ក្នុងឱកាសនៃការជួបពិភាក្សាគ្នា លើកដំបូងនៅទីក្រុងដូហា កាលពីថ្ងៃទី៩ ខែតុលា ឆ្នាំ២០២១ រវាងតំណាងភាគីទាំង២ ចាប់តាំងពីការដកថយរបស់អាមេរិកចេញពីអាហ្វហ្គានីស្ថានមក ពួកតាលីបង់បានស្នើដល់
ប្រទេសអាហ្វហ្គានីស្ថាន ៖ ក្នុងឱកាសនៃការជួបពិភាក្សាគ្នា លើកដំបូងនៅទីក្រុងដូហា កាលពីថ្ងៃទី៩ ខែតុលា ឆ្នាំ២០២១ រវាងតំណាងភាគីទាំង២ ចាប់តាំងពីការដកថយរបស់អាមេរិកចេញពីអាហ្វហ្គានីស្ថានមក ពួកតាលីបង់បានស្នើដល់សហរដ្ឋអាមេរិក កុំបង្កអស្ថេរភាពដល់រដ្ឋាភិបាល ដែលពួកគេបង្កើតឡើងនៅក្រុងកាប៊ុល។
ការជួបគ្នានោះធ្វើឡើង បន្ទាប់ពីការវាយប្រហារអត្តឃាតមួយ ប្រកាសទទួលខុសត្រូវដោយក្រុមរដ្ឋអ៊ិស្លាមនៅអាហ្វហ្គានីស្ថាន បណ្ដាលឲ្យមនុស្សស្លា.ប់ដល់ជាង៦០នាក់ ដែលនោះជាការវាយប្រហារដ៏បង្ហូរឈា.មបំផុត ចាប់តាំងពីការដកកងទ័ពអាមេរិក ចេញអស់ពីអាហ្វហ្គានីស្ថានពីថ្ងៃទី៣០សីហាមក។
សហរដ្ឋអាមេរិក បានរក្សាការប្រាស្រ័យទាក់ទង ជាមួយពួកតាលីបង់ ក្រោយពួកនោះ ដណ្ដើមកាន់កាប់់ក្រុងកាប៊ុលពីពាក់កណ្ដាលខែសីហាមក តែការជួបគ្នានាថ្ងៃទី៩ ខែតុលានោះ គឺជាការជួបគ្នាដោយផ្ទាល់លើកដំបូង រវាងគណៈប្រតិភូទាំង២។ ក្រោយពីទទួលរៀបចំឲ្យមានការចរចាគ្នា អស់ពេលច្រើនឆ្នាំរវាងពួកតាលីបង់ និងសហរដ្ឋអាមេរិក មក ប្រទេសកាតានៅបន្តដើរតួនាទី ជាអាជ្ញាកណ្ដាលតទៅទៀត។
រដ្ឋមន្ត្រីការបរទេសតាលីបង់ លោក AMIR KHAN MUTTAQI អះអាងថា យើងបាននិយាយយ៉ាងច្បាស់ថា ការប៉ុនប៉ងបង្កអស្ថេរភាព ដល់រដ្ឋាភិបាលអាហ្វហ្គានីស្ថាន មិនមែនជារឿងល្អសម្រាប់នរណាម្នាក់ឡើយ។ ទំនាក់ទំនងល្អជាមួយអាហ្វហ្គានីស្ថាន ផ្ដល់ប្រយោជន៍ដល់គ្រប់គ្នា។ គ្មានអ្វីអាចទៅរួចឡើយ ដើម្បីធ្វើឲ្យរដ្ឋាភិបាលបច្ចុប្បន្ននៅអាហ្វហ្គានីស្ថានចុះខ្សោយ ហើយការបង្កអស្ថេរភាព វាគ្រាន់តែអាចនាំឲ្យមានបញ្ហានានាសម្រាប់ប្រជាជនតែប៉ុណ្ណោះ។
គណៈប្រតិភូអាមេរិកចូលរួមក្នុងជំនួបគ្នានេះ មាន លោក TOM WEST តំណាងពិសេសរង នៃក្រសួងការបរទេសអាមេរិក និងលោកស្រី SARAH CHARLES ប្រមុខទីភ្នាក់ងារអភិវឌ្ឍន៍អន្តរជាតិអាមេរិក។
ក្រសួងការបរទេសអាមេរិកនិយាយថា ការជួបគ្នានៅក្រុងដូហានោះ មិនមានន័យថា សហរដ្ឋអាមេរិកទទួលស្គាល់ របបតាលីបង់ឡើយ។
ទន្ទឹមនឹងនេះដែរ អំពើហិ.ង្សានានា មានបន្ត នៅអាហ្វហ្គានីស្ថាន ដែលនៅទីនោះកាលពីថ្ងៃទី៨ ខែតុលា មានការវាយប្រហារអត្ត.ឃាតមួយ ក្នុងព្រះវិហារអ៊ិស្លាមស៊ីអ៊ីត នៅទីក្រុងគុនឌុស ភាគឦសានប្រទេស បណ្ដាលឲ្យមនុស្សស្លា.ប់ដល់ជាង៦០នាក់។ ការវាយប្រហារនោះតុល្យការចុងក្រោយ អាចមានមនុស្សស្លា.ប់ដល់ខ្ទង់១០០នាក់ និងអ្នករងរបួសជិត២០០នាក់។ ជនអត្តឃាតម្នាក់ជាមនុស្សរបស់ក្រុមរដ្ឋអ៊ិស្លាម បានធ្វើឲ្យគ្រឿងផ្ទុះនៅជាប់ខ្លួនគេផ្ទុះ ក្នុងព្រះវិហារ SAYED ABAD ពេលមានមនុស្សច្រើនកុះករ ក្នុងពិធីសូត្រធម៌ថ្ងៃសុក្រ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ