មនុស្សយ៉ាងហោចណាស់ចំនួន ៣នាក់បានស្លា.ប់ បន្ទាប់ពីគ្រោះរញ្ជួយដីវាយប្រហារកោះ Bali របស់ឥណ្ឌូនេស៊ីនៅព្រឹកថ្ងៃសៅរិ៍នេះ ។ ការវា.យប្រហាររង្វាស់ ៤,៨រិចទ័រ បានបំផ្លាញអគារ និងធ្វើឲ្យប្រជាជនជាច្រើនជាប់ក្នុងគំនរបាក់បែក។ នេះបើយោងតាមការចុះផ្សាយរបស់ CNN។
ភ្នាក់ងារគ្រប់គ្រងគ្រោះមហន្តរាយ Bali បាននិយាយក្នុងសេចក្តីប្រកាសថា គ្រោះរញ្ជួយដីបានបំផ្លាញអគារជាច្រើននៅតំបន់ Karangasem និងតំបន់ Bangli នៅភាគខាងកើតកោះ Bali។
ប្រតិបត្តិការសង្គ្រោះកំពុងបន្តនៅក្នុងតំបន់ Karangasem ទីកន្លែងដែលមានមនុស្សជាច្រើនកំពុងជាប់នៅក្រោមគំនរបាក់បែករបស់អគារ។ មនុស្សចំនួន ៧នាក់រងរបួស និងម្នាកស្លា.ប់នៅទីនោះ ខណៈ ២នាក់ទៀតស្លា.ប់នៅតំបន់ Bangli។ នៅ Bangli មានការរអិលបាក់ដី បង្កឡើងដោយគ្រោះរញ្ជួយដី។
ភ្នាក់ងារគ្រប់គ្រោះមហន្តរាយបានព្រមានប្រជាជនឲ្យត្រៀមខ្លួនសម្រាប់ការរញ្ជួយដីដែលអាចកើតមានឡើងទៀត។
សូមបញ្ជាក់ថា កាលពីសប្តាហ៍នេះ កោះ Bali បានបើកទទួលអ្នកទេសចរណ៍ចាក់វ៉ាក់សាំងរួចមកពីប្រទេសចំនួន ១៩ ដែលការបើកនេះដើម្បីជំរុញសេដ្ឋកិច្ចរបស់កោះ Bali ឡើងវិញដែលពឹងផ្អែកទៅលលើវិស័យទេសចរណ៍៕ (យោងតាមប្រភព៖ CNN)
ចែករំលែកព័តមាននេះ