ប្រទេសចិនរៀបចំថវិកាប្រហែល ១.៥០០លានដុល្លារសំរាប់អភិវឌ្ឍន៍សេដ្ឋកិច្ចក្នុងតំបន់ស៊ីនជាំង ដើម្បីការពារស្ថានភាពជ្រួលច្របល់ក្នុងតំបន់មូស្លីមភាគពាយ័ព្យ ដែលមានព្រំប្រទល់ជាប់នឹងតំបន់អាស៊ី កណ្ដាល ។
ប្រទេសចិនរៀបចំថវិកាប្រហែល ១.៥០០លានដុល្លារសំរាប់អភិវឌ្ឍន៍សេដ្ឋកិច្ចក្នុងតំបន់ស៊ីនជាំង ដើម្បីការពារស្ថានភាពជ្រួលច្របល់ក្នុងតំបន់មូស្លីមភាគពាយ័ព្យ ដែលមានព្រំប្រទល់ជាប់នឹងតំបន់អាស៊ី កណ្ដាល ។
តាមទីភ្នាក់ងារព័ត៌មានស៊ីនហួ បានឱ្យដឹងថា រដ្ឋាភិបាលបានរៀបចំថវិកាប្រមាណ១ម៉ឺនលានយាន់ គឺប្រហែល១.៥០០លានដុល្លារ សំរាប់ធ្វើជាមូលនិធិអភិវឌ្ឍន៍ក្នុងតំបន់គ្រប់គ្រងស្វយ័តនៃជនអំបូរអ៊ុយគូ ក្នុងតំបន់ស៊ីន ជាំង ដែលនឹងចាប់ផ្ដើមដំណើរការនៅក្នុងឆ្នាំ២០១១ ។ គំរោងខាងលើស្ថិតក្នុងគោលដៅលើកកំពស់ជីវភាពរស់នៅរបស់ប្រជាជន ខណៈដែលការចំណាយប្រាក់ដ៏ច្រើនសន្ធឹកសន្ធាប់នេះក៏ជាអាវុធសំរាប់ទប់ស្កាត់ “ក្រុម លទ្ធិបែងចែងដែនដី និងលទ្ធិបង្កភេរវកម្ម” នៅក្នុងអាណាខេត្ដដែរ ។
គួររំលឹកថា ប្រទេសចិនបានសំរេចចិត្ដចំណាយថវិកានេះនៅក្នុងកិច្ចប្រជុំតំបន់ស៊ីន ជាំងដោយមានលោកប្រធានាធិបតីហ៊ូ ជីន តាវ ជាប្រធាន កាលពីខែមីនាកន្លងមក បន្ទាប់ពីមានកើតហេតុការណ៍ជ្រួលច្របល់រវាងជនជាតិចិនអំបូរ “ហាន់” និងអំបូរ “អ៊ុយគូ” នៅក្នុងក្រុងអ៊ូលូមូឈី បណ្ដាលឱ្យស្លាប់មនុស្សសរុប២០០នាក់ និងរបួស ២.០០០នាក់ ក្នុងការប៉ះទង្គិចគ្នាកាលពីខែកក្កដាឆ្នាំមុន ។
ទោះជាយ៉ាងណាក៏ដោយនៅក្នុងរបាយការណ៍មិនបានបញ្ជាក់ពីពេលវេលាដ៏ពិតប្រាកដណាមួយដែលរដ្ឋាភិបាលនឹងចំណាយថវិកាក្នុងមូលនិធិអភិវឌ្ឍន៍ខាងលើទេ ៕
ចែករំលែកព័តមាននេះ