មន្ទិលជាឧបសគ្គធំ
បិដកភាគ៤៨ ទំព័រ៨៣ ព្រះមានព្រះភាគត្រាស់ថា មន្ទិលជាឧបសគ្គធំនាំឱ្យរាំងស្ទះគ្រប់កិច្ចការទាំងអស់មិនឱ្យសម្រេចផលល្អ ។ មន្ទិលនោះមាន៨យ៉ាងៈ ១. មន្តទាំងឡាយមានការមិនស្វាធ្យាយជាមន្ទិល ។ ២….
បិដកភាគ៤៨ ទំព័រ៨៣ ព្រះមានព្រះភាគត្រាស់ថា មន្ទិលជាឧបសគ្គធំនាំឱ្យរាំងស្ទះគ្រប់កិច្ចការទាំងអស់មិនឱ្យសម្រេចផលល្អ ។ មន្ទិលនោះមាន៨យ៉ាងៈ
១. មន្តទាំងឡាយមានការមិនស្វាធ្យាយជាមន្ទិល ។
២. ផ្ទះទាំងឡាយមានការមិនថែទាំជាមន្ទិល ។
៣. ការខ្ជិលច្រអូសជាមន្ទិលនៃសប្បុរសរីរ: ។
៤. ការប្រហែសធ្វេស ជាមន្ទិលនៃអ្នកថែរក្សា ។
៥. ការប្រព្រឹត្តក្បត់ចិត្តប្ដី ជាមន្ទិលរបស់ស្ត្រី ។
៦. សេចក្ដីកំណាញ់ ជាមន្ទិលរបស់អ្នកឲ្យ ។
៧. អកុសលដ៏លាមកជាមន្ទិលរបស់ក្នុងលោកនេះនិងលោកខាងមុខ ។
៨. មន្ទិលដ៏លើសជាងមន្ទិលទាំងនោះគឺអវិជ្ជាជាមន្ទិលយ៉ាងក្រៃលែង ។
បុគ្គលណាមានសេចក្ដីត្រជាក់ត្រជំ ឥតមានមន្ទិល បន្ទោបង់សេចក្ដីក្រវល់ក្រវាយក្នុងហរទ័យ មិនបានប្រឡាក់ក្នុងកាមមន្ទិលទាំងឡាយ បុគ្គលនោះរមែងដល់នូវប្រាជ្ញាស្មារតីដ៏ភ្លឺថ្លា មានចិត្តស្ងប់រម្ងាប់ហើយរមែងដេកនៅជាសុខ ៕ សាន សារិន
ចែករំលែកព័តមាននេះ