ភរិយាអភិបាលខេត្តព្រះសីហនុ លោក គួច ចំរើន ជាប់ឆ្នោតជាសមាជិកក្រុមប្រឹក្សាគណៈមេធាវី អាណត្តិទី១០
- ភ្នំពេញ
ភ្នំពេញ៖ លោកស្រីមេធាវី អ៊ូ ធីតាពៅ ភរិយាលោក គួច ចំរើន អភិបាលខេត្តព្រះសីហនុ បានជាប់ឆ្នោត ជាក្រុមប្រឹក្សាគណៈមេធាវី…
ភ្នំពេញ៖ លោកស្រីមេធាវី អ៊ូ ធីតាពៅ ភរិយាលោក គួច ចំរើន អភិបាលខេត្តព្រះសីហនុ បានជាប់ឆ្នោត ជាក្រុមប្រឹក្សាគណៈមេធាវី…
ភ្នំពេញ៖ លោកស្រីមេធាវី អ៊ូ ធីតាពៅ ភរិយាលោក គួច ចំរើន អភិបាលខេត្តព្រះសីហនុ បានជាប់ឆ្នោត ជាក្រុមប្រឹក្សាគណៈមេធាវី អាណត្តិទី១០ តាមរយៈការបោះឆ្នោត ក្នុងមហាសន្និបាត លើកទី២៦ នៃគណៈមេធាវីនៃព្រះរាជាណាចក្រកម្ពុជា កាលពីថ្ងៃទី១៦-១៨ ខែតុលា ឆ្នាំ២០២១។
នៅយប់ថ្ងៃទី១៨ ខែតុលានេះ លោកស្រីមេធាវី អ៊ូ ធីតាពៅ បានប្រកាសថ្លែងអំណរអរគុណ លោកប្រធានគណៈមេធាវី និងលោកស្រី ជាពិសេសអរគុណគណៈកម្មការរៀបចំការបោះឆ្នោត និងក្រុមការងាររៀបចំមហាសន្និបាតគណៈមេធាវី លើកទី២៦ និងបងប្អូនសហភាតា ដែលបានបោះឆ្នោតគាំទ្រដល់រូបលោកស្រី ជាប់ជាក្រុមប្រឹក្សាគណៈមេធាវី អាណត្តិទី១០ នេះ។
លោកស្រីមេធាវី អ៊ូ ធីតាពៅ ចាត់ទុកថា សំឡេងគាំទ្ររបស់បងប្អូន គឺជាសំឡេងប្រកបទៅដោយឆន្ទៈ កើតចេញពីក្រអៅបេះដូង ស្រលាញ់រាប់អាន ទុកចិត្ត និងភាពស្មោះត្រង់ មិនអាចកាត់ថ្លៃបាន។
លោកស្រីមេធាវី មានមោទកភាពយ៉ាងក្រៃលែង ចំពោះសំឡេងឆ្នោតគាំទ្ររបស់សហភាតា ជាមេធាវី ចំពោះរូបលោកស្រី នាពេលនេះ។
មានអាយុ ៣៧ឆ្នាំ លោកស្រីមេធាវី អ៊ូ ធីតាពៅ បានសម្បថ ចូលធ្វើជាមេធាវី កាលពីថ្ងៃទី១០ ខែឧសភា ឆ្នាំ២០០៧។ រហូតដល់ថ្ងៃទី២៧ ខែមិថុនា ឆ្នាំ២០០៨ ទើបលោកស្រី ក្លាយជាមេធាវីពេញសិទ្ធិ។ សព្វថ្ងៃនេះ លោកស្រីមេធាវី អ៊ូ ធីតាពៅ ជាមេធាវីពេញសិទ្ធិកំពុងប្រកបវិជ្ជាជីវៈ ប្រចាំការិយាល័យមេធាវី ឈ្មោះថា ក្រុមហ៊ុនមេធាវីសាខា អិល អេស ភី ( សាខា ) នៅក្រុងព្រះសីហនុ ខេត្តព្រះសីហនុ។
សូមរម្លឹកថា លោកស្រីមេធាវី អ៊ូ ធីតាពៅ ក៏បានជាប់ឆ្នោត ជាសមាជិកក្រុមប្រឹក្សាគណៈមេធាវី ក្នុងអាណត្តិទី៨ កាលពីឆ្នាំ២០១៥-២០១៨ ផងដែរ។ ក្រុមប្រឹក្សាគណៈមេធាវី មានសមាសភាព ៣៣រូប៕
ចែករំលែកព័តមាននេះ