ខេត្តព្រៃវែង៖ អាជ្ញាធរខេត្តព្រៃវែង បានកំណត់យក “ថ្ងៃព្រហស្បតិ៍” រៀងរាល់សប្ដាហ៍ សម្រាប់ធ្វើអនាម័យបរិស្ថានជាប់ជាប្រចាំ នៅគ្រប់ស្ថាប័នរដ្ឋ និងឯកជន។

យោងតាមការចុះផ្សាយរបស់រដ្ឋបាលខេត្តព្រៃវែង បានឱ្យដឹងថា នៅព្រឹកថ្ងៃទី១៦ ខែតុលា ឆ្នាំ២០២៥ តាមបណ្ដាក្រុង ស្រុក និងមន្ទីរ អង្គភាពនៃខេត្តព្រៃវែង បានធ្វើយុទ្ធនាការសម្អាតអនាម័យបរិស្ថាន ដោយមានអ្នកចូលរួមសរុបចំនួនជាង១ពាន់នាក់​។

បើតាមរដ្ឋបាលខេត្ត, អាជ្ញាធរបានដាក់ចេញនូវការណែនាំដល់មន្ទីរ អង្គភាព រដ្ឋបាលក្រុង ស្រុក និងឃុំ សង្កាត់ យកចិត្តទុកដាក់ ថែរក្សា និងសម្អាតអនាម័យបរិស្ថាន ដល់គ្រប់អ្នកពាក់ព័ន្ធ ពិសេសប្រជាពលរដ្ឋនៅក្នុងមូលដ្ឋាន ដោយកំណត់យកថ្ងៃព្រហស្បតិ៍រៀងរាល់សប្ដាហ៍ សម្រាប់ធ្វើអនាម័យបរិស្ថានជាប់ជាប្រចាំ នៅគ្រប់ស្ថាប័នរដ្ឋ និងឯកជន៕
​