សំណាងណាស់! បុរសខ្មែរ១រូបជា.ន់គ្រាប់មី.ន២ដង តែរស់រានមានជីវិត
- ភ្នំពេញ
រាជធានីភ្នំពេញ ៖ ចាត់ទុកជាសំណាងមួយក្នុងមួយលានគ្រោះថ្នាក់ សម្រាប់បុរសខ្មែរមួយរូបដែលធ្លាប់ជាន់មីនដល់ទៅ ២ ដង តែ
រាជធានីភ្នំពេញ ៖ ចាត់ទុកជាសំណាងមួយក្នុងមួយលានគ្រោះថ្នាក់ សម្រាប់បុរសខ្មែរមួយរូបដែលធ្លាប់ជាន់មីនដល់ទៅ ២ ដង តែលោកនៅមានជីវិត ដោយគ្រាន់តែបាតបង់ជើងម្ខាង ខណៈរាជរដ្ឋាភិបាលកម្ពុជា តាមរយៈមជ្ឈមណ្ឌលសកម្មភាពកំចាត់មីនកម្ពុជា (Cambodian Mine Action Center) ឬហៅកាត់ថា ស៊ីម៉ាក បានខិតខំបោសសំអាតមីន និងយុទ្ធភ័ណ្ឌមិនទាន់ផ្ទុះ ចេញពីផ្ទៃដីប្រទសកម្ពុជាជាបន្តបន្ទាប់ ។
លោក ហេង រតនា ប្រធានអង្គភាពស៊ីម៉ាក់ បានទម្លាយឱ្យដឹងថា បុរសខ្មែរ ដែលសំណាងខ្ពស់ អាចរួចផុតជីវិតពីគ្រាប់មីនដល់ទៅពីរដង គឺបុរសវ័យចំណាស់ឈ្មោះសុផាត់ ។
លោក ហេង រតនា បានបង្ហោះរូបភាពបុរសវ័យចំណាស់ម្នាក់ពាក់អាវយឺតពណ៌ស ខោខ្លីពណ៌ទឹកប៉ិច ពេញដោយស្នាមញញឹម តែយើងអាចឃើញជើងរបស់គាត់គឺពិការសឹងដល់គល់ភ្លៅ អមនិងសំណេរដែលមានខ្លឹមសារថា «កាលពីក្នុងសង្គ្រាមធ្វើទាហានជាន់មីនម្តង ហើយនៅពេលស្រុកសុខសាន្តធ្វើចំការស្តារជីវភាពរស់នៅជាន់មីនម្តងទៀត! នេះជាមហាសំណាងសំរាប់ពូសុផាត់ ដែលមិនស្លា.ប់» ។
ប្រធានអង្គភាពស៊ីម៉ាក់ បានសរសេរបន្តលើហ្វេសប៊ុកផេករបស់ខ្លួនកាលពីថ្ងៃទី ៦ ខែតុលា ឆ្នាំ ២០២១ ថា «ពូសុផាត់សប្បាយចិត្តដែលសន្សំលុយអាចទិញកង់មួយគ្រឿង គ្រាន់ធ្វើដំណើរ » ។ លោកបានបន្តថានោះគឺជាផ្នែកមួយនៃគំរោងសមាហរណកម្មការបោសសំអាតមីននិងជួយសង្គ្រោះជនពិការដោយសារមីន ដែលរដ្ឋាភិបាលជប៉ុនផ្តល់ជំនួយឥតសំណងជូនរាជរដ្ឋាភិបាលដើម្បីគាំទ្រសកម្មភាពរបស់អង្គភាពស៊ីម៉ាក់។
សូមបញ្ជាក់ថា ក្នុងឆ្នាំ២០២០ កន្លងមកនេះ បើយោងតាមរបាយការណ៍របស់ ស៊ីម៉ាក់ បានឱ្យដឹងថា ស៊ីម៉ាក់ បានរុករកឃើញគ្រាប់មីន និងយុទ្ធភណ្ឌមិនទាន់ផ្ទុះគ្រប់ប្រភេទសរុបចំនួនជិត ៤ម៉ឺនគ្រាប់ (៣៩,២៤៩) លើផ្ទៃដីសរុប ជាង ៩ពាន់ហិកតារ (៩,២០០)។ សម្រាប់ផែនការឆ្នាំ២០២១ វិញ មជ្ឈមណ្ឌលស៊ីម៉ាក់ គ្រោងរំដោះផ្ទៃដីចម្ការមីន និងចម្ការគ្រាប់មិនទាន់ផ្ទុះ ចំនួនប្រមាណជាងមួយម៉ឺន ១ពាន់ហិកតារ (១១,៣០០)។
ចាប់ពីឆ្នាំ១៩៧៩ ដល់ឆ្នាំ ២០២០ ពលរដ្ឋជិត២ម៉ឺននាក់ (១៩,៧៩៧) បានស្លា.ប់ និងរងរបួសពិការដាច់ដៃជើងចំនួន ជាង៤ម៉ឺន ៥ពាន់នាក់ (៤៥,១២៣) នាក់ផ្សេងទៀត ដោយសារគ្រាប់មីន និងគ្រាប់សំណល់ជាតិផ្ទុះ។ ចំនួនអ្នកស្លា.ប់ និងរងរបួស បានថយចុះមកត្រឹម ៦៥នាក់ ក្នុងអំឡុងឆ្នាំ២០២០ ដែលកាលពីឆ្នាំ១៩៩៦ មានអ្នកស្លា.ប់ជាង ៤ពាន់ ៣រយនាក់ (៤,៣២០) ។ នេះបើយោងតារបាយការណ៍ស៊ីម៉ាក់ ។
សម្រាប់ផែនការឆ្នាំ២០២១ វិញ មជ្ឈមណ្ឌលស៊ីម៉ាក់ គ្រោងរំដោះផ្ទៃដីចម្ការមីន និងចម្ការគ្រាប់មិនទាន់ផ្ទុះ ចំនួនប្រមាណជាងមួយម៉ឺន ១ពាន់ហិកតារ (១១,៣០០) ៕
ចែករំលែកព័តមាននេះ