ថ្មីទៀតហើយ ! មួកសម័យពេញនិយមថ្លៃជាងគេលើលោក
រាជធានីភ្នំពេញ ៖ នៅក្នុងបញ្ជីមួកម៉ូដសម័យពេញនិយម ថ្លៃជាងគេលើលោក មួក Chapeau D ’Amour ត្រូវបានជាប់ចំណាត់ថ្នាក់ទី ១…
រាជធានីភ្នំពេញ ៖ នៅក្នុងបញ្ជីមួកម៉ូដសម័យពេញនិយម ថ្លៃជាងគេលើលោក មួក Chapeau D ’Amour ត្រូវបានជាប់ចំណាត់ថ្នាក់ទី ១…
រាជធានីភ្នំពេញ ៖ នៅក្នុងបញ្ជីមួកម៉ូដសម័យពេញនិយម ថ្លៃជាងគេលើលោក មួក Chapeau D ’Amour ត្រូវបានជាប់ចំណាត់ថ្នាក់ទី ១ ដែលថ្លៃជាងគេបំផុតក្នុងលោក ។ មួក Chapeau D ’Amour មានតម្លៃ ២,៧ លានដុល្លារអាមេរិក ដែលជាតម្លៃខ្ពស់បំផុតក្នុងលោក នៃប្រភេទមួកបែប fashion ដែលវាបានរចនាឡើងដោយ លោក Louis Mariette ដែលជាអ្នករចនាម៉ូដសំលៀកបំពាក់ល្បីៗ សម្រាប់តារា ។ មួកនេះផងដែរ បានបង្ហាញខ្លួនជាលើកដំបូងនៅសាលវិចិត្រគ្រីស្ទី នៅទីក្រុងឡុងដ៍ ដោយពេលនោះ Victoria Beckham បានពាក់វាក្នុងកម្មវិធីបង្ហាញម៉ូដសម្រាប់ស្ត្រីអាយុជាង ៤០ ឆ្នាំ ។
នៅពីក្រោយ Chapeau D ’Amour ដែលឈ្មោះមួកដ៏ស្រស់ស្អាតមួយនេះ មានប្រវត្តិដែលមនុស្សភាគច្រើនបាន ភ្ជាប់វាទៅនឹងឃ្លាមនោសញ្ចេតនានៃភាសាបារាំង ដែលអាចបកមកជាភាសាអង់គ្លេស ថា “love’s cap” «មួកនៃសេចក្តីស្នេហា» ។ ក្រោយមកតារាសម្តែងហូលីវូដម្នាក់ទៀតឈ្មោះ Alicia Witt ក៏បានពាក់មួកនេះដែរ នៅពេលនាងស្លៀកពាក់រ៉ូបផ្តាច់មុខ ពី Oscar de la Renta ដោយនាងពាក់ទៅក្នុងកម្មវិធី សប្តាហ៍ម៉ូដញូវយ៉ក នៅរដូវស្លឹកឈើជ្រុះឆ្នាំ ២០០៨ ដែលបានទាក់ទាញការចាប់អារម្មណ៍ ជាមួយនឹងសំលៀកបំពាក់ដ៏ថ្លៃថ្នូរធ្វើពីស្បែកពណ៌បៃតង ផ្គូផ្គងជាមួយនឹងភ្នែកដ៏ល្អឥតខ្ចោះរបស់នា រួមជាមួយការពាក់ស្បែកជើងកែងព្រះនាង ស៊ីនដឺរេឡា ថែមទៀតនោះ ក៏បាននាំឱ្យមហាជន មកសួរនាំយ៉ាងច្រើន ។
មួក Chapeau D ’Amour មើលទៅដូចរាងត្រីកោណ ដែលមានផ្នែកបន្ថែមរោមសត្វ បង្កើតការរចនារាងអក្សរយូធំ នៅខាងក្រោយក្បាលរបស់អ្នកពាក់ ហើយវាក៏បានធ្វើពីក្រណាត់ផ្លាទីនសុទ្ធ និងមានដាំត្បូងពេជ្រផងដែរ ៕ ប្រភព ៖ fashionablehats
ចែករំលែកព័តមាននេះ