ទូរទស្សន៍រដ្ឋស្រីលង្ការូប៉ាវ៉ាហ៊ីនី រាយការណ៍កាលពីថ្ងៃទី២៧ មករា ថា ប្រមុខរដ្ឋចប់អណត្ដិជាអ្នកជាប់ឆ្នោតដាច់ក្នុងការបោះឆ្នោត ប្រធានាធិបតីស្រីលង្កាកាលពីថ្ងៃទី២៦ មករា ដែលលទ្ធផលនេះត្រូវបានគូប្រជែងតវ៉ាពីការក្លែងបន្លំសន្លឹកឆ្នោត
ទូរទស្សន៍រដ្ឋស្រីលង្ការូប៉ាវ៉ាហ៊ីនី រាយការណ៍កាលពីថ្ងៃទី២៧ មករា ថា ប្រមុខរដ្ឋចប់អណត្ដិជាអ្នកជាប់ឆ្នោតដាច់ក្នុងការបោះឆ្នោតប្រធានាធិបតីស្រីលង្កាកាលពីថ្ងៃទី២៦ មករា ដែលលទ្ធផលនេះត្រូវបានគូប្រជែងតវ៉ាពីការក្លែងបន្លំសន្លឹកឆ្នោត ។
ទូរទស្សន៍នេះនិយាយថា ប្រធានាធិបតីលោករ៉ាចា ប៉ាកសា ដណ្ដើមបានជោគជ័យដោយសម្លេងភាគច្រើនបំផុតឈ្នះគូប្រជែងសំខាន់ ឧត្ដមសេនីយ៍សារ៉ាតហ្វុន សឺកា ។ ពួកអ្នកសង្កេតការណ៍បោះឆ្នោតឯករាជ្យរៀបរាប់ពីអ្នកចូលរួមបោះឆ្នោតយ៉ាងច្រើនដល់រវាងពី៧០ទៅ៨០% ។ អ្នកបោះឆ្នោត១៤លាននាក់ត្រូវទៅកាន់ហិបឆ្នោត ។
ឧត្ដមសេនីយ៍ហ្វុនសឺកា ថ្លែងថា កងទ័ពបានឡោមព័ទ្ធសណ្ឋាគាររបស់លោកនៅទីក្រុងកូឡុំបូ កាលពីយប់ថ្ងៃទី២៦ មក២៧ មករា ។ ឧត្ដមសេនីយ៍រូបនេះនិយាយថា កងទ័ពបានឡោមព័ទ្ធសណ្ឋាគារ ហើយគំរាមកំហែងដល់កងអង្គរក្សរបស់ខ្ញុំ។ កងយោធាហ៊ុមព័ទ្ធយើង ហើយដាក់យើងស្ថិតក្នុងការឃុំឃាំង ។
អ្នកទទួលខុសត្រូវយោធាម្នាក់ និងទីប្រឹក្សាម្នាក់របស់ប្រធានាធិបតីថ្លែងថា លោកហ្វុនសឺកា ស្ថិតក្រោមការត្រួតពិនិត្យខ្លាចលោករៀបចំរដ្ឋប្រហារមួយជាមួយបណ្ដាមនុស្សរបស់លោកក្នុងផ្ទៃកងទ័ពដែលលោកនៅដឹកនាំ ៕
ចែករំលែកព័តមាននេះ