បណ្តាមនុស្សទាំង៥ប្រភេទនេះ តើពួកមួយណាដែលប្រសើរជាងគេ ?
យោងតាមឯកសារធម្មនិពន្ធន៍ ព្រះបរមគ្រូនៃយើងទ្រង់សម្តែងថា មនុស្សនៅក្នុងលោកនេះមាន៥ប្រភេទទៅតាមចរិត ឬទង្វើប្រព្រឹត្តរបស់ក្រុមមនុស្សទាំងនោះ តែបណ្តាមនុស្សទាំងប្រភេទនោះ គឺមនុស្សទេវោជាប្រភេទមនុស្សដែលល្អប្រសើរជាងគេ ។
១- មនុស្សមនុស្សោ មនុស្សពិត មានសីលធម៌ គុណធម៌ក្នុងខ្លួន ដឹងខុសត្រូវ ។
២- មនុស្សទេវោ មនុស្សដែលមានចិត្តគំនិតដូចទេវតា មនុស្សមានហិរិឱត្តប្បៈ និងចេះជួយសង្គ្រោះអ្នកដទៃ ។
៣- មនុស្សនេរយិកោ មនុស្សមានទុក្ខលំបាក ប្រៀបដូចជាសត្វនរក ។
៤- មនុស្សបេតោ មនុស្សមានចិត្តគំនិតដូចប្រេត ស្រេកឃ្លានរបស់ទ្រព្យអ្នកដទៃ មានសេចក្តីលោភលន់ខ្លាំង ។
៥- មនុស្សតិរច្ឆានោ មនុស្សមានចិត្តគំនិតដូចសត្វតិរច្ឆាន សាហាវយង់ឃ្នង មិនដឹងខុសត្រូវ ឬគុណទោស មនុស្សល្ងង់ខ្លៅ ។
បណ្តាមនុស្សទាំង៥ប្រភេទនេះ មនុស្សទេវោត្រង់ចំណុចទាំងពីរ គឺជាមនុស្សដែលមានចិត្តគំនិតដូចទេវតា ជាប្រភេទមនុស្សប្រសើរជាងគេ ឯមនុស្សនេរយិកោត្រង់ចំណុចទីបី គឺជាមនុស្សមានទុក្ខលំបាកប្រៀបដូចជាសត្វនរក ជាប្រភេទមនុស្សដែលអន់ជាងគេ ៕ សាន សារិន
ចែករំលែកព័តមាននេះ