យោងតាមអាជ្ញាធរតំបន់កាតាឡូញអេស្ប៉ាញថា គ្រោះថ្នាក់រថយន្តបឺសមួយ បណ្តាលឱ្យមនុស្សស្លាប់១៣នាក់ និងរបួស៤៤នាក់កាលពីថ្ងៃទី២០ មីនា តាមផ្លូវថ្នល់រវាងទីក្រុង VALENCE និងទីក្រុងបាសឺឡោន (អេស្ប៉ាញ) ។
យោងតាមអាជ្ញាធរតំបន់កាតាឡូញអេស្ប៉ាញថា គ្រោះថ្នាក់រថយន្តបឺសមួយ បណ្តាលឱ្យមនុស្សស្លាប់១៣នាក់ និងរបួស៤៤នាក់កាលពីថ្ងៃទី២០ មីនា តាមផ្លូវថ្នល់រវាងទីក្រុង VALENCE និងទីក្រុងបាសឺឡោន (អេស្ប៉ាញ) ។ តុល្យការមុននេះរៀបរាប់ពីមនុស្សស្លាប់១៤នាក់ ។ អត្តសញ្ញាណ និងសញ្ជាតិរបស់ជនរងគ្រោះនៅពុំទាន់បញ្ជាក់នៅឡើយ ក៏ប៉ុន្តែអាជ្ញាធរអះអាងថា អ្នកស្លាប់ទាំងអស់សុទ្ធតែជាយុវនារី ។
យោងតាមក្រសួងមហាផ្ទៃអេស្ប៉ាញថា រថយន្តបឺសនេះដឹកនិស្សិត៥៦នាក់មកពីប្រទេស១៩ ដែលវិលត្រឡប់ពីចូលរួមក្នុងពិធីបុណ្យ FALICAS ជាមហាបុណ្យរៀបចំធ្វើនៅទីក្រុង VALLCE ។ ជនជាតិបារាំងច្រើននាក់ស្ថិតក្នុងចំណោមអ្នកស្លាប់ ។ អាជ្ញាធរក៏ទាក់ទងផងដែរជាមួយតំណាងស្ថានទូតអាល្លឺម៉ង់ ប៊ុលហ្គារី ហ្វាំងឡង់ ហុុងគ្រី អីុតាលី អៀរឡង់ ជប៉ុន ន័រវែស ហូឡង់ ប៉ាឡេស្ទីន ប៉េរូ ប៉ូឡូញ សាធារណរដ្ឋឆេក អង់គ្លេស ស៊ុយអែត ស្វ៊ីស នូវែលហ្សេឡង់ និងអ៊ុយក្រែន ។
រដ្ឋមន្ត្រីមហាផ្ទៃតំបន់កាតាឡូញ លោក JORDI JANE អះអាងថា និស្សិតភាគច្រើនបានចុះឈ្មោះចូលរួមក្នុងកម្មវិធីផ្លាស់ប្តូរអឺរ៉ុប ERASMUS នៅសាកលវិទ្យាល័យបាសឺឡោន ក៏ប៉ុន្តែរថយន្តបឺសនេះក៏អាចដឹកពួកនិស្សិតមកពីសាកលវិទ្យាល័យដទៃៗទៀត ។ សរុបពួកនិស្សិតបានជួលរថយន្តបឺស៥គ្រឿង សម្រាប់ដំណើរកម្សាន្តនេះ ហើយបានប្តូររថយន្តគ្នាជិះពេលវិលត្រឡប់មកវិញ ទើបនាំឱ្យមានការលំបាកក្នុងការកំណត់អត្តសញ្ញាណ ។
គ្រោះថ្នាក់នេះកើតមាននាវេលាម៉ោង៦ព្រឹកម៉ោងក្នុងស្រុកនៅតំបន់ខ្ពស់នៃឃុំ FREGINALS ចម្ងាយ១៥០គីឡូម៉ែត្រខាងត្បូងទីក្រុងបាសឺឡោន ។ គ្រោះថ្នាក់នេះអាចបណ្តាលមកពីការធ្វេសប្រហែសរបស់អ្នកបើក ៕
ចែករំលែកព័តមាននេះ