សារព័ត៌មាន «News 163» កាលពីពេល ថ្មីៗកន្លងមកផ្សាយថា លោកចាង តឺយ៉ាង អាយុ៦៦ឆ្នាំ រស់នៅក្រុងសានជួង ខេត្តសានទុង ភាគខាងកើតប្រទេសចិន រស់នៅជាមួយបងប្អូន ដោយគ្មានកូនចៅទេ ។ លោកចាងបានក្លែងជាស្លាប់ ហើយរៀបចំពិធីបុណ្យសពរបស់ខ្លួន ដើម្បីពិសោធលើញាតិមិត្ត និងអ្នកជិតខាងថាតើមាននរណាខ្លះចូលរួម ។
លទ្ធផលបង្ហាញថា មានអ្នកស្រុក និងញាតិមិត្តជាង៤០នាក់ ចូលរួមពិធីបុណ្យសព ។ ឃើញបែបនោះលោកចាងរីករាយណាស់ ព្រោះយល់ថាអ្នកភូមិសុទ្ធតែរាប់អានលោក ។
លោកចាងកើតនៅថ្ងៃទី១៩ មករា ១៩៥០ ជាអាជីវករ ប៉ុន្តែជួបការលំបាកក្នុងជីវិតព្រោះមិនអាចរៀបការមានកូនចៅនឹងគេ ។
នៅឆ្នាំ២០១៥ លោកចាងរៃអង្គាសប្រាក់បានសរុប៤.០០០ដុល្លារ ហើយយកទៅសង់ផ្លូវពីភូមិឆ្ពោះទៅទីផ្សារដើម្បីឱ្យអ្នកស្រុកងាយស្រួលធ្វើដំណើរ និងដឹកជញ្ជូនទំនិញ ។
ដោយសារគ្មានកូនចៅ សាច់ញាតិ ដូច្នេះហើយលោកចាង តឺយ៉ាង សម្រេចចិត្តក្លែងធ្វើជាស្លាប់ ដើម្បីចង់ដឹងតើអ្នកភូមិណាខ្លះមានសមានចិត្តចូលរួមបុណ្យសព ៕
ចែករំលែកព័តមាននេះ