ADផ្ទាំងផ្សព្វផ្សាយពាណិជ្ជកម្ម

Picture

អណ្តាតភ្លើង​លេប​ត្របាក់​​​បន្ទប់​ដាក់​សម្ភារៈ និង​ឯក​សារ ក្រសួង​រ៉ែ​និង​ថាមពល​ផ្អើល

3 អាទិត្យ មុន
  • ភ្នំពេញ

បន្ទប់​ដាក់​សម្ភារៈ និង​ឯកសារ ក្រសួង​រ៉ែ និង​ថាមពល ត្រូវ​បាន​អគ្គិភ័យ​ឆាបឆេះ​បង្ក​ឱ្យ​មានការ​ការ​ភ្ញាក់ផ្អើល​ដល់​រថយន្ត​ពន្លត់​អគ្គិភ័យ​ជា​ច្រើន​គ្រឿង​ចេញ​អន្តរា​គមន៍​ជួយ​សង្គ្រោះ​

រាជធានី​ភ្នំពេញ ៖ បន្ទប់​ដាក់​សម្ភារៈ និង​ឯកសារ ក្រសួង​រ៉ែ និង​ថាមពល ត្រូវ​បាន​អគ្គិភ័យ​ឆាបឆេះ​បង្ក​ឱ្យ​មានការ​ការ​ភ្ញាក់ផ្អើល​ដល់​រថយន្ត​ពន្លត់​អគ្គិភ័យ​ជា​ច្រើន​គ្រឿង​ចេញ​អន្តរាគមន៍​ជួយ​សង្គ្រោះ​ទាន់​ពេលវេលា កាលពី​វេលា​ម៉ោង​៨​និង​៤០​នាទី​យប់ ថ្ងៃ​ទី​២៧ ខែកញ្ញា ឆ្នាំ​២០២១ នៅ​ក្នុង​ក្រសួង​រ៉ែ និង​ថាមពល ជាន់​ទី​១ ស្ថិត​តាម​ផ្លូវ​លេខ​៥១ ក្នុងភូមិ​៥ សង្កាត់​ផ្សារ​ថ្មី​ទី​៣ ខណ្ឌដូនពេញ ។

Picture

បើ​តាម​ប្រភព​ពី​សន្តិសុខ​យាម​នៅ​កន្លែង​កើតហេតុ​ខាងលើ​បាន​ប្រាប់​អោយ​ដឹង​ថា នៅ​មុន​ពេល​កើតហេតុ រូប​គាត់​ឃើញ​មាន​ផ្សែងហុយ​ចេញពី​ជាន់​ទី​១​មក លុះ​ពេល​ពិនិត្យ​ជាក់ស្ដែង ទើប​ដឹង​ថា មាន​ភ្លើង​កំពុង​ឆាបឆេះ​នៅ​ក្នុង​បន្ទប់​ដាក់​សម្ភារៈ និង​ឯកសារ គាត់​ក៏​រាយការណ៍​ប្រាប់​ទៅ​សមត្ថកិច្ច​ភ្លាម​ៗ ដើម្បី​សុំ​រថយន្ត​ពន្លត់​អគ្គិភ័យ​ចេញ​អន្តរាគមន៍​ជួយ ។

Picture

បន្ទាប់​ពី​ទទួល​ដំណឹង​ក្រុម​ម៉ូតូ​ទឹក របស់​រដ្ឋបាល​ខណ្ឌដូនពេញ បាន​ចេញ​ជួយ​អន្តរាគមន៍​សង្គ្រោះ​បឋម ចំណែកឯ​រថយន្ត​របស់​ការិយាល័យ បង្កា និង​ពន្លត់អគ្គីភ័យ​ជា​ច្រើន​គ្រឿង ក៏​សម្រុក​មក​ជួយ​បន្ថែម​ទៀត​បាន​ទាន់​ពេលវេលា​ផង​ដែរ ។

Picture

នៅ​ក្នុង​ប្រតិបត្តិការ​សង្គ្រោះ​ខាងលើ​នេះ សមត្ថកិច្ច​បាន​ប្រើប្រាស​ស់​រថយន្ត​ចំនួន​៥​គ្រឿង ស្មើនឹង​២០​ម៉ែត្រគូប និង​រថយន្ត​ជំនួយ​របស់​ក្រុមហ៊ុនស្រា​បៀរ​កម្ពុជា ចំនួន​១​គ្រឿង ប្រើប្រាស់​ទឹក​អស់​១​ឡាន​ទៀត ទើប​អគ្គិភ័យ​នេះ​បាន​រលត់​ទៅ​វិញ​ទាំងស្រុង​នៅ​ម៉ោង​៩​និង​៤០​នាទី​យប់​នា​ថ្ងៃខែ​ឆ្នាំ​ដដែល ហើយ​ចំពោះ​សម្ភារៈ​ដែល​ខូចខាត​ក្នុង​ហេតុការណ៍​ខាងលើ​នេះ រួម​មាន តុ ទូ ឯកសារ​មួយ​ចំនួន និង​ម៉ាស៊ីនត្រជាក់​ចំនួន​០១​គ្រឿង​ផង​ដែរ ប៉ុន្តែ​មិន​បាន​បណ្ដាល​អោយ​ឆេះ​រាលដាល​ដល់​ផ្ទះ​អ្នក​ជិតខាង​នោះ​ឡើយ ៕

Picture
Picture
Picture
Picture
Picture
Picture
Picture