ឃាត់ខ្លួនអ្នករានដីព្រៃខុសច្បាប់០៥នាក់ នៅស្រុកវាលវែង
ខេត្តពោធិ៍សាត់ ៖ ជនកា.ប់រាន និងឈូសឆាយដីព្រៃរបស់រដ្ឋខុសច្បាប់យកធ្វើជាកម្មសិទ្ធិរបស់ខ្លួនចំនួន០៥នាក់បានត្រូវសមត្ថកិច្ចឃាត់ខ្លួន កាលពីថ្ងៃទី២៨និង២៩ ខែមីនា
ខេត្តពោធិ៍សាត់ ៖ ជនកា.ប់រាន និងឈូសឆាយដីព្រៃរបស់រដ្ឋខុសច្បាប់យកធ្វើជាកម្មសិទ្ធិរបស់ខ្លួនចំនួន០៥នាក់បានត្រូវសមត្ថកិច្ចឃាត់ខ្លួន កាលពីថ្ងៃទី២៨និង២៩ ខែមីនា
ខេត្តពោធិ៍សាត់ ៖ ជនកាប់រាន និងឈូសឆាយដីព្រៃរបស់រដ្ឋខុសច្បាប់យកធ្វើជាកម្មសិទ្ធិរបស់ខ្លួនចំនួន០៥នាក់បានត្រូវសមត្ថកិច្ចឃាត់ខ្លួន កាលពីថ្ងៃទី២៨និង២៩ ខែមីនា ឆ្នាំ២០១៦ ខណៈពេលកំពុងលួចធ្វើសកម្មភាពជាក់ស្ដែងនៅភូមិសំឡាញ ឃុំក្រពើពីរ ស្រុកវាលវែង ខេត្តពោធិ៍សាត់។
លោកអនុសេនីយ៍ឯក ពុធ ប៊ុនឈឿន មេបញ្ជារការកងរាជអាវុធហត្ថស្រុកវាលវែង បានប្រាប់ឲ្យដឹងថាជនសង្ស័យទាំង០៥នាក់ ដែលសមត្ថកិច្ចឃាត់ខ្លួននេះបានធ្វើឡើងចំនួនពីរលើកលើកទីមួយ ថ្ងៃទី២៨ ខែមីនា វេលាម៉ោង០៩និង៣០នាទីព្រឹក នៅភូមិសំឡាញ ឃុំក្រពើពីរ ០៣នាក់ ១.ឈ្មោះគឹម ភេទប្រុស អាយុ២៦ឆ្នាំ ២.ឈ្មោះលាស់ សារួន ភេទប្រុស អាយុ២០ឆ្នាំ ៣.ឈ្មោះទីវ ប៊ុនហេង ភេទប្រុស អាយុ៤៥ឆ្នាំ ទាំង០៣នាក់មកពីភូមិសេកសក ឃុំផ្លូវមាស ស្រុករតនៈមណ្ឌល ខេត្តបាត់ដំបង ឃាត់ខ្លួនពីបទរុករានដីព្រៃរបស់រដ្ឋខុសច្បាប់យកធ្វើជាកម្មសិទ្ធិរបស់ខ្លួន។ លើកទីពីរថ្ងៃទី២៩ វេលាម៉ោង០៦ល្ងាច ឃាត់ខ្លួនចំនួន០២នាក់ទៀតដែលកំពុងធ្វើសកម្មភាពនៅចំណុចស្មែត ភូមិសំឡាញ ឃុំក្រពើពីរនោះដែរ។
ជនទាំងពីរនាក់នេះមានទីលំនៅមិនពិតប្រាកដឃាត់ខ្លួនពីបទរុករាន ចាត់ចែង វាស់វែងដីព្រៃខុសច្បាប់ ប្រើប្រាស់អាវុធច្នៃនិងវិទ្យុទាក់ទងជាក្រុមដោយគ្មានការអនុញ្ញាត។ លោកពុធ ប៊ុនឈឿន បញ្ជាក់ថាក្នុងប្រតិបត្តិការចុះបង្ក្រាបនេះមានកម្លាំងអាវុធហត្ថ និងនគរបាលស្រុករួមសហការណ៍គ្នាជាមួយនឹងការឃាត់ខ្លួនជនសង្ស័យនេះសមត្ថកិច្ចយើងបានរឹបអូសវត្ថុតាងមានម៉ាស៊ីនត្រង់ស៊ីន័រចំនួន០៣គ្រឿង,វិទ្យុទាក់ទងចំនួន០១គ្រឿង និងកាំភ្លើងស្នប់ចំនួន០៥គ្រឿង។
ជនសង្ស័យខាងលើបានធ្វើសកម្មភាពអារដើមឈើរានដីជាក់ស្ដែងប្រមាណជាង១០ហិកតានៅភូមិសំឡាញ ឃុំក្រពើពីរ ស្រុកវាលវែងនោះដែលជាអំពើរខុសច្បាប់។ ជនសង្ស័យទាំង០៥នាក់រួមជាមួយវត្ថុតាងបានរៀបចំឯកសាររួចប្រគល់ទៅឲ្យខាងផ្នែករដ្ឋបាលព្រៃឈើស្រុកវាលវែងដើម្បីចាត់ចែងបន្តទៅតាមនីតិវិធីច្បាប់៕
ចែករំលែកព័តមាននេះ