កម្ពុជាមិនទទួលបានសិទ្ធិធ្វើជាម្ចាស់ផ្ទះព្រឹត្តិការណ៍ AFF SUZUKI CUP 2020
- ភ្នំពេញ
រាជធានីភ្នំពេញ ៖ យោងតាមសេចក្ដីប្រកាសមុននេះរបស់សហព័ន្ធកីឡាបាល់ទាត់អាស៊ី អាគ្នេយ៍ (AFF) បាន សម្រេចផ្ដល់សិទ្ធិឲ្យប្រ
រាជធានីភ្នំពេញ ៖ យោងតាមសេចក្ដីប្រកាសមុននេះរបស់សហព័ន្ធកីឡាបាល់ទាត់អាស៊ី អាគ្នេយ៍ (AFF) បាន សម្រេចផ្ដល់សិទ្ធិឲ្យប្រ
រាជធានីភ្នំពេញ ៖ យោងតាមសេចក្ដីប្រកាសមុននេះរបស់សហព័ន្ធកីឡាបាល់ទាត់អាស៊ី អាគ្នេយ៍ (AFF) បាន សម្រេចផ្ដល់សិទ្ធិឲ្យប្រ ទេសសិង្ហបុរី ធ្វើម្ចាស់ផ្ទះការប្រកួតបាល់ទាត់ជើងឯកអាស៊ី អាគ្នេយ៍ AFF SUZUKI CUP 2020 ជាផ្លូវការហើយ ខណៈការប្រកួត នឹងចាប់ផ្ដើមពីថ្ងៃទី៥ ខែធ្នូ ឆ្នាំ២០២១ ដល់ថ្ងៃទី១ ខែមករា ឆ្នាំ២០២២ ខាងមុខនេះ។ ការប្រកាសនេះក៏បង្ហាញពីការច្រានចោលសំណើររបស់កម្ពុជា ដែលសុំសិទ្ធិធ្វើជាម្ចាស់ផ្ទះដែរនោះ។
ការផ្ដល់សិទ្ធិឲ្យសិង្ហបុរីធ្វើម្ចាស់ផ្ទះនេះធ្វើឡើង ក្រោយកិច្ចប្រជុំពិភាក្សា និងការសម្រេចរបស់ AFF បន្ទាប់ពីមានបេក្ខភាព៥ប្រ ទេសបានដាក់ពាក្យស្នើធ្វើម្ចាស់ផ្ទះព្រឹត្តិការណ៍ បាល់ទាត់ជើងឯកអាស៊ាននេះ រួមមាន កម្ពុជា វៀតណាម ឥណ្ឌូនេស៊ី ថៃ និងសិង្ហបុរី បន្ទាប់ពីសិង្ហបុរីត្រូវបានគេមើលឃើញថា មានលក្ខណ្ឌសមស្របជាងគេ។
ពាក់ព័ន្ធនឹងការបរាជ័យសំណើរនេះ មិនមានការអត្ថាធិប្បាយណាមួយពីមន្ត្រីជំនាញនោះទេ ប៉ុន្តែលើផេកផ្លូវការរបស់គណៈកម្មការជាតិអូឡាំពិកកម្ពុជា បានបង្ហាញពីការសាទរ និងប្រកាសថា កីឡាករកម្ពុជានឹងត្រៀមខ្លួនក្នុងការប្រកួតនេះ។
ផេកមួយនេះបានសរសេរបន្តថា ក្រោយពីសិង្ហបុរីទទួលបានសិទ្ធិធ្វើជាម្ចាស់ផ្ទះ គឺជាដំណឹងដ៏ល្អយ៉ាងខ្លាំងនៅក្នុងកាលៈទេសៈនេះ ដោយសារតែទីលាននៅសិង្ហបុរីក៏កីឡាករកម្ពុជាស្គាល់ច្បាស់ភាគច្រើន។ ផេកនេះបន្តថាការប្រកួត AFF SUZUKI CUP 2020 នេះ បានចាប់ឆ្នោតបែងចែកពូលរួចហើយ ដោយកម្ពុជាស្ថិតក្នុងពូល B ជាមួយវៀតណាម ម៉ាឡេស៊ី ឥណ្ឌូនេស៊ី និងឡាវ។ រីឯពូល A គឺមានម្ចាស់ផ្ទះសិង្ហបុរី ថៃ មីយ៉ាន់ម៉ា ហ្វីលីពីន និងក្រុមឡើងមកពីវគ្គជម្រុះ រវាងប្រ៊ុយណេ និងទីម័រខាងកើត។
ដោយឡែកលទ្ធផលចាប់ពូលនេះ ក៏ធ្វើអោយក្រុមរបស់កម្ពុជាបុកពោះសម្រាប់ឱកាសឡើងទៅវគ្គបន្តផងដែរ។ លោក Keisuke Honda បានបង្ហាញសារពាក់ព័ន្ធនឹងក្ដីបារម្ភនេះថា «វាជាការប្រកួតប្រជែង ដែលតានតឹងតែយើងនឹងប្រឹងប្រែង ដើម្បីអាច ឈានទៅវគ្គបន្ទាប់» ។
ចំណាប់អារម្មណ៍របស់លោក ត្រូវបានធ្វើឡើងក្រោយពេលលទ្ធផលចាប់ឆ្នោត ដើម្បីប្រកួតដណ្ដើមពានរង្វាន់ AFF Suzuki Cup ឆ្នាំ២០២០ ត្រូវបានបញ្ចប់ ហើយក្រុមរបស់កម្ពុជាដែលស្ថិតក្នុងពូល B គឺប៉ះប្រកួតជាមួយសុទ្ធតែក្រុមខ្លាំងតែម្ដង គឺក្រុមវៀតណាម ម៉ាឡេស៊ី ឥណ្ឌូនេស៊ី និងឡាវ ដែលក្រុមទាំងនេះ គឺសុទ្ធតែមានប្រវត្តិឈ្នះក្រុមកម្ពុជា និងក្រុមខ្លះកាន់ពានព្រឹត្តិការណ៍នេះឡើងរាប់ភ្លេចក៏មាន។ លទ្ធផលឈរក្នុងពូល B ជាមួយវៀតណាម ម៉ាឡេស៊ី ឥណ្ឌូ នេ ស៊ី និងឡាវ នៃពាន Suzuki cup បានធ្វើអោយក្រុមកម្ពុជាពិបាកសង្ឃឹមក្នុងការឡើងវគ្គបន្ត ជាពិសេសគឺបន្ទាប់ពីលោក ហុងដា ក៏ទទួលស្គាល់ថានេះ គឺជាលទ្ធផលដែលតានតឹងខ្លាំងរបស់ក្រុមកម្ពុជា ព្រោះតែក្រុមទាំងនោះខ្លាំងៗ ៕
ចែករំលែកព័តមាននេះ