សៀវភៅទសជាតក ព្រះមានព្រះភាគត្រាស់ថា ហិរិ និងឱត្តប្បៈគឺជាទេវធម៌ក្នុងលោក ។ ធម៌នេះមានអំណាចខ្លាំងក្លាដើម្បីកម្ចាត់ពួកអមនុស្សទាំងឡាយមានអារក្សទឹកជាដើមឱ្យបាក់បបខ្លបខ្លាច ដូចកាលដែលព្រះពុទ្ធនៃយើងទ្រង់នៅជាពោធិសត្វ ព្រះអង្គបានទូន្មានអារក្សទឹកដែលតែងតែយាយីដល់ជីវិតមនុស្សសត្វទាំងឡាយនោះ ប៉ុន្តែបន្ទាប់ពីបានស្តាប់ដំបូន្មានរបស់ព្រះពោធិសត្វរួច អារក្សទឹកនោះក៏លះបង់នូវអំពើបាបកម្មចេញអស់…
សៀវភៅទសជាតក ព្រះមានព្រះភាគត្រាស់ថា ហិរិ និងឱត្តប្បៈគឺជាទេវធម៌ក្នុងលោក ។ ធម៌នេះមានអំណាចខ្លាំងក្លាដើម្បីកម្ចាត់ពួកអមនុស្សទាំងឡាយមានអារក្សទឹកជាដើមឱ្យបាក់បបខ្លបខ្លាច ដូចកាលដែលព្រះពុទ្ធនៃយើងទ្រង់នៅជាពោធិសត្វ ព្រះអង្គបានទូន្មានអារក្សទឹកដែលតែងតែយាយីដល់ជីវិតមនុស្សសត្វទាំងឡាយនោះ ប៉ុន្តែបន្ទាប់ពីបានស្តាប់ដំបូន្មានរបស់ព្រះពោធិសត្វរួច អារក្សទឹកនោះក៏លះបង់នូវអំពើបាបកម្មចេញអស់ ហើយជាអ្នកដល់នូវសីលប្រាំចាំសីលប្រាំបីអស់មួយជីវិត ។ ខាងក្រោមនេះជាទេវធម៌សម្តែងអំពីសេចក្តីខ្មាសបាប ខ្លាចបាប ដែលមានខ្លឹមសារដូចតទៅៈ
ហិរិឱត្តប្បសម្បន្នា សុក្កធម្មសមាហិតា សន្តោ សប្បុរិសា លោកេ ទេវធម្មាតិ វុច្ចរេ ។ សេចក្តីប្រែ សប្បុរសទាំងឡាយ អ្នកមានចិត្តស្ងប់រម្ងាប់ហើយ បរិបូណ៌ដោយហិរិ និងឱត្តប្បៈ ជាអ្នកមានចិត្តតម្កល់នៅក្នុងធម៌ស លោកពោលថាជាទេវធម៌(ធម៌របស់ទេវតា)ក្នុងលោក ។
តាមទស្សនៈរបស់ខ្ញុំ ប្រសិនបើលោកអ្នកមិនអាចអាន ឬទន្ទេញភាសាបាលីឱ្យចាំចេះស្ទាត់រត់មាត់បានទេ លោកអ្នកគួរទន្ទេញសេចក្តីប្រែជាខេមរភាសាឱ្យចេះចាំស្ទាត់ក៏គួរ តែត្រូវអនុវត្តផងទើបស័ក្តិសិទ្ធិ ។
ការអនុវត្តផងនោះគឺ ត្រូវតម្កល់ចិត្តក្នុងសេចក្តីល្អគ្រប់ពេលវេលា ពោលគឺត្រូវខ្មាសបាប ខ្លាចបាបជានិច្ច ទើបអាចយកឈ្នះលើពួកអមនុស្សបាន ព្រោះពួកខ្មោច ព្រាយ បិសាច ដែលហៅដោយខ្លីថាពួកអមនុស្សមិនហ៊ានបៀតបៀនមនុស្សល្អឡើយ ៕ សាន សារិន
ចែករំលែកព័តមាននេះ