សហរដ្ឋអាមរិក ៖ ចាត់ទុកជាដំណឹងដ៏រីករាយមួយ សម្រាប់កម្ពុជា ក៏ដូចជា ពិភពលោកផងដែរ ក្រោយពីអ្នកជំនាញវ៉ាក់សាំង បានលើកឡើងថា ជំងឺរាតត្បាតកូវីដ-១៩ នឹងត្រូវបញ្ចប់នៅឆ្នាំក្រោយ ។
យោងតាមលោក Stéphane Bancel នាយកប្រតិបត្តិវ៉ាក់សាំង Moderna បានឱ្យដឹងថា ជំងឺរាតត្បាតឆ្លងរាលដាលនឹងត្រូវបានបញ្ចប់នៅឆ្នាំ ២០២២ ។ នេះបើយោងតាមការចុះផ្សាយរបស់សារព័ត៌មានអាមេរិក deseret ។
ថ្មីៗនេះលោក Bancel បានប្រាប់កាសែតស្វីស Neue Zuercher Zeitung ថា ការបង្កើនការផលិតវ៉ាក់សាំងនឹងអនុញ្ញាតឱ្យពិភពលោកទាំងមូលអាចទទួលថ្នាំបង្ការប្រឆាំងនឹងកូវីដ-១៩ ដែលជាកត្តាកំណត់ឱ្យពិភពលោកនឹងបញ្ចប់ការរីករាលដាលនៃវីរុសឆ្លងមួយនេះ នៅឆ្នាំ ២០២២ ។
លោក Bancel បានប្រាប់កាសែត Neue Zuercher Zeitung ថា «ប្រសិនបើអ្នកក្រឡេកមើលការពង្រីកសមត្ថភាពផលិតកម្មនៅទូទាំងឧស្សាហកម្មក្នុងរយៈពេលប្រាំមួយខែកន្លងមកនេះ ភាពគ្រប់គ្រាន់នៃដូសរបស់វ៉ាក់សាំង គួរតែមានគ្រប់ នៅពាក់កណ្តាលឆ្នាំក្រោយ (២០២២) ដើម្បីឱ្យមនុស្សគ្រប់គ្នានៅលើផែនដីនេះអាចចាក់វ៉ាក់សាំងបាន។ ចំណែកវ៉ាក់សាំងប្រើជាដូសជម្រុញគួរតែអាចផលិតគ្រប់គ្រាន់ទៅបានត្រូវការដែលចង់បាន» ។
លោក Bancel ដែលដឹកនាំក្រុមហ៊ុន Moderna ជាក្រុមហ៊ុនដែលបានបង្កើតវ៉ាក់សាំង mRNA ដើម្បីប្រយុទ្ធប្រឆាំងនឹងមេរោគឆ្លង បាននិយាយថាការមិនចាក់វ៉ាក់សាំងនឹងបង្កើតឱ្យមានភាពស៊ាំដោយធម្មជាតិដែលភាពស៊ាំដោយធម្មជាតិនឹងធ្វើឱ្យងាយរងគ្រោះក្នុងរដូវរងានេះ ។
លោកបានមានប្រសាសន៍ថា «អ្នកដែលមិនទទួលបានវ៉ាក់សាំងការពារខ្លួន នឹងបង្កើតនូវភាពស៊ុំាការពារខ្លួនពីធម្មជាតិ ព្រោះថាវីរុសបំប្លែងថ្មី ដែលតា មានលក្ខណៈឆ្លងខ្លាំង» ។ ការប្រែប្រួលតាមរបៀបនេះ យើងនឹងបញ្ចប់កូវីដ ស្រដៀងគ្នាក្នុងស្ថានភាពនៃភាបស្រដៀងនឹងជំងឺផ្តាសាយ។ អ្នកអាចចាក់វ៉ាក់សាំងនិងរីករាយជាមួយរដូវរងា ។ ឬ អ្នកមិនចាក់វ៉ាក់សាំងបង្ការកូវីដ-១៩ ទេ តែអ្នកនឹងប្រថុយការធ្លាក់ខ្លួនឈឺ ហើយអាចឈានដល់ការចូលសម្រាកព្យាបាលនៅមន្ទីរពេទ្យ» ។
លោកវេជ្ជបណ្ឌិត Anthony Fauci នាយកវិទ្យាស្ថានជាតិអាឡែរហ្សីនិងជំងឺឆ្លង មានទស្សនវិស័យផ្សេងអំពី ថាតើពេលណាជំងឺរាតត្បាតនឹងបញ្ចប់។ គាត់បានប្រាប់សារព័ត៌មាន Axios ថាជនជាតិអាមេរិកតិចជាងនេះនឹងត្រូវឆ្លងមេរោគជារៀងរាល់ថ្ងៃ ដែលរបៀបនៃការនិយាយរបស់គាត់ហាក់មិនប្រើពាក្យចំៗថា ជំងឺរាតត្បាតនឹងអាចបញ្ចប់ឆ្នាំក្រោយ ឬអត់ ។
ចុងបញ្ចប់នៃល្បែងនេះ គឺដើម្បីកំចាត់មេរោគ។ ឥឡូវនេះយើងនៅតែស្ថិតក្នុងស្ថានភាពរាតត្បាត ព្រោះយើងមានការឆ្លងថ្មីចំនួន ១៦០.០០០ នាក់ក្នុងមួយថ្ងៃ។ នោះមិនមែនជាការគ្រប់គ្រងល្អសមរម្យទេ … នេះមានន័យថា វាជាការគំរាមកំហែងដល់សុខភាពសាធារណៈ» ។លោកវេជ្ជបណ្ឌិត Anthony Fauci បានថ្លែងបែបនេះកាលពីដើម ខែកញ្ញា។
លោក Fauci បន្តថា «នៅក្នុងប្រទេសដែលមានទំហំធំដូចជាប្រទេសរបស់យើង អ្នកមិនអាចដើរលែងផ្តេសផ្តាស់ទេ ព្រោះនៅមានអ្នកឆ្លងប្រមាណ ១០០.០០០ នាក់ក្នុងមួយថ្ងៃទេ។ ដូច្នេះបើអត្រាឆ្លងស្ថិតនៅ ក្រោម ១០,០០០ នាក់ នោះទើបអាចនិយាយបានថា វាល្អ ហើយអ្នកចាប់ផ្តើមមានអារម្មណ៍ស្រួល» ៕
ចែករំលែកព័តមាននេះ