ចាស់ហើយល្មោភកាមទៀត សូម្បីក្មេងស្រីអាយុ៥ឆ្នាំក៏មិនលើកលែង
ខេត្តបន្ទាយមានជ័យ ៖ ជនសង្ស័យម្នាក់ត្រូវអាវុធហត្ថក្រុងប៉ោយប៉ែតសហការជាមួយអាវុធហត្ថស្នាក់ការសន្តិសុខ៥៦៨ ធ្វើការឃាត់ខ្លួនតាមពាក្យបណ្តឹង ដោយជាប់ចោទ…
ខេត្តបន្ទាយមានជ័យ ៖ ជនសង្ស័យម្នាក់ត្រូវអាវុធហត្ថក្រុងប៉ោយប៉ែតសហការជាមួយអាវុធហត្ថស្នាក់ការសន្តិសុខ៥៦៨ ធ្វើការឃាត់ខ្លួនតាមពាក្យបណ្តឹង ដោយជាប់ចោទ…
ខេត្តបន្ទាយមានជ័យ ៖ ជនសង្ស័យម្នាក់ត្រូវអាវុធហត្ថក្រុងប៉ោយប៉ែតសហការជាមួយអាវុធហត្ថស្នាក់ការសន្តិសុខ៥៦៨ ធ្វើការឃាត់ខ្លួនតាមពាក្យបណ្តឹង ដោយជាប់ចោទពីបទរំលោភសេពសន្ថវៈលើក្មេងស្រីអាយុ៥ឆ្នាំម្នាក់កាលពីពេលកន្លងមក ។ ហេតុការណ៍ឃាត់ខ្លួនជនសង្ស័យនេះធ្វើឡើងនៅព្រឹកថ្ងៃទី១៤ ខែមីនា ឆ្នាំ២០១៦ នៅភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ។
ជនសង្ស័យដែលត្រូវឃាត់ខ្លួនមានឈ្មោះ ភិម ភា ភេទប្រុស អាយុ៤៩ឆ្នាំ មានទីលំនៅក្នុងភូមិកើតហេតុ ។
មន្ត្រីអាវុធហត្ថប្រាប់ឲ្យដឹងថា មុនឈានដល់ការឃាត់ខ្លួនបុរសសង្ស័យខាងលើ គ្រួសារក្មេងស្រីរងគ្រោះសុំមិនឲ្យបញ្ចេញឈ្មោះបានមកដាក់ពាក្យបណ្តឹងឲ្យជួយរកយុត្តិធម៌ បន្ទាប់ពីឃើញកូនស្រីអាយុ៥ឆ្នាំរបស់ពួកគាត់មានអការៈស្លេកស្លាំងខុសពីធម្មតា ហើយពេលសួរនាំនាងប្រាប់ថា ត្រូវជនសង្ស័យខាងលើរំលោភជាច្រើនដងនាពេលកន្លងមកខណៈដែលពួកគាត់ទុកកូនឲ្យនៅផ្ទះជាមួយបងប្អូនរវល់ទៅលក់ដូរនៅផ្សាររុងក្លឿ ស្រុកអារញ្ញ ខេត្តស្រះកែវប្រទេសថៃ ។
មន្ត្រីអាវុធហត្ថបន្តទៀតថា ក្រោយទទួលពាក្យបណ្តឹងពីគ្រួសាររងគ្រោះ ដំបូងគ្រាន់តែហៅជនសង្ស័យមកសួរនាំ លុះក្រុមគ្រូពេទ្យជំនាញបញ្ជាក់ប្រាប់ថា ក្មេងស្រីខាងលើត្រូវគេរំលោភមែនទើបសមត្ថកិច្ចសុំគោលការណ៍ទៅលោកព្រះរាជអាជ្ញាដើម្បីធ្វើការឃាត់ខ្លួនតែម្តង ។
លោក ជា ដា មេបញ្ជាការអាវុធហត្ថក្រុងប៉ោយប៉ែតបានឲ្យដឹងថា ករណីខាងលើ ក្រោយទទួលបទបញ្ជាពីលោកឧត្តសេនីយ៍ ឱ បូរិន្ទ មេបញ្ជាការអាវុធហត្ថខេត្ត ឲ្យចុះស្រាវជ្រាវបន្ទាន់ក្រោយទទួលពាក្យបណ្តឹងពីគ្រួសាររងគ្រោះ ទើបឈានដល់ការឃាត់ខ្លួនជនសង្ស័យ ។ ពេលសួរនាំដំបូង ជនសង្ស័យបានបដិសេធថាខ្លួនមិនបានប្រព្រឹត្តដូចការចោទប្រកាន់ទេ ប៉ុន្តែលុះមានកោសល្យវិច្ច័យពីក្រុមគ្រូពេទ្យបញ្ជាក់ថា ក្មេងស្រីរងគ្រោះមានគេរំលោភហើយ សមត្ថកិច្ចបន្តសាកសួរតាមជំនាញទើបជនសង្ស័យសារភាពថា ខ្លួនពិតជាបានរំលោភក្មេងស្រីនោះជាច្រើនដងគឺចាប់តាំងពីខែកញ្ញា ឆ្នាំ២០១៥ ដោយការលួងលោមនាង ព្រោះផ្ទះជាប់គ្នា និងលើកចុងក្រោយប្រហែលជិត១០ថ្ងៃមុនក្នុងខែមីនានេះផងដែរ ។
លោក ជា ដា បន្តថា ជនសង្ស័យត្រូវបានកសាងសំណុំបញ្ជូនទៅទីបញ្ជាការអាវុធហត្ថខេត្តដើម្បីចាត់ការបន្តតាមនិតិវិធីច្បាប់ ៕
ចែករំលែកព័តមាននេះ