រាជធានីភ្នំពេញ ៖ ឡានមួយគ្រឿងនេះបានជាប់លំដាប់លក់ថ្លៃបំផុត ជាមួយនឹងកំណត់ត្រាការប្រណាំងឈ្នះពាន ៩ ឆ្នាំ ជាប់ៗគ្នា បានប្រែក្លាយវាជារថយន្តថ្លៃជាងគេបំផុតក្នុងលោក បើទោះបីរថយន្តនេះត្រូវបានគេផលិតមករាប់សិបឆ្នាំហើយក្តី ។…
រាជធានីភ្នំពេញ ៖ ឡានមួយគ្រឿងនេះបានជាប់លំដាប់លក់ថ្លៃបំផុត ជាមួយនឹងកំណត់ត្រាការប្រណាំងឈ្នះពាន ៩ ឆ្នាំ ជាប់ៗគ្នា បានប្រែក្លាយវាជារថយន្តថ្លៃជាងគេបំផុតក្នុងលោក បើទោះបីរថយន្តនេះត្រូវបានគេផលិតមករាប់សិបឆ្នាំហើយក្តី ។ នៅឆ្នាំ ១៩៦៤ រថយន្ត Ferrari 250 GTO បានឈ្នះពានរង្វាន់ Tour de France Automobile ដែលជាការកម្មវិធីប្រណាំងរថយន្ត ហើយវាបានឈ្នះការប្រកួតជាប់ៗគ្នាក្នុងរយៈពេល ៩ ឆ្នាំ ផងដែរ ដែលធ្វើឱ្យ Ferrari 250 GTO នេះទទួលបានប្រជាប្រិយភាពយ៉ាងខ្លាំង ។ រថយន្តប្រណាំង Ferrari 250 GTO ផលិតឡើងមានតែ ៣៦ គ្រឿងប៉ុណ្ណោះ ដែលបានផលិតនៅចន្លោះឆ្នាំ ១៩៦២ និង ១៩៦៣ ។
Ferrari 250 GTO មានតម្លៃ ៧០ លានដុល្លារអាមេរិក ដែលជាតម្លៃថ្លៃជាងគេបំផុតនៅលើពិភពលោក ហើយអ្វីដែលមិនគួរឱ្យជឿនោះ គឺវាមិនត្រឹមតែបានឈ្នះការប្រណាំងនៅក្នុងព្រឹត្តិការណ៍ Tour de France នោះទេ ប៉ុន្តែវាក៏ត្រូវបានទម្លាក់តំណែងរថយន្តប្រណាំងដែលមានឈ្មោះថា Le Mans ផងដែរ ។
វាពិតជាអស្ចារ្យ ជាមួយនឹងល្បឿនអតិបរមា ១៧៤ ម៉ាយល៍ក្នុងមួយម៉ោង ។ វាអាចនឹងមិនមានល្បឿនលឿនដូចរថយន្តនាពេលបច្ចុប្បន្ននោះទេ តែទោះយ៉ាងណានៅទសវត្សរ៍ទី ៦០ នោះវាគឺជារថយន្តដែលលឿនជាងគេបំផុត នៅលើពិភពលោក ។ បើទោះបីជារហូតយមកដល់បច្ចុប្បន្ននេះមានរយៈពេលរាប់សិបឆ្នាំក្តី ក៏វានៅតែជារថយន្តថ្លៃបំផុតនៅលើពិភពលោកគ្រប់ពេលវេលា ៕ ប្រភព ៖ luxe.digital
ចែករំលែកព័តមាននេះ