ដឹងមូលហេតុហើយ! បុរសម្នាក់នៅលើរថភ្លើងអត់បាយអត់ទឹកអស់១ថ្ងៃ១យប់
- ភ្នំពេញ
រាជធានីភ្នំពេញ ៖ បុរសម្នាក់ដែលលួ.ចឡើងជិះរថភ្លើងដឹកទូកុងតឺន័រតាំងពីខេត្តព្រះសីហនុរហូតមកដល់ភ្នំពេញ ហើយយកកូន
រាជធានីភ្នំពេញ ៖ បុរសម្នាក់ដែលលួ.ចឡើងជិះរថភ្លើងដឹកទូកុងតឺន័រតាំងពីខេត្តព្រះសីហនុរហូតមកដល់ភ្នំពេញ ហើយយកកូន
រាជធានីភ្នំពេញ ៖ បុរសម្នាក់ដែលលួ.ចឡើងជិះរថភ្លើងដឹកទូកុងតឺន័រតាំងពីខេត្តព្រះសីហនុរហូតមកដល់ភ្នំពេញ ហើយយកកូនកាំបិ.តចា.ក់ខ្លួនឯង បណ្ដាលឲ្យរងរបួស និងបង្កឲ្យមានការភ្ញាក់ផ្អើល កាលពីវេលាម៉ោង៨ព្រឹកថ្ងៃទី២៦ ខែកញ្ញា ឆ្នាំ២០២១ ហើយបុរសរូបនោះបានបន្តស្ថិតនៅទូកុងតឺន័រនៅលើរថទូរថភ្លើងអត់បាយអត់ទឹកអស់រយៈពេល១ថ្ងៃនិង១យប់ បើទោះបីជានគរបាលក៏ដូចជាបុគ្គលិកផែស្ងួត និងក្រុមបុគ្គលិករថភ្លើងលួងលោមឲ្យចុះយ៉ាងណា ក៏ពុំព្រមចុះឡើយ។
រហូតមកដល់វេលាព្រឹកថ្ងៃទី២៧ ខែកញ្ញា ឆ្នាំ២០២១ ដោយសារតែរាំស្ទះដល់ផ្លូវរថភ្លើង នគរបាលប៉ុស្តិ៍សំរោងក្រោម បុគ្គលិកផែស្ងួតរ៉ូយ៉ាល់ភ្នំពេញនិងក្រុមបុគ្គលិករថភ្លើងបានព្យាយាមលួងលោមបុរសរូបនោះបន្តទៀត រហូតដល់វេលាម៉ោង៩ព្រឹកថ្ងៃដដែល ទើបបុរសនេះយល់ព្រមចុះពីលើទូកុងតឺន័រនោះវិញតាមសម្រួល ។ ដោយនៅពេលនោះក្រុមបុគ្គលិករថភ្លើងបានយកគ្រឿងចក្រ(អេស្កាវ៉ាទ័រ)ទៅដាក់ឲ្យជិះលើប៉ែលរួចដាក់ចុះមកក្រោម ។ បន្ទាប់មកបានឲ្យខោអាវថ្មី១កំប្លេស្លៀកពាក់ រួចបើករថយន្តជូនទៅកាន់ចំណតរថយន្តចោមចៅ ដើម្បីឲ្យជិះរថយន្តឈ្នួលធ្វើដំណើរទៅកាន់ទីរួមខេត្តតាកែវវិញហើយ។
ពុំមាននរណាបានដឹងថា បុរសរូបនេះមានបញ្ហាសតិពុំសូវល្អ ឬក៏ប្រើប្រាស់ថ្នាំញៀ.នរហូតដល់កម្រិតបែកថ្នាំនោះទេ ប៉ុន្តែការនិយាយស្ដីហាក់ពុំសូវប្រាកដប្រជានោះឡើយ ។ ដោយនៅពេលសួរនាំពីឈ្មោះរបស់គាត់ ម្ដងប្រាប់ថា គាត់ឈ្មោះប៊ុត តុលា អាយុជាង៣០ឆ្នាំ និងម្ដងទៀតប្រាប់ថាឈ្មោះអ៊ុត បញ្ញា អាយុ២២ឆ្នាំ មានទីលំនៅក្រុងដូនកែ ខេត្តតាកែវ (ទីរួមខេត្តតាកែវ)។
បុរសនេះបានប្រាប់ទៀតថា កាលពីយប់ថ្ងៃទី២៥ ខែកញ្ញា គាត់បានឡើងជិះរថភ្លើងចេញពីខេត្តព្រះសីហនុ ក្នុងបំណងទៅផ្ទះនៅទីរួមខេត្តតាកែវ ប៉ុន្តែបានជិះច្រឡំទូហើយក៏បានមកដល់ភ្នំពេញតែម្ដង ។ ពេលនោះគាត់ប្រុងចុះពីលើទូកុងតឺន័រដែលស្ថិតនៅលើរថភ្លើងដែរ ប៉ុន្តែគាត់ខ្លា.ច ព្រោះតែមានគេគម្រាមធ្វើបាប ព្រមទាំងយកកាំបិ.តចា.ក់គាត់ថែមទៀត ទើបគាត់អត់ហ៊ានចុះក្រោមហើយក៏នៅលើទូកុងតឺន័រនោះរហូត ព្រោះបើចុះក្រោមខ្លាចគេព្រួតវា.យ។
សូមរំលឹកថា កាលពីវេលាម៉ោង៨ព្រឹកថ្ងៃទី២៦ ខែកញ្ញា ឆ្នាំ២០២១ មានការភ្ញាក់ផ្អើលមួយបានកើតឡើងនៅចំណុចផែស្ងួតរ៉ូយ៉ាល់ភ្នំពេញ តាមផ្លូវរថភ្លើងខ្សែរាជធានីភ្នំពេញ-កំពត ស្ថិតនៅក្នុងភូមិត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ ខណៈមានបុរសមួយរូបបានលួចឡើងជិះរថភ្លើងដឹកទូកុងតឺន័រ១ខ្សែខាងលើរួចយកកាំបិ.តចា.ក់ខ្លួនឯង បណ្ដាលឲ្យរងរបួសហូរឈាមពេញខ្លួន បើទោះបីជានគរបាលរួមជាមួយបុគ្គលិកផែស្ងួតនិងក្រុមអ្នកបើករថភ្លើងលួងលោមឲ្យចុះយ៉ាងណា ក៏ពុំព្រមចុះឡើយ។
ប្រភពដដែលបានឲ្យដឹងបន្តទៀតថា ខណៈនោះបុរសខាងលើមានកាន់កូនកាំបិ.តជាប់ដៃ ស្រែកគំរា.មមិនឲ្យកម្លាំងនគរបាលព្រមទាំងបុគ្គលិកផែស្ងួតនិងក្រុមបុគ្គលិករថភ្លើងចូលទៅជិតឡើយ ដោយគ្មានមធ្យោបាយដើម្បីឲ្យបុរសនេះចុះចេញពីលើទូកុងតឺន័របាន ក៏សម្រេចបើករថភ្លើងអូសទូដែលបុរសនេះជិះចាកចេញពីកន្លែងកើតហេតុហើយបានចម្ងាយប្រមាណ៣គីឡូម៉ែត្រ ទៅដល់ភូមិចែងម៉ែង សង្កាត់សំរោងក្រោម ទើបផ្ដាច់ទូនោះទុកចោលរួចបើករថភ្លើងចេញទៅបាត់។
ប្រភពខាងបានប្រាប់ឲ្យដឹងទៀតថា បុរសនេះស្ថិតនៅលើទូកុងតឺន័រទាំងថ្ងៃក្ដៅហែង ហើយពេលនោះនគរបាលប៉ុស្តិ៍សំរោងក្រោមបានចុះទៅធ្វើការលួងលោមរហូតដល់វេលាយប់ថ្ងៃដដែល ក៏បុរសនោះអត់ព្រមចុះឡើយ ។ មិនតែប៉ុណ្ណោះនគរបាលបានទិញបាយទិញទឹកឲ្យហូប ក៏ពុំព្រមចុះមកហូបដែរ ហើយដៃកា.ន់កាំបិ.តជាប់រហូតថែមទៀតផង ។ ក្រោយមកបុរសនេះបានស្ថិតនៅលើទូកុងតឺន័រនោះម្នាក់ឯងពេញ១យប់ រហូតមកដល់វេលាព្រឹកថ្ងៃទី២៧ ខែកញ្ញា នគរបាលរួមជាមួយបុគ្គលិកផែស្ងួតនិងក្រុមអ្នកបើករថភ្លើងបន្តលួងលោមទៀត ទើបបុរសនេះយល់ព្រមចុះវិញ ហើយក្រោយពីសួរនាំខ្លះៗរួច ក៏បានដឹកតាមរថយន្ត១គ្រឿងចាកចេញភ្លាមៗជូនទៅកាន់ចំណតរថយន្តចោមចៅ ដើម្បីឲ្យជិះរថយន្តឈ្នួលបន្តធ្វើដំណើរទៅកាន់ទីរួមខេត្តតាកែវវិញហើយ ៕
ចែករំលែកព័តមាននេះ