ជាប់ខ្នោះព្រោះរំលោ.ភក្មេងស្រីអាយុ៨ឆ្នាំ
ខេត្តបន្ទាយមានជ័យ ៖ ជនសង្ស័យវ័យក្មេងអាយុ១៥ឆ្នាំម្នាក់ជាប់ចោទពីបទរំលោ.ភក្មេងស្រីអាយុ៨ឆ្នាំ ត្រូវកម្លាំងនគរបាលប៉ុស្តិ៍បន្ទាយឆ្មារចាប់ឃាត់ខ្លួនកាលពីវេលាម៉ោង៦…
ខេត្តបន្ទាយមានជ័យ ៖ ជនសង្ស័យវ័យក្មេងអាយុ១៥ឆ្នាំម្នាក់ជាប់ចោទពីបទរំលោភក្មេងស្រីអាយុ៨ឆ្នាំ ត្រូវកម្លាំងនគរបាលប៉ុស្តិ៍បន្ទាយឆ្មារចាប់ឃាត់ខ្លួនកាលពីវេលាម៉ោង៦ និង២០នាទីយប់ ថ្ងៃទី២៥ ខែមីនា ឆ្នាំ២០១៦ បញ្ជូនមកអធិការដ្ឋាននគរបាលស្រុកថ្មពួកដើម្បីធ្វើការសាកសួរ ។
នគរបាលស្រុកថ្មពួកបានឲ្យដឹងថា ជនសង្ស័យឈ្មោះ លឿ ម៉ៅ ភេទប្រុស អាយុ១៥ឆ្នាំ នៅភូមិថ្មរមៀល ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ ក្បែរព្រំដែនថៃ ចំណែកក្មេងស្រីរងគ្រោះឈ្មោះ ធ.ស.ន អាយុ៨ឆ្នាំ ត្រូវបានឪពុកម្តាយនាំមកប្តឹងមេភូមិថ្មរមៀលថា កាលពីថ្ងៃទី២២ ខែមីនា ឆ្នាំ២០១៦ ជនសង្ស័យវ័យក្មេងនេះបានធ្វើសកម្មភាពចាប់រំលោភ ។
នគរបាលស្រុកថ្មពួកបញ្ជាក់ថា ក្រោយពីធ្វើការសាកសួរជនសង្ស័យបានសារភាពថា ខ្លួនគេពិតជាបានចាប់នាងរំលោភមែន ប៉ុន្តែគេមិនបានប្រើប្រដាប់ភេទគេទេ គឺប្រើតែម្រាមដៃប៉ុណ្ណោះ(ប្រទូសកេរ្តិ៍) ។
ដោយផ្អែកលើចម្លើយសារភាព និងបណ្តឹងរបស់ឪពុកម្តាយក្មេងស្រីរងគ្រោះ ក៏ដូចជាអាជ្ញាធរភូមិ ជនសង្ស័យឈ្មោះ លឿ ម៉ៅ ត្រូវកម្លាំងនគរបាលជំនាញនៃអធិការដ្ឋាននគរបាលស្រុកថ្មពួកបំពេញសំណុំរឿងបញ្ជូនទៅស្នងការដ្ឋាននគរបាលខេត្តដើម្បីចាត់ការបន្ត ចំណែកក្មេងស្រីរងគ្រោះត្រូវបានលោកមេឃុំនិងអង្គការ CWCC ជួយនាំយកមកពិនិត្យដើម្បីធ្វើកោសលវិច្ច័យនៅមន្ទីរពេទ្យបង្អែកស្រុកថ្មពួក ៕
ចែករំលែកព័តមាននេះ