នៅក្នុងសៀវភៅពុទ្ធវចនាធិប្បាយមាននិយាយពីទស្សនៈព្រះពុទ្ធទាក់ទងទៅនឹងជីវភាពប្រចាំថ្ងៃរបស់មនុស្សទូទៅដោយបានពន្យល់ឱ្យមនុស្សចូលចិត្តនូវការប្រព្រឹត្តប្រយោជន៍៤យ៉ាង ឬហៅថាសម្បរាយិកត្ថប្រយោជន៍ ដែលឱ្យផលភ្លាមៗក្នុងពេលបច្ចុប្បន្ន ។ ប្រយោជន៍៤យ៉ាងនោះគឺៈ
១- ការខិតខំប្រឹងប្រែងក្នុងកិច្ចការទាំងពួង ខំប្រឹងកសាងសេចក្តីល្អ ខំប្រឹងធ្វើអ្វីដែលជាប្រយោជន៍ដល់ខ្លួនឯង សម្រាប់គ្រួសារ សម្រាប់សង្គមជាតិ និងសម្រាប់ពិភពលោកទាំងមូល ។
២- ការរក្សានូវទ្រព្យដែលខ្លួលបានរកចេះសន្សំ ចេះរក្សា ចេះទុកដាក់ ចេះការពារទ្រព្យដែលខ្លួនរកបានហើយកុំឱ្យបាត់បង់ដោយហេតុណាមួយ ។
៣- ចេះរាប់អានមិត្ត ព្រះពុទ្ធសម្តែងថា សេពគប់បណ្ឌិតរមែងជោគជ័យជាមង្គលដ៏ឧត្តម កុំសេពគប់បុគ្គលពាល ព្រោះពាលមិនដែលនាំមកនូវសេចក្តីចម្រើនឡើយ ។
៤- ការចិញ្ចឹមជីវិតបានត្រឹមត្រូវ រកបានតិច ចាយតិច កុំចាយលើសចំណូល កុំចំណាយទៅលើអំពើអបាយមុខ
ចំណាយទៅលើអ្វីៗត្រូវត្រិះរិះពិចារណា ។
ធម៌នាំឱ្យកើតប្រយោជន៍៤យ៉ាងនេះកើតមានចំពោះបុគ្គលណា នឹងនាំក្តីចម្រុងចម្រើន នាំជោគជ័យដល់បុគ្គលនោះក្នុងបច្ចុប្បន្នជាតិនេះភ្លាមៗ ៕ សាន សារិន
ចែករំលែកព័តមាននេះ