ស្ត្រីវ័យចំណាស់ម្នាក់បាត់បង់ជីវិតនៅក្នុងមន្ទីរបង្អែកស្រុក ដោយសារជំងឺកូវីដ១៩
- ឧត្តរមានជ័យ
នៅក្នុងមន្ទីរពេទ្យបង្អែកស្រុកអន្លង់វែង មានស្ត្រីវ័យចំណាស់ម្នាក់បានស្លា.ប់បាត់បង់ជីវិតដោយសារជំងឺកូវីដ១៩ កាលពី
ខេត្តឧត្តរមានជ័យ ៖ បើតាមសេចក្តីរាយការណ៍បានឱ្យដឹងថា នៅក្នុងមន្ទីរពេទ្យបង្អែកស្រុកអន្លង់វែង មានស្ត្រីវ័យចំណាស់ម្នាក់បានស្លា.ប់បាត់បង់ជីវិតដោយសារជំងឺកូវីដ១៩ កាលពីម៉ោង៣រសៀល ថ្ងៃទី១៤ ខែតុលា ឆ្នាំ២០២១នេះ ខណៈពេលកំពុងដេកសម្រាកព្យាបាល។
សេចក្តីរាយការណ៍បន្តថា ស្ត្រីរងគ្រោះខាងលើមានឈ្មោះ គូ ផាន្នី ភេទស្រី អាយុ៦៥ឆ្នាំ រស់នៅភូមិតាសំ ឃុំផ្អាវ ស្រុកត្រពាំងប្រាសាទ ខេត្តឧត្តរមានជ័យ ។
ក្រោយពេលកើតហេតុ ក្រុមគ្រូពេទ្យផ្នែកចត្តាឡីស័ក ក៏បានដឹកស.ពស្ត្រីរងគ្រោះខាងលើយកទៅបូជានៅទីបច្ឆា ស្ថិតនៅភូមិទួលគ្រួស ឃុំថ្លាត ស្រុកអន្លង់វែង ខេត្តឧត្តរមានជ័យ ភ្លាមៗផងដែរ ។
យោងតាមរបាយការណ៍អាវុធហត្តស្រុកអន្លង់វែង ក៏បានបញ្ជាក់ថា អ្នកឆ្លងកូវីដ១៩ ដែលកំពុងសម្រាកព្យាបាលនៅក្នុងមន្ទីរពេទ្យបង្អែកស្រុកអន្លង់វែង មានចំនួន១៤១នាក់ (ស្រីចំនួន៧១នាក់) និងជាសះស្បើយចំនួន៥នាក់ (ស្រី៣នាក់)៕
ចែករំលែកព័តមាននេះ