ចិនសង្ស័យសាកល្បងមីស៊ីលលឿនជាងសំឡេងក្នុងតារាវិថី
ចិនកាលពីខែសីហាកន្លងទៅ បានបា.ញ់មីស៊ីលមានសមត្ថភាពនុយក្លេអ៊ែរ ដែលហោះហើរជុំវិញផែនដី ក្នុងតារាវិថីទាប
ប្រទេសចិន ៖ យោងតាមកាសែត FINANCIAL TIMES ថា ចិនកាលពីខែសីហាកន្លងទៅ បានបាញ់មីស៊ីលមានសមត្ថភាពនុយក្លេអ៊ែរ ដែលហោះហើរជុំវិញផែនដី ក្នុងតារាវិថីទាប។
កាសែតនោះរាយការណ៍នាថ្ងៃទី១៦ ខែតុលា ឆ្នាំ២០២១នេះថា ចិនបន្តពង្រីកបច្ចេវិទ្យាមីស៊ីលលឿនជាងសំឡេង។ បែបនេះទើបប្រទេសនោះ បានសាកល្បងសមត្ថភាពអវកាសថ្មីមួយជាមួយអាវុធនោះ ។ អត្ថបទកាសែតអង់គ្លេសនោះដែលថា ដកស្រង់ប្រភពជាច្រើន ដែលដឹងពីការសាកល្បងនោះគូសបញ្ជាក់ថា ក្រុងប៉េកាំងបានបាញ់សាកល្បងកាលពីខែសីហា មីស៊ីលមានសមត្ថភាពនុយក្លេអ៊ែរ ដែលហោះហើរជុំវិញផែនដី ក្នុងតារាវិថីទាបមុនពេលហោះចុះឆ្ពោះទៅរកគោលដៅវាយប្រហារ តែខុសដោយធ្លាក់ជាង៣២គីឡូម៉ែត្រពីគោលដៅនោះ។
ប្រភពនានារបស់កាសែត FINANCIAL TIMES និយាយទៀតថា មីស៊ីលលឿនជាងសំឡេងនេះ ត្រូវបានបញ្ជូនដោយកាំំជ្រួចLONGUE MARCHE ដែលការបាញ់បង្ហោះជាទូទៅត្រូវបានប្រកាស ខណៈការសាកល្បងកាលពីខែសីហា ត្រូវបានរក្សាជាសំងាត់។ កាសែតនេះបន្តថា ការរីកចម្រើនរបស់ចិនក្នុងផ្នែកអាវុធលឿនជាងសំឡេង បណ្ដាលឲ្យពួកភ្នាក់ងារស៊ើបការណ៍អាមេរិកមានការភ្ញាក់ផ្អើល។
ក្រៅពីចិន សហរដ្ឋអាមេរិក និងរុស្ស៊ី ស្ថិតក្នុងចំណោមប្រទេសយ៉ាងតិច៥ ដែលធ្វើការលើបច្ចេកវិទ្យានេះ។ បណ្ដាមីស៊ីលលឿនជាងសំឡេង ក៏ដូចជាមីស៊ីលបាលី្ទកប្រពៃណី ដែលអាចបញ្ជូនអាវុធនុយក្លេអ៊ែរដែរ ក៏អាចហោះហើរលឿនជាងសំឡេងដល់ជាង៥ដង។ បណ្ដាមីស៊ីលបាលីស្ទិកតាមធម្មតាហោះហើរចូលទៅទីអវកាស ទើបហោះចុះសំដៅគោលដៅ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ