួររំលឹកថា ប្រកាសអាសន្នហើយ! ទឹកជំនន់ស្ទឹងព្រែកត្នោតកំពុងវាយលុក
តាមសេចក្តីរាយការណ៍បានឱ្យដឹងបន្តថា នាព្រឹកនេះដែរ គេសង្កេតឃើញវត្តមានលោកឃួង ស្រេង អភិបាលរាជធានី កំពុងចុះពិនិត្យមើលស្ថានភាពទឹកហូរច្រោះលូប្រឡាយនៅចំណុចខាងលើនេះ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ