ខេត្តបន្ទាយមានជ័យ ៖ទីបំផុតទៅឪពុកមាដែលប្រើអំពើហិ.ង្សាវាយ និងធ្វើទារុណកម្មបង្អត់អាហារទៅលើក្មួយប្រុសអាយុ១២ឆា្នំ បានត្រូវសមត្ថកិច្ចបញ្ជូនទៅសាលាដំបូងខេត្តបន្ទាយមានជ័យដើម្បីចាត់ការតាមច្បាប់ហើយ ក្រោយឃាត់ខ្លួនកាលពីយប់ថ្ងៃទី១៨ មីនា ២០១៦ ។
ខេត្តបន្ទាយមានជ័យ ៖ទីបំផុតទៅឪពុកមាដែលប្រើអំពើហិង្សាវាយ និងធ្វើទារុណកម្មបង្អត់អាហារទៅលើក្មួយប្រុសអាយុ១២ឆា្នំ បានត្រូវសមត្ថកិច្ចបញ្ជូនទៅសាលាដំបូងខេត្តបន្ទាយមានជ័យដើម្បីចាត់ការតាមច្បាប់ហើយ ក្រោយឃាត់ខ្លួនកាលពីយប់ថ្ងៃទី១៨ មីនា ២០១៦ ។
ឪពុកមាដែលសមត្ថកិច្ចបញ្ជូនទៅតុលាការកាលពីព្រឹកថ្ងៃទី១៩ មីនា ម្សិលមិញឈ្មោះលួស សាម៉ន ហៅចាង អាយុ៦៧ឆ្នាំ មានលំនៅក្នុងភូមិសូភី សង្កាត់កំពង់ស្វាយ ក្រុងសិរីសោភ័ណ ។ ចំណែកក្មេងប្រុសរងគ្រោះឈ្មោះ វឿន សុំកែវ អាយុ១២ឆ្នាំ ជាសិស្សថ្នាក់ទី២ មានម្តាយឈ្មោះវឿន មុំ អាយុ៤២ឆ្នាំ មានកូន៥នាក់ (ស្រី៣) កុមារងគ្រោះជាកូនពៅ ។
បើតាមសម្តីក្មេងប្រុសរងគ្រោះបានរៀបរាប់ទាំងទឹកភ្នែកថា ដោយសារជីវភាពក្រីក្រពេក ត្រូវម្តាយ និងឪពុកចុងរបស់ខ្លួនទៅធ្វើការនៅប្រទេសថៃរយៈពេលជាច្រើនឆ្នាំមកហើយ ដោយយកខ្លួនមកផ្ញើជាមួយម្តាយមីងឈ្មោះវឿន រ៉ា អាយុ៤០ឆ្នាំ និងឱពុកមាឈ្មោះ លួស សាម៉ន ហៅចាង ។ ក្មេងប្រុសបន្តថា ពេលម្តាយមីងមិននៅផ្ទះម្តងៗ ត្រូវបានឪពុកមារវ៉ៃធ្វើបាបបង្អត់អាហារ និងមិនឱ្យទៅរៀនជាញឹកញាប់ ។ នៅវេលាម៉ោង០៥ និង៣០នាទីព្រឹកថ្ងៃទី១៧ មីនា ក្រោយពេលម្តាយមីងទៅភ្នំពេញ ត្រូវបានឪពុកមារវាយនិងបន្ទះឫស្សី រហូតដល់ប្រេះឆ្អឹង.កដៃស្តាំ និងរបួសជាំពេញខ្លួន ហើយបានបង្អត់បាយមិនឱ្យទៅសាលារៀនទៀត ។ តែខ្លួនបានលួចទៅរៀន ហើយត្រូវអ្នកគ្រូឈ្មោះវ៉ាន់ ស៊ីណាត ឃើញសួរនាំទើបដឹងរឿង ក៏នាំមកប្តឹងកម្លាំងកងរាជអាវុធហត្ថ ក្រុងសិរីសោភ័ណ ។
ក្រោយពេលអ្នកគ្រូនាំកុមាររងគ្រោះមកប្តឹង និងពិនិត្យមើលស្ថានភាពកុមារងគ្រោះ ដែលមានសភាពធ្ងន់ធ្ងរនោះ លោកវរសេនីយ៍ត្រី ព្រហ្ម ថេង នាយការិយាល័យព្រហ្មទណ្ឌទីបញ្ជាការកងរាជអាវុធហត្ថខេត្ត បានដឹកនាំកម្លាំងជំនាញ សហការជាមួយកម្លាំងកងរាជអាវុធហត្ថក្រុងសិរីសោភ័ណ ចុះទៅឃាត់ខ្លួនជនសង្ស័យឈ្មោះ លួស សាម៉ន ហៅចាង តែម្តង ។
តាម ចម្លើយបុរសជាឪពុកមាបានសារភាពថា គឺខ្លួនពិតជាបានវាយ និងធ្វើទារុណកម្មទៅលើកុមាររងគ្រោះពិតមែន តែវាយនេះគឺមកពីបង្រៀនអក្សរមិនស្តាប់ និងចេញពីសាលារៀនលើសម៉ោង ទើបវាយព្រមាន តែមិនឹកស្មានថា ជ្រុលដៃបណ្តាលរបួសពេញខ្លួនរហូតប្រេះឆ្អឹងក.ដៃទេ ។
លោក វរសេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថខេត្តឱ្យដឹងថា ក្មេងប្រុសរងគ្រោះបានត្រូវបញ្ជូនទៅព្យាបាល ហើយនៅពេលសះជា លោកនឹងអនុញ្ញាតឲ្យស្នាក់នៅទីបញ្ជាការដ្ឋានកងរាជអាវុធហត្ថខេត្តមួយរយៈ រង់ចំាម្តាយ ឪពុកមកទទួលយក ៕
ចែករំលែកព័តមាននេះ