អាស៊ានសម្រេចដកមេដឹកនាំយោធាមីយ៉ាន់ម៉ា មីន អ៊ុងឡាំង ចេញពីកិច្ចប្រជុំកំពូលប្រចាំឆ្នាំ
អាស៊ាន ៖ សមាគមន៍ប្រជាជាតិអាស៊ីអាគ្នេយ៍ហៅកាត់ថា ASEAN បានសម្រេចដកមេដឹកនាំយោធាមីយ៉ានម៉ា មីន អ៊ុងឡាំង
អាស៊ាន ៖ សមាគមន៍ប្រជាជាតិអាស៊ីអាគ្នេយ៍ហៅកាត់ថា ASEAN បានសម្រេចដកមេដឹកនាំយោធាមីយ៉ាន់ម៉ា មីន អ៊ុងឡាំង (Min Aung Hlaing) ចេញពីកិច្ចប្រជុំកំពូលប្រចាំឆ្នាំដែលនឹងប្រព្រឹត្តិនៅចុងខែតុលានេះ។
រដ្ឋាភិបាលយោធាមីយ៉ានម៉ា និយាយថាខ្លួនមានការខកចិត្តចំពោះសេចក្តីសម្រេចនោះ។
ការសម្រេចដកឧត្តមសេនីយ៍ មីន អ៊ុងឡាំង ចេញពីកិច្ចប្រជុំកំពូលថ្ងៃ ២៦-២៨ខាងមុខ ធ្វើឡើងអំឡុងកិច្ចប្រជុំបន្ទាន់មួយកាលពីថ្ងៃសុក្រកន្លងទៅនេះ។ នេះបើយោងតាមសេចក្តីប្រកាសរបស់ប្រទេសប្រ៊ុយណេ ដែលជាម្ចាស់ផ្ទះអាស៊ាន។
សេចក្តីប្រកាសបញ្ជាក់ថា នឹងមានការអញ្ជើញឥស្សរជនមិនមែនអ្នកនយោបាយមកពីប្រទេសមីយ៉ាម៉ា ឲ្យចូលរួមកិច្ចប្រជុំកំពូលជំនួសវិញ។
សេចក្តីប្រកាសបន្ថែមទៀតថា មេដឹកនាំយោធាមីយ៉ាន់ម៉ាបដិសេធធ្វើតាមការសន្យារបស់ពួកគេក្នុងការចរចា និងស្តារស្ថានភាពឡើងវិញក្នុងប្រទេស។
កាលពីខែមេសា អាស៊ានបានជំរុញឲ្យលោក មីន អ៊ុងឡាំង បញ្ឈប់ការបង្ក្រាបហិ.ង្សានៅក្នុងប្រទេស និងដោះលែងអ្នកទោសនយោបាយ។
ក្រសួងការបរទេសសិង្ហបុរីបាននិយាយកាលពីថ្ងៃសោរិ៍ថា ខ្លួនគាំទ្រដល់ការសម្រេចនោះ និងបានលើកឡើងថា វាគឺជារឿងដ៏លំបាក ប៉ុន្តែវាជាសេចក្តីសម្រេចដ៏ចាំបាច់ដើម្បីរក្សាជំនឿចិត្តរបស់អាស៊ាន។
សូមរម្លឹកថា ឧត្តមេសេនីយ៍ មីន អ៊ុងឡាំង បានឡើងកាន់អំណាចតាមរយៈរដ្ឋប្រហារយោធានៅក្នុងប្រទេសមីយ៉ានម៉ា កាលពីខែកុម្ភៈ និងបានប្រកាសខ្លួនជានាយករដ្ឋមន្ត្រីនៅខែសីហា។
ចាប់តាំងពីក្តោបក្តាប់អំណាចមក ជនស៊ីវិលជាង ១ពាន់នាក់ត្រូវបានសម្លា.ប់ដោយសារកងកម្លាំងមីយ៉ានម៉ា ខណៈដែលមនុស្សរាប់ពាន់នាក់ទៀតត្រូវបានចាប់ខ្លួន ក្នុងការបង្ក្រាប។ នេះបើយោងតាមរបាយការណ៍របស់អង្គការសហប្រជាជាតិ។ ប៉ុន្តែរដ្ឋាភិបាលយោធារបស់លោក បាននិយាយថាតួលេខនៃអ្នកស្លា.ប់នោះជាការបំផ្លើស៕ (យោងតាមប្រភព៖ BBC និង CNN)
ចែករំលែកព័តមាននេះ