ស្ត្រីម្នាក់ចប់ត្រឹមពលរដ្ឋខ្មែរ៩នាក់ ក្រោយស៊ីឈ្នួលនាំមនុស្សទៅឱ្យថៅកែនៅថៃ
- បន្ទាយមានជ័យ
នគរបាលការិយាល័យ ប្រឆាំងការជួញដូរមនុស្ស និងការពារអនីតិជន នៅថ្ងៃទី០៣ ខែតុលា ឆ្នាំ២០២១ បានបញ្ជូនខ្លួនជនសង្ស័យម្នាក់ទៅសាលាដំបូងខេត្
នគរបាលការិយាល័យ ប្រឆាំងការជួញដូរមនុស្ស និងការពារអនីតិជន នៅថ្ងៃទី០៣ ខែតុលា ឆ្នាំ២០២១ បានបញ្ជូនខ្លួនជនសង្ស័យម្នាក់ទៅសាលាដំបូងខេត្
ខេត្តបន្ទាយមានជ័យ ៖ នគរបាលការិយាល័យ ប្រឆាំងការជួញដូរមនុស្ស និងការពារអនីតិជន នៅថ្ងៃទី០៣ ខែតុលា ឆ្នាំ២០២១ បានបញ្ជូនខ្លួនជនសង្ស័យម្នាក់ទៅសាលាដំបូងខេត្តបន្ទាយមានជ័យ ដើម្បីចាត់ការតាមនិតិវិធី ។
លោកវរសេនីយ៍ទោ ស៊ុន សារឿន នាយរងការិយាល័យ ប្រឆាំងការជួញដូរនិងមនុស្សការពារអនីតិ ជន បាឲ្យដឹងថា ជនសង្ស័យខាងលើនេះមានឈ្មោះ រ៉េន ឌឿង ហៅផ្លាប់ ភេទស្រី អាយុ៥៣ឆ្នាំ រស់នៅភូមិក្តិបថ្ម ឃុំគោករមៀត ស្រុកថ្មពួក ខេត្តបន្ទាយមានជ័យ ។
នាយរងការិយាល័យ ប្រឆាំងការជួញដូរនិងមនុស្សការពារអនីតិ ជន បាឲ្យដឹងទៀតថា ជននេះត្រូវបានកម្លាំងនគរបាលស្រុកថ្មពួក ឃាត់ខ្លួននៅវេលាម៉ោង១១និង១៧នាទីព្រឹក ថ្ងៃទី០ ២ខែតុលា ឆ្នាំ២០២១ តាមបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្ត និងមានការសម្របសម្រួលពីឯកឧត្តម កើត សុវណ្ណារ៉េត ព្រះរាជអាជ្ញាអមសាលាដំបងខេត្តបន្ទាយមានជ័យ ពីបទនាំមនុស្សចេញដោយមិនស្របច្បាប់សម្រាប់ឆ្លងដែន ក្រោយពីកម្លាំងនគរបាលប៉ុស្តិ៍រដ្ឋបាលឃុំគោករមៀត បានប្រទះឃើញពលករខ្មែរប្រុស-ស្រីចំនួន៩នាក់បំរុងឆ្លងដែនដោយខុសច្បាប់ទៅប្រទេសថៃ ហើយក៏នាំមកសាកសួរនៅប៉ុស្តិ៍រដ្ឋបាលឃុំគោករមៀត ។
លោកនាយរងការិយាល័យ បានបញ្ជាក់ថា នៅចំពោះមុខសមត្ថិច្ច ជនសង្ស័យឈ្មោះរ៉េន ឌឿង ហៅផ្លាប់ បានសារភាពថា «ខ្លួនបានស៊ីឈ្នួលឲ្យថៅកែថៃ ដើម្បីរកពលករទៅធ្វើការនៅប្រទេសថៃ ដោយក្នុងម្នាក់ថៅកែថៃឲ្យឈ្នួល៥០០បាត ។ ដោយផ្អែកលើចម្លើយសារភាព និងការបំភ្លឺពីពលករខ្មែរទាំង០៩នាក់ ជនសង្ស័យត្រូវបានកម្លាំងនគរបាលការិយាល័យ ប្រឆាំងការជួញដូរមនុស្ស និងការពារអនីតិជន រៀបចំសំណុំរឿងបញ្ជូនខ្លួនទៅសាលាដំបូងចាត់ការតាមច្បាប់ផងដែរ៕
ចែករំលែកព័តមាននេះ