ស្រុកព្រៃនប់៖ ស្ត្រីជាម្តាយមានជំងឺប្រចាំកាយ ហើយក្រោយពេលដែលខឹងជាមួយកូនក៏បានយកសាំងដុតផ្ទះ រហូតឆេះដល់ខ្លួនឯងស្លា.ប់យ៉ាងអាណោចអាធ័មបំផុត ហេតុការណ៍ដ៏រន្ធត់នេះកើតឡើងកាលពីម៉ោង០៧យប់ថ្ងៃទី៣០ កញ្ញា នៅថ្ងៃទី៣០ កញ្ញា ស្ថិតនៅភូមិព្រែកប្រស់ ឃុំទឹកថ្លា…
ស្រុកព្រៃនប់៖ ស្ត្រីជាម្តាយមានជំងឺប្រចាំកាយ ហើយក្រោយពេលដែលខឹងជាមួយកូនក៏បានយកសាំងដុតផ្ទះ រហូតឆេះដល់ខ្លួនឯងស្លា.ប់យ៉ាងអាណោចអាធ័មបំផុត ហេតុការណ៍ដ៏រន្ធត់នេះកើតឡើងកាលពីម៉ោង០៧យប់ថ្ងៃទី៣០ កញ្ញា នៅថ្ងៃទី៣០ កញ្ញា ស្ថិតនៅភូមិព្រែកប្រស់ ឃុំទឹកថ្លា ស្រុកព្រៃនប់ ខេត្តព្រះសីហនុ ។ ប៉ុន្តែទោះបីជាយ៉ាងណា ករណីនេះសមត្ថកិច្ចកំពុងដុតដៃដុតជើង ដើម្បីស្រាវជ្រាវបន្ត ។
ប្រភពពីកន្លែងកើតហេតុឱ្យដឹងថា ស្ត្រីរងគ្រោះខាងលើ ឈ្មោះ កែវ ពៅ អាយុ៥៧ឆ្នាំ មានទីលំនៅភូមិ/ឃុំ កើតហេតុ ។ ហើយផ្ទះដែលឆេះសង់ពីឈើប្រក់ស័ង្កសីទំហំទទឹង៤,៥ម៉ែត្រ បណ្តោយ១០ម៉ែត្រ ជាកម្មសិទ្ធិរបស់ជនរងគ្រោះ ។ ចំពោះមូលហេតុត្រូវសមត្ថកិច្ចដឹងបឋមថា ដោយសារខឹងកូនរួមទាំងតូចចិត្តខ្លួនឯងមានជំងឺប្រចាំកាយផង ។
តាមការបំភ្លឺពីឈ្មោះ លី ក្បក ភេទប្រុស អាយុ ២៨ឆ្នាំ (ត្រូវជាកូនបង្កើតស្ត្រីជនរងគ្រោះ) បានបញ្ជាក់ថា ម្តាយរបស់គាត់មានជំងឺរ៉ាំរ៉ៃយូរឆ្នាំមកហើយ ហើយតែងតែខឹងឈ្លោះជាមួយគាត់ជានិច្ច ។ កូនបន្តថា នៅមុនពេលកើតហេតុ គាត់បានទៅប្រាប់ឪពុកគាត់នៅផ្ទះផ្សេងគ្នាថា ម្តាយខ្លួនមានសាំងនិងបានយកសំបកកេសចូលបន្ទប់ គ្រាន់តែប្រាប់រួច ស្រាប់តែប្រពន្ធគាត់ទូរស័ព្ទមកប្រាប់ គាត់ថា ម្តាយបានដុតផ្ទះគាត់ឆេះហើយ ពេលគាត់មកដល់ក៏ផ្ទះឆេះ រួមទាំងគាត់នៅក្នុងបន្ទប់ និងសម្ភារៈក្នុងផ្ទះអស់ទាំងស្រុង ។
បច្ចុប្បន្ន កម្លាំងរបស់អធិការដ្ឋាននគរបាលស្រុកព្រៃនប់ ដឹកនាំដោយលោកអធិការផ្ទាល់កំពុងស្រាជ្រាវបន្ត ។
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ