ប្រទេសថៃ ៖ លោក NATTHAPHONG RUENGPANYAWUT ប្រមុខគណបក្សប្រជាជនជាគណបក្សប្រឆាំងថៃ និងសមាជិកសភានៃគណបក្សនោះដទៃៗទៀត ត្រូវវិនិច្ឆ័យទោសពីបទកាលពីឆ្នាំ២០២១ ចង់កែប្រែច្បាប់់ប្រមាថព្រះមហាក្សត្រ ។ ច្បាប់នោះ ចែងពីទោសព្រហ្មទណ្ឌដែលអាចជាប់គុកពី៣ដល់១៥ឆ្នាំ ចំពោះជនណាដែលប្រមាថ ឬគំរាមព្រះមហាក្សត្រ និងគ្រួសាររាជវង្ស ដែលកំពុងអនុវត្តដ៏ទូលំទូលាយ ។
ចាប់តាំងពីពេលនោះ មកពួកគេស្ថិតក្នុងចំណោមអ្នកទទួលខុសត្រូវនយោបាយថៃ៤៤រូប ដែលទទួលរងនីតិវិធីរំលោភបំពានបទដ្ឋានករណីយកិច្ចសាស្ត្រ ដែលគណៈកមា្មធិការជាតិប្រឆាំងអំពើពុករលួយថៃ ដាក់បណ្ដឹងទៅតុលាការកំពូល។ លោកNATTHAPHONG RUENGPANYAWUT ដែលគណបក្សលោកទទួលបានសំឡេងច្រើនលំដាប់ទី២ ក្នុងការបោះឆ្នោតសភាកាលពីខែកុម្ភៈ ពុំមានវត្តមានក្នុងពេលបើកសវនាការកាត់ក្ដីដែលត្រូវប្រើពេលច្រើនខែនោះឡើយ។
បទឧក្រិដ្ឋប្រមាថព្រះមហាក្សត្របានក្លាយជាអាវុធសំខាន់មួយរបស់រដ្ឋអំណាចថៃ ចាប់តាំងពីបាតុកម្មប្រឆាំងព្រះមហាក្សត្រ កាលពីឆ្នាំ២០២០មក ។ មនុស្សជិត៣០០នាក់ ត្រូវកាត់ទោសក្រោមការចោទប្រកាន់នោះ។ មនុស្សទាំងនេះ ជាប់សង្ស័យថា ចង់ផ្ដួលរំលំព្រះមហាក្សត្រ ។ លោក NATTHAPHONG RUENGPANYAWUT ធ្លាប់បានថ្លែងកាលពីខែមេសាថា ការកែទម្រង់ដែលគ្រោង ដោយអតីតគណបក្ស MOVE FOR WARD ដែលត្រូវរំលាយបាត់ទៅហើយ មិនដែលមានគោលដៅបំផ្លាញប្រព័ន្ធប្រជាធិបតេយ្យក្រោមព្រះមហាក្សត្រឡើយ ៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ