ស្ថានីយបង្កាត់ពូជត្រី ជលផលកណ្ដាលក្លាយជាកន្លែងចិញ្ចឹមទា
ខេត្តកណ្ដាល ៖ ស្ថានីយបង្កាត់ពូជត្រី របស់ខណ្ឌរដ្ឋបាលជលផលកណ្ដាល ដែលមានទីតាំងនៅ ភូមិទួលក្រសាំង ឃុំរកាខ្ពស់ ស្រុកស្អាង មានស្រះធំៗលើស១០ លើផ្ទៃដីច្រើនហិកតា
ខេត្តកណ្ដាល ៖ ស្ថានីយបង្កាត់ពូជត្រី របស់ខណ្ឌរដ្ឋបាលជលផលកណ្ដាល ដែលមានទីតាំងនៅ ភូមិទួលក្រសាំង ឃុំរកាខ្ពស់ ស្រុកស្អាង មានស្រះធំៗលើស១០ លើផ្ទៃដីច្រើនហិកតា
ខេត្តកណ្ដាល ៖ ស្ថានីយបង្កាត់ពូជត្រី របស់ខណ្ឌរដ្ឋបាលជលផលកណ្ដាល ដែលមានទីតាំងនៅ ភូមិទួលក្រសាំង ឃុំរកាខ្ពស់ ស្រុកស្អាង មានស្រះធំៗលើស១០ លើផ្ទៃដីច្រើនហិកតា បានក្លាយជាកន្លែងចិញ្ចឹមទា រាប់ម៉ឺនក្បាល ច្រើនខែមកហើយ ពេលនេះ បានបង្កផលប៉ះពាល់ ដល់ប្រជាពលរដ្ឋរស់នៅជិតនោះ ដោយសារក្លិនអាចម៍ទាស្អុយ និងកើតមានសត្វរុយច្រើនខ្លាំងណាស់ ពិតជាពិបាករស់នៅមែន។
ប្រជាពលរដ្ឋរស់នៅក្បែររោង និងស្រះចិញ្ចឹមទា ដែលជលផលបានជួលទៅឱ្យគេចិញ្ចឹមទាយូរហើយនោះបានប្រាប់ឱ្យដឹងថា ពីមុនទីតាំងនេះជាកន្លែងចិញ្ចឹម និងបង្កាត់ពូជត្រីរបស់ជលផលខេត្តកណ្ដាល ។ ប៉ុន្តែក្រោយមកត្រូវបានគេជួលដី និងស្រះច្រើនហិកតាទៅឱ្យអ្នកចិញ្ចឹមទារយៈពេលជាងមួយឆ្នាំមកហើយ ។ ចាប់តាំងពីមានគេមកចិញ្ចឹមទានៅទីនោះបានរំខានដល់ការរស់នៅរបស់ប្រជាពលរដ្ឋនៅក្បែរនោះ ដោយសារតែថ្លង់សំឡេងទាយំ រកដេកពួនមិនស្កប់ និងជះក្លិនអាចម៍ទាស្អុយ ខ្លាំងណាស់រកដកដង្ហើមស្ទើរមិនកើត ពិសេសទៀតនោះកើតមានសត្វរុយច្រើនណាស់ហើរចេញមកពីកន្លែងចិញ្ចឹមទានោះ ពេលហូបអាហារម្ដងៗពិបាកដេញរុយ បើអ្នកណាមិនប្រយ័ត្នជាមួយសត្វរុយ និងកើតមានជំងឺជាបន្តបន្ទាប់មិនខាន។
ប្រជាពលរដ្ឋបានសំណូមពរដល់ជលផលខេត្តកណ្ដាល ឱ្យឈប់ជួលស្រះ និងដីរបស់ជលផលដែលមានទីតាំងខាងលើនេះ ឱ្យអ្នកចិញ្ចឹមទានេះតទៅទៀត ព្រោះវាបានបង្កផលប៉ះពាល់យ៉ាង ធ្ងន់ធ្ងរដល់ការរស់នៅរបស់អ្នកភូមិ។ ទាក់ទិននឹងការចិញ្ចឹមទានេះដែរលោក ឃ្លាំង វណ្ណធុល នាយខណ្ឌរដ្ឋបាលជលផលកណ្ដាលបានប្រាប់អ្នកយកព័ត៌មានតាមទូរសព្ទ័កាលពីព្រឹកថ្ងៃទី១១ ខែមីនា នេះថាស្រះ និងដីរបស់ខណ្ឌរដ្ឋបាលជលផលនេះ ក្រោយពីចិញ្ចឹមត្រី និងបង្កាត់ត្រី ចេះតែងាប់ត្រីច្រើនពេក ដោយសារទឹកមិនស្អាតបានបញ្ឈប់ការចិញ្ចឹម និងបង្កាត់ពូជត្រីហើយត្រូវបានគេសុំ ចិញ្ចឹមទា មិនមែនជួលទេប៉ុន្តែលោកមិនបានប្រាប់ឱ្យទៅអ្នកណាដែរ គេដឹងថាអ្នកចិញ្ចឹមទានោះជាមន្ត្រីជលផលដែរ ។ លោកបានបញ្ជាក់ផងដែរថា ការចិញ្ចឹមទានៅទីនោះត្រូវបានគេរាយការណ៍មកថា មានផលប៉ះពាល់ដល់ អ្នកភូមិនៅជិតនោះហើយលោក នឹងអនុញ្ញាតឲ្យគេចិញ្ចឹមតែមួយរយៈពេលទៀត ត្រឹមតែមួយវគ្គរឺពីរវគ្គទៀតនឹងឈប់ឱ្យគេចិញ្ចឹមទៀតហើយ ៕
ចែករំលែកព័តមាននេះ