ដំណឹងល្អ! ចាប់ពីថ្ងៃ១៨ តុលានេះ ចត្តាឡីស័កកែសម្រួលមកត្រឹម៣ថ្ងៃទៅ១៤ថ្ងៃ សម្រាប់អ្នកដំណើរពីបរទេស
- ភ្នំពេញ
រាជធានីភ្នំពេញ ៖ ក្រសួងសុខាភិបាលបានបញ្ជាក់ថា ចាប់ពីថ្ងៃ ១៨ តុលា ឆ្នាំ២០២១ តទៅ ការធ្វើចត្តាឡីស័កកែសម្រួលមក
រាជធានីភ្នំពេញ ៖ ក្រសួងសុខាភិបាលបានបញ្ជាក់ថា ចាប់ពីថ្ងៃ ១៨ តុលា ឆ្នាំ២០២១ តទៅ ការធ្វើចត្តាឡីស័កកែសម្រួលមក
រាជធានីភ្នំពេញ ៖ ក្រសួងសុខាភិបាលបានបញ្ជាក់ថា ចាប់ពីថ្ងៃ ១៨ តុលា ឆ្នាំ២០២១ តទៅ ការធ្វើចត្តាឡីស័កកែសម្រួលមកត្រឹម៣ថ្ងៃទៅ១៤ ថ្ងៃសម្រាប់អ្នកដំណើរមកពីបរទេស។
នេះជាដំណឹងល្អមួយសម្រាប់បងប្អូនជាអ្នកធ្វើដំណើរពីក្រៅប្រទេសចូលមកកម្ពុជា ដោយកម្ពុជាសម្រេចកែសម្រួលនូវចំនួនថ្ងៃនៃការធ្វើចត្តាឡីស័កមួយចំនួន ពិសេសជូនដល់បងប្អូនដែលបានចាក់វ៉ាក់សាំងគ្រប់ដូស ជាក់ស្តែងដូចជាមន្ត្រីរាជការ និងអ្នកធ្វើដំណើរមកពីក្រៅប្រទេស ដែលបានចាក់វ៉ាក់សាំងគ្រប់ដូសរួច ថយមកត្រឹមធ្វើចត្តាឡីស័កចំនួន៣ថ្ងៃតែប៉ុណ្ណោះ ។
ដំណឹងល្អខាងលើនេះ ខណៈរាជរដ្ឋាភិបាលសម្រេចបើកប្រទេសកម្ពុជាឡើងវិញជាបណ្តើរៗ និងតាមដំណាក់កាលជាមួយនឹងភាពប្រយ័ត្នប្រយែង និងការទទួលខុសត្រូវខ្ពស់ តាមគន្លងប្រក្រតីភាពថ្មីក្នុងនោះធ្វើការកាត់បន្ថយរយៈពេលធ្វើចត្តាឡីស័កតាមផងដែរ។
យោងតាមសេចក្ដីជូនដំណឹងរបស់ក្រសួងសុខាភិបាលនាថ្ងៃទី១៦ ខែតុលា ឆ្នាំ ២០២១ បានបញ្ជាក់ថា តាមរយៈការដឹកនាំដ៏ត្រឹមត្រូវរបស់រាជរដ្ឋាភិបាល លើការដាក់ចេញនូវ «យុទ្ធនាការជាតិចាក់វ៉ាក់សាំងបង្ការជំងឺកូវីដ-១៩» កម្ពុជាកំពុងសម្រេចបាននូវអត្រានៃការចាក់ វ៉ាក់សាំង លើសគោលដៅដែលបានគ្រោងទុក និងអាចបង្កើតបាននូវភាពស៊ាំ សហគមន៍ នៅទូទាំងកម្ពុជា ទប់ទល់នឹងការឆ្លងរាលដាលនៃជំងឺកូវីដ-១៩។
ក្រសួង បានបញ្ជាក់ទៀតថា «ជាមួយនឹងសមិទ្ធផលដ៏គួរជាទីមោទនភាពនេះ និងដោយ មើលឃើញពីការវិវត្តកាន់តែប្រសើឡើងនៃស្ថានភាពជាក់ស្ដែង, រាជរដ្ឋាភិបាលកម្ពុជា សម្រេច បើកប្រទេសកម្ពុជាឡើងវិញជាបណ្តើរៗ និងតាមដំណាក់កាលជាមួយនឹងភាពប្រយ័ត្នប្រយែង និងការទទួលខុសត្រូវខ្ពស់ តាមគន្លងប្រក្រតីភាពថ្មី ដោយមានការសម្រួលរបប នៃការធ្វើចត្តា ឡីស័ក សម្រាប់អ្នកដំណើរមកកម្ពុជា តាមគ្រប់ច្រកចូល ដែលទទួលបានកា រចាក់វ៉ាក់សាំ ងដូសមូល ដ្ឋានបានពេញលេញ»។
ក្រសួង បានបន្ដថា ត្រូវអនុវត្តរបបពិសេស ទៅតាមការសម្រេចរបស់រាជរដ្ឋាភិបាល លើករណីនីមួយៗ ចំពោះភ្ញៀវផ្លូវការរបស់រាជរដ្ឋាភិបាល និងមន្ត្រីថ្នាក់ដឹកនាំជាន់ ខ្ពស់របស់រាជរដ្ឋាភិបាល ដែលត្រលប់ពីបំពេញបេសកកម្មនៅក្រៅប្រទេស។
ក្រសួង បានបន្ថែមថា ជាពិសេស នោះ ត្រូវអនុវត្តរបបចត្តាឡីស័កចំនួន ៣ថ្ងៃ ចំពោះវិនិ យោគិន បុគ្គលិកជំនាញបច្ចេកទេសទាំងជនជាតិខ្មែរ និងបរទេស មន្ត្រីការទូត មន្ត្រីអនុវ ត្តគម្រោងសហប្រតិបត្តិការផ្លូវការ និងមន្ត្រីរាជការរបស់រាជរដ្ឋាភិបាល ដែលត្រលប់មកពី បំពេញបេសកកម្មនៅក្រៅប្រទេស (ដោយរួមបញ្ចូលក្រុមគ្រួសាររបស់ក្រុម អាទិភាពនេះផង)។
ជាមួយគ្នានេះ ក្រសួងសុខាភិបាល បានលលើកឡើងទៀតថា ត្រូវអនុវត្តរបបចត្តាឡីស័កចំនួន៧ថ្ងៃ ចំពោះអ្នកដំណើរទូទៅដែលជាជនជាតិខ្មែរ ឬជនបរទេស និងដោយឡែក ត្រូវអនុវត្តរបបចត្តាឡីស័កចំនួន ១៤ថ្ងៃ ចំពោះអ្នកដំណើរគ្រប់ប្រភេទដែ លមិនបានចាក់វ៉ាក់សាំងកូវដ-១៩ ឬមិនទាន់បានចាក់វ៉ាក់សាំងដូសមូលដ្ឋានបានពេញលេញ។
ក្រសួងបានលើកឡើងយ៉ាងដូច្នថារយៈពេលចត្តាឡីស័កសម្រាប់អ្កដំណើរពីក្រៅប្រទេសចូលមកកម្ពុជាអនុវត្តចាប់ពីថ្ងៃទី១៨ខែ តុលា ឆ្នាំ២០២១តទៅ ចំពោះមន្ត្រីរាជការ និងមន្ត្រី បរទេសធ្វើចត្តាឡីស័កចំនួន៣ថ្ងៃ អ្នកវិនិយោគ និងអ្នកជំនាញធ្វើចត្តាឡីស័ក៣ថ្ងៃ ពលករខ្មែរនិងបរទេសធ្វើចត្តាឡីស័កចំនួន៧ថ្ងៃ អ្នកមិនទាន់ចាក់វ៉ាក់សាំង១៤ថ្ងៃ និងអ្នកចាក់មិនគ្រប់ដូស១៤ថ្ងៃ៕
ចែករំលែកព័តមាននេះ