ខេត្តកំពត ៖ ក្រុមអាជីវកលក់ដូរផ្សារឈូក និងប្រជាពលរដ្ឋបានអបអរសារទរឯកឧត្តម ម៉ៅ ធនិន អភិបាលស្រុកឈូកក្នុងខេត្តកំពត កាលពីព្រឹកថ្ងៃទី២៦ តុលា ២០២១ នេះ ខណៈដែលឯកឧត្តមបានអញ្ជើញសួរសុខទុក្ខដល់ក្រុមអាជីវករលក់ដូរនៅជុំវិញផ្សារឈូក ក៏ដូចប្រជាពលរដ្ឋមកឈរចង់ឃើញមុខរបស់ឯកឧត្តមផ្ទាល់ ព្រោះពួកគាត់បានចាត់ទុកសម្ដីឯកឧត្តមជាមាសពេជ្រ ផ្ដល់កំលាំងចិត្តដល់ប្រជាពលរដ្ឋមិនរើសអើងឡើយ។
ឯកឧត្តម ម៉ៅ ធនិន មិនបានថ្លែងសន្ទរកថាអ្វីឡើយ ប៉ុន្តែបានថ្លែងទៅកាន់ពលរដ្ឋថា ឯកឧត្តមទើបតែមកកាន់តំណែងជាអភិបាលខេត្តកំពត សុំចូលជាសមាជិកក្នុងគ្រួសារប្រជាពលរដ្ឋក្នុងខេត្តកំពតជាទូទៅចាប់ពីពេលនេះតទៅ ។ ឯកឧត្តមបញ្ជាក់ថា សុំចូលជាសមាជិកក្នុងគ្រួសារតែមួយនេះ សុំអោយបងប្អូនប្រជាពលរដ្ឋទាំងអស់ ចេះស្រលាញ់គ្នាសាមគ្គីគ្នា ។
ឯកឧត្តមបានប្រាប់ទៅប្រជាពលរដ្ឋថា សុំធ្វើជាសមាជិកនេះមានន័យថា មានបងមានប្អូនមានពូ មានកូន មានឪពុកមា ធ្វើជាចៅហ្វាយខេត្តកំពត គឺឯកឧត្តមម៉ៅ ធនិន នេះ តែម្ដង ។ ឯកឧត្តមម៉ៅ ធនិន អភិបាលខេត្តកំពត បានប្រាប់លេខទូរសព្ទ័ដៃដល់ប្រជាពលរដ្ខចំនួន២ខ្សែក្នុងនាមគ្រួសារតែមួយ បើមានបញ្ហាអ្វីសុំអោយទូរសព្ឌ័ទៅរកគាត់ ជាអភិបាលខេត្តកំពត ។
ឯកឧត្តម ម៉ៅ ធនិន បានប្រាប់ទៅក្រុមអាជីវករលក់ដូរទាំងអស់ថា នឹងរៀបចំខ្សែភ្លើងនៅក្នុងផ្សារនេះ អោយកាន់តែមានសោភ័ណភាពថែមទៀត ។ ឯកឧត្តមបានឧបត្ថមដល់លោកយាយលោកតា ក៏ដូចជាអ្នកលក់ដូរតាមកញ្ច្រែងល្អី និងប្រាប់ទៅប្រធានផ្សារថាកុំអោយយកភាស៊ីពីពួកគាត់អី ។
ឯកឧត្តមបានទទួលលិខិតពីប្រជាពលរដ្ឋផ្ទាល់ដៃរាល់ការសំណូមពរ តែភាគច្រើនរឿងទំនាស់ដីធ្លីតែម្ដង ។ ឯកឧត្តមម៉ៅ ធនិនបានមានប្រសាសន៍កន្លងមកថា ឯកឧត្តមនឹងចុះជួបក្រុមអាជីវករលក់តាមផ្សារនានា ក្នុងនោះមានផ្សារសាមគ្គី ក្នុងក្រុងកំពត-ផ្សារស្រុកឈូក-ផ្សារតានី ក្នុងស្រុកអង្គរជ័យ ផ្សារទូកមាស ផ្សារកំពង់ត្រាច ស្រុកទឹកឈូ និងក្រុងបូកគោ។
ចែករំលែកព័តមាននេះ