ប្រជាពលរដ្ឋជាច្រើន តវ៉ារឿងដាច់ភ្លើងនិងទឹក
ខេត្តកំពង់ស្ពឺ ៖ ប្រជាពលរដ្ឋជាច្រើនបានសម្ដែងនូវការមិនសប្បាយចិត្តជាមួយម្ចាស់បុរីផ្សារកំពង់ស្ពឺថ្មីដែលបានកាយដីផ្លូវរថភ្លើងដើម្បីចាក់បេតុងចូលទៅក្នុងបុរី
ខេត្តកំពង់ស្ពឺ ៖ ប្រជាពលរដ្ឋជាច្រើនបានសម្ដែងនូវការមិនសប្បាយចិត្តជាមួយម្ចាស់បុរីផ្សារកំពង់ស្ពឺថ្មីដែលបានកាយដីផ្លូវរថភ្លើងដើម្បីចាក់បេតុងចូលទៅក្នុងបុរី
ខេត្តកំពង់ស្ពឺ ៖ ប្រជាពលរដ្ឋជាច្រើនបានសម្ដែងនូវការមិនសប្បាយចិត្តជាមួយម្ចាស់បុរីផ្សារកំពង់ស្ពឺថ្មីដែលបានកាយដីផ្លូវរថភ្លើងដើម្បីចាក់បេតុងចូលទៅក្នុងបុរី បណ្តាលឲ្យដាច់ទឹក និងភ្លើងធ្វើឲ្យពួកគាត់មានការពិបាកជាខ្លាំងក្នុងការរស់នៅប្រចាំថ្ងៃ។ ប្រជាពលរដ្ឋមួយគ្រួសារក្នុងចំណោមគ្រួសារជាច្រើនក្នុងភូមិក្រាំងពលទេពសង្កាត់រកាធំ ក្រុងច្បារមន ខេត្តកំពង់ស្ពឺ សុំមិនបញ្ចេញឈ្មោះបានឲ្យដឹងថាថៅកែបុរី និងផ្សារកំពង់ស្ពឺថ្មី បានយកគ្រឿងចក្រមកកាយផ្លូវនេះដើម្បីចាក់បេតុងចូលទៅក្នុងបុរីរបស់គេ។
ការកាយនេះក្រុមឣ្នកមើលការខុសត្រូវមិនបានគិតគូរឣំពីប្រព័ន្ធទឹកភ្លើងឣោយបានល្អិតល្ឣន់នោះទេពេលកាយទៅបណ្តាលឲ្យដាច់ និងបែកទុយោទឹក។ ប្រភពផ្ដល់ព័ត៌មានបានបន្តថា រហូតមកដល់ពេលនេះមានរយៈពេលច្រើនថ្ងៃមកហើយដែលពួកគាត់មិនមានទឹក និងភ្លើងប្រើប្រាស់។ មជ្ឈដ្ឋានប្រជាពលរដ្ឋមួយចំនួនទៀតបានលើកឡើងថាគួរណាស់តែម្ចាស់បុរីផ្សារកំពង់ស្ពឺថ្មីនេះគិតគូរពីជីវភាព និងការរស់នៅប្រចាំថ្ងៃរបស់ពួកយើងផង កុំគិតតែប្រយោជន៍ខ្លួនខ្លាំងពេក។
ក្រុមប្រជាពលរដ្ឋបានធ្វើការរិះគន់ទៅលើបុរសម្នាក់ជាមេការមើលការខុសត្រូវរឿងធ្វើផ្លូវនេះថាកាយដីដាច់ខ្សែភ្លើង និងទុយោទឹករបស់ពលរដ្ឋហើយបែរជាមិនឣើពើជួសជុលឡើងវិញ ដើម្បីឲ្យពួកគាត់មានភ្លើង និងទឹកប្រើប្រាស់វិញឡើយ។ នៅពេលប្រជាពលរដ្ឋសួរនាំបែរជាឆ្លើយរបៀបមិនចង់ទទួលខុសត្រូវទៅវិញ។ ការដែលឆ្លើយបែបនេះត្រូវបានសង្ស័យថា បុរសម្នាក់នេះទំនងជាឣាងឣំណាចម្ចាស់បុរីខាងលើដែលមានងារជាជំទាវឩកញ៉ាហើយមើលទៅ។ រហូតមកដល់ពេលនេះច្រើនថ្ងៃមកហើយមិនដែលឃើញខាងម្ចាស់បុរីនិងផ្សារកំពង់ស្ពឺថ្មីនេះមកសួរនាំ ម្តងណាឡើយ ហើយនៅពេលប្រជាពលរដ្ឋនាំគ្នាទៅសួរលោកមេភូមិក៏មិនមានចម្លើយតបមកវិញគឺស្ងាត់ឈឹងដូចគេចុកតែម្តង។
បញ្ហានេះគួរណាស់តែឣស់លោកឣាជ្ញាធរយកចិត្តទុកដាក់ដល់សុខទុក្ខប្រជាពលរដ្ឋខ្លះផងកុំគិតបីប្រយោជន៍ខ្លួន និងបក្ខពួកខ្លាំងពេក។ ក្នុងនោះផងដែរក្រុមប្រជាពលរដ្ឋដែលរស់នៅក្នុងមូលដ្ឋានខាងលើសង្ឃឹម និងជឿជាក់ថាម្ចាស់បុរីមួយនេះ នឹងជួយសម្រួលធ្វើយ៉ាងណាចាត់ក្រុមការងារឲ្យចុះមកជួយតបណ្តាញទឹក និងភ្លើង ដើម្បីឲ្យពួកគាត់មានទឹកប្រើប្រាស់វិញផង។ បុរសម្នាក់ដែលឣះឣាងថាជាមេការធ្វើផ្លូវនេះបានប្រាប់នៅព្រឹកថ្ងៃទី២០ ខែមីនា ឆ្នាំ២០១៦ថាបញ្ហានេះគឺខាងក្រុមហ៊ុនបានទាក់ទងទៅខាងឣគ្គិសនី និងបណ្តាញទឹកស្ឣាតរួចរាល់ឣស់ហើយរង់ចាំតែថ្ងៃចុះមកត និងជួសជុលឡើងវិញប៉ុណ្ណោះ ៕
ចែករំលែកព័តមាននេះ