យោងតាមប្រភពព័ត៌មានពីតៃវ៉ាន់ឱ្យដឹងថា ក្រុមហ៊ុនសាំស៊ុងនឹងណែនាំស្មាតហ្វូនដើម្បីឆ្លើយតបនឹងស្មាតហ្វូនស៊េរីថ្មីដែលមានអេក្រង់៤អីុងរបស់ក្រុមហ៊ុន Apple គឺ iPhone SE ។ ស្មាតហ្វូនដែលក្រុមហ៊ុនសាំស៊ុងនឹងយកមកប្រកួតប្រជែងគឺ Galaxy S7 Mini ។
ក្រុមហ៊ុនសាំស៊ុងទើបតែប្រកាស Galaxy S7 និង S7 Edge ខណៈក្រុមហ៊ុន Apple ត្រៀមបញ្ចេញ iPhone និង iPad ស៊េរីទំនើបនៅថ្ងៃទី២១ មីនាខាងមុខ ។ Galaxy S7 Mini នឹងមានទំហំ ៤.៦អីុង កម្រិតភ្លឺច្បាស់៧២០ ភិចស៊ែល ។ បំពាក់ដោយបន្ទះ Chip ប្រភេទ Snapdragon 820 ឬប្រភេទExynos 8890។ RAM 3 ជី ។ កាមេរ៉ាក្រោយ១២ម៉េហ្កាភិចស៊ែល ខណៈកាមេរ៉ាមុខមិនទាន់ដឹង ។
យ៉ាងណាមិញក្រុមហ៊ុនមិនទាន់ប្រកាសពីស៊េរីទូរស័ព្ទតូច Galaxy S7 Mini ជាផ្លូវការនៅឡើយទេ តែបណ្តាសារព័ត៌មានផ្សេងនៅតែបន្តតាមដានពីព័ត៌មាននេះ ៕
ចែករំលែកព័តមាននេះ