ខេត្តព្រៃវែង ៖ នៅទីបំផុតនោះ សំណុំរឿងឃាតកម្មសម្លា.ប់ប្រធានគណនេយ្យគ្រឹះស្ថានមីក្រូហិរញ្ញវត្ថុ វិវឌ្ឍន៍ សាខាស្រុកស្វាយអន្ទរ ត្រូវបានលាតត្រដាងហើយក្រោយពីសមត្ថកិច្ចចុះស្រាវជ្រាវអស់រយៈពេលមួយថ្ងៃមួយយប់ ។ សូមរំលឹកថា៖ នារីប្រធានគណនេយ្យម្នាក់ត្រូវគេសម្លា.ប់នៅកន្លែងធ្វើការ…
ខេត្តព្រៃវែង ៖ នៅទីបំផុតនោះ សំណុំរឿងឃាតកម្មសម្លា.ប់ប្រធានគណនេយ្យគ្រឹះស្ថានមីក្រូហិរញ្ញវត្ថុ វិវឌ្ឍន៍ សាខាស្រុកស្វាយអន្ទរ ត្រូវបានលាតត្រដាងហើយក្រោយពីសមត្ថកិច្ចចុះស្រាវជ្រាវអស់រយៈពេលមួយថ្ងៃមួយយប់ ។ សូមរំលឹកថា៖ នារីប្រធានគណនេយ្យម្នាក់ត្រូវគេសម្លា.ប់នៅកន្លែងធ្វើការ តែតាមជនសង្ស័យបានភ្លាមៗ
លោកឧត្តមសេនីយ៍ត្រី ពៅ ជីវី ស្នងការរងទទួលផែនព្រហ្មទណ្ឌនៃស្នងការដ្ឋាននគរបាលខេត្តព្រៃវែងបានបញ្ជាក់ នារសៀលថ្ងៃទី ២៧ កញ្ញា នេះថា ក្រោយពីត្រូវបានចាប់ខ្លួននិងតាមរយៈការសួរចម្លើយអស់រយៈពេលមួយព្រឹក ជនសង្ស័យឈ្មោះ យ៉ុម ចន្ថា បានឆ្លើយសារភាពថា «ខ្លួនពិតជាបានសម្លា.ប់នារីរងគ្រោះមែន ដោយសារតែចង់បំបិទមាត់ កុំឱ្យនាងប្តឹងទៅសមត្ថកិច្ច» ។
លោកស្នងការរង ពៅ ជីវី បានបញ្ជាក់ទៀតថា តាមចម្លើយសារភាពរបស់ជនសង្ស័យ រូបគេបានរៀបចំផែនការទុកជាមុន ដោយឲ្យបុគ្គលិកទាំងអស់ នាំគ្នាទៅដើរលេងកំសាន្តនៅខេត្តកំពង់ចាម បន្ទាប់មកក៏ហៅនារីរងគ្រោះឲ្យទៅកន្លែងធ្វើការ រួចបង្ខំអោយនាងប្រាប់លេខកូដសម្ងាត់ទូដែក យកលុយបានមួយចំនួនធំ រួចក៏ចាប់នារីរងគ្រោះចងដៃចងជើង នឹងច្របាច់.ក ខ្ទប់ដង្ហើមសម្លា.ប់ចោលតែម្ដង។
ក្រោយធ្វើសកម្មភាពរួច រូបគេក៏យកលុយដែលយកបានពីក្នុងទូដែក ធ្វើដំណើរទៅផ្ទះនៅស្រុកពាមរក៍ ហើយជួបជុំផឹកស៊ីជាមួយមិត្តភក្តិបងប្អូនធ្វើដូចធម្មតា រហូតដល់ល្ងាចទើបសំដែងធ្វើជាចុកពោះឱ្យប្រពន្ធមកមើល ហើយប្រាប់ប្រពន្ធថា «ខ្លួនបានលេបថ្នាំកណ្តុរ» ទើបប្រពន្ធនិងក្រុមគ្រួសារ នាំគ្នាដឹកយកទៅព្យាបាលនៅមន្ទីរពេទ្យបង្អែកអ្នកលឿងរហូតត្រូវបានសមត្ថកិច្ចតាមរកឃើញនិងចាប់ខ្លួនបានតែម្ដង។
លោកឧត្តមសេនីយ៍ត្រី ពៅ ជីវី បានបញ្ជាក់ថា គិតត្រឹមវេលាម៉ោង១០ព្រឹកថ្ងៃដដែលនេះ សមត្ថកិច្ចបាននាំខ្លួនជនសង្ស័យឲ្យទៅធ្វើត្រាប់ពីការសម្លា.ប់ជនរងគ្រោះ និងចាត់កម្លាំងឱ្យចុះទៅតាមស្វែងរកលុយមួយចំនួនធំដែលជនសង្ស័យបានលួចយកទៅនោះត្រឡប់មកវិញ។ បច្ចុប្បន្ន សមត្ថកិច្ចកំពុងកសាងសំណុំរឿងដើម្បីបញ្ជូនជនសង្ស័យទៅកាន់សាលាដំបូងខេត្ត ចាត់ការបន្តទៅតាមនីតិវិធី។
ចែករំលែកព័តមាននេះ