យោងតាមទូរទស្សន៍រដ្ឋCyprus បានផ្សាយអោយដឹងថា មានករណីប្លន់យន្តហោះ EgyptAir ដឹកអ្នកដំណើរ ពីAlexandria ទៅកាន់Cairo កាលពីថ្ងៃអង្គារ ទី29 មីនា ដោយបង្វែរដិសដៅហោះហើរទៅកាន់ព្រលានយន្តហោះមួយឈ្មោះ Larnaca
យោងតាមទូរទស្សន៍រដ្ឋCyprus បានផ្សាយអោយដឹងថា មានករណីប្លន់យន្តហោះ EgyptAir ដឹកអ្នកដំណើរ ពីAlexandria ទៅកាន់Cairo កាលពីថ្ងៃអង្គារ ទី29 មីនា ដោយបង្វែរដិសដៅហោះហើរទៅកាន់ព្រលានយន្តហោះមួយឈ្មោះ Larnaca នៅកោះមួយក្នុងប្រទេសCyprus នេះបើយោងតាមអ្នកនាំពាក្យក្រុមហ៊ុនអាកាសចរណ៍ ។
ប្រព័ន្ធផ្សព្វផ្សាយក្នុងស្រុកបានរាយការណ៍ជាជំហ៊ានដំបូងថា មានមនុស្ស៨១នាក់នៅលើយន្តហោះ ហើយក្នុងចំណោមនោះ មានបុរសម្នាក់ប្រដាប់ដោយអាវុធ និងបានគំរាមបើកយន្តហោះ ដោយមានពាក់ខ្សែក្រវ៉ាត់ គ្រាប់បែកអត្តឃាតជាប់ខ្លួន ។
ចំណែកមន្ត្រីប្រទេសCyprus បាននិយាយថា សង្ស័យមានគ្រាប់បែកបំផ្ទុះនៅលើយន្តហោះ។ ប៉ូលីសក្នុងតំបន់យល់ថា ករណីប្លន់នេះ បុរសជាខ្មាន់កាំភ្លើង នឹងចរចាជាមួយអាជ្ញាធរ ហើយក្នុងព្រលានយន្តហោះត្រូវបានបិទ។
រីឯក្រុមហ៊ុនអាកាសចរណ៍នេះបានឱ្យដឹងតាមរយៈគណនី Twitter ផ្លូវការរបស់ខ្លួនថា យន្តហោះ Airbus A320 ជើងហោះហើរក្នុងស្រុក MS181 ចុះចតនៅអាកាសយានដ្ឋានទីក្រុង Larnaca មានផ្ទុកអ្នកដំណើរ ៨១នាក់ ។
បើយោងតាមប្រភពយោធាអ៊ីស្រាអែលបានអោយដឹងថា យន្តហោះចម្បាំងអ៊ីស្រាអែល ត្រៀមរួចជាស្រេចក្នុងដែនអាកាសរបស់ខ្លួន ក្នុងការប្រុងប្រយ័ត្ន ហើយត្រៀមឆ្លើយតបទៅនឹងការប្លន់យន្ដហោះនេះ ។
ចែករំលែកព័តមាននេះ