ខេត្តកំពង់ឆ្នាំង ៖ មុខសញ្ញាចោរកម្ម ដែលពូកែខាងកាត់និងគាស់តូប អាជីវករក្នុងផ្សារឆ្នាំង ក្រុងកំពង់ឆ្នាំងយូរមកហើយ ដែលមិនដែលចាប់បាននោះ ពេលនេះត្រូវបានសមត្ថកិច្ចធ្វើការបង្ក្រាបបានទាំងវត្ថុតាង
ខេត្តកំពង់ឆ្នាំង ៖ មុខសញ្ញាចោរកម្ម ដែលពូកែខាងកាត់និងគាស់តូប អាជីវករក្នុងផ្សារឆ្នាំង ក្រុងកំពង់ឆ្នាំងយូរមកហើយ ដែលមិនដែលចាប់បាននោះ ពេលនេះត្រូវបានសមត្ថកិច្ចធ្វើការបង្ក្រាបបានទាំងវត្ថុតាង បន្ទាប់ពីមានពាក្យបណ្តឹងជាច្រើនសារលើករណីគាស់និងកាត់សោតូបលួចយកសម្ភារក្នុងផ្សារឆ្នាំងនេះ កាលពីវេលាម៉ោង១០និង៣០នាទីថ្ងៃត្រង់ថ្ងៃទី១៩ ខែមីនា ឆ្នាំ២០១៦ នៅនឹផ្ទះជនសង្ស័យ ស្ថិតក្នុងភូមិផ្សារឆ្នាំង សង្កាត់ផ្សារឆ្នាំង ក្រុងកំពង់ឆ្នាំង ក្នុងនោះ ស្ត្រីអ្នកទិញមា្នក់ដែលតែងតែឃុបឃិត ទិញរបស់ចោរខាងលើ ក៏ត្រូវបានឃាត់ខ្លួនផងដែរ ក្នុងបទទទួលផលចោរកម្ម ។
លោក ឈីវ ទ្រី មន្ត្រីនគរបាលព្រហ្មទណ្ឌកម្រិតស្រាលខេត្ត បានឱ្យដឹងថា នៅព្រឹកថ្ងៃទី១៩ ខែមីនា ក្រោយពីទទួលបានពាក្យបណ្តឹងពីស្ត្រីឈ្មោះ ប្រាក់ ស៊ីនឿន ជាម្ចាស់
តូបលក់គ្រឿងទេសក្នុងផ្សារឆ្នាំងថា តូបគាត់ត្រូវចោរគាស់លួចយកសម្ភារមួយចំនួន ពេលនោះសមត្ថកិច្ចនគរបាលខេត្ត និងក្រុងសហការគ្នាស្រាវជ្រាវ ទើបឈានទៅចាប់ឃាត់ខ្លួនជនសង្ស័យម្នាក់ ឈ្មោះ សុខ ភិរម្យ អាយុ៣២ឆ្នាំ នាំមកសាកសួរដឹងថា របស់ដែលលួចបានមួយចំនួនបានយកទៅលក់ឱ្យស្ត្រីឈ្មោះ ឌិន ធីឡេ អាយុ៤៨ឆ្នាំ ជាជនជាតិវៀតណាម ទើបឈានទៅចាប់ខ្លួន ៕
ចែករំលែកព័តមាននេះ