ជំនន់ទឹកភ្លៀង លិចស្ពានតាម៉ុក នៅអន្លង់វែង ខេត្តឧត្តរមានជ័យ ហើយ
- ឧត្តរមានជ័យ
ខេត្តឧត្តរមានជ័យ៖ ស្ថានភាពទឹក នៅអាងទឹកតាម៉ុក ស្ថិតនៅឃុំអន្លង់វែង ស្រុកអន្លង់វែង នាយប់ថ្ងៃទី២៦ ខែកញ្ញា ឆ្នាំ២០២១ ទឹកមានកម្ពស់ ៣,៩៩ម៉ែត្រ…
ខេត្តឧត្តរមានជ័យ៖ ស្ថានភាពទឹក នៅអាងទឹកតាម៉ុក ស្ថិតនៅឃុំអន្លង់វែង ស្រុកអន្លង់វែង នាយប់ថ្ងៃទី២៦ ខែកញ្ញា ឆ្នាំ២០២១ ទឹកមានកម្ពស់ ៣,៩៩ម៉ែត្រ…
ខេត្តឧត្តរមានជ័យ៖ ស្ថានភាពទឹក នៅអាងទឹកតាម៉ុក ស្ថិតនៅឃុំអន្លង់វែង ស្រុកអន្លង់វែង នាយប់ថ្ងៃទី២៦ ខែកញ្ញា ឆ្នាំ២០២១ ទឹកមានកម្ពស់ ៣,៩៩ម៉ែត្រ បង្កឲ្យឲ្យទឹកហូរកាត់លើស្ពានតាម៉ុក កម្ពស់ ០,៣០ម៉ែត្រ។ ប៉ុន្តែនៅតំបន់ផ្ទៃរងទឹកភ្លៀងផ្នែកខាងលើ ពុំមានភ្លៀងធ្លាក់ទេ ទឹកនឹងស្រុកចុះវិញ នាព្រឹកថ្ងៃទី២៧ ខែកញ្ញា ឆ្នាំ២០២១។ នេះបើតាមក្រសួងធនធានទឹក និងឧតុនិយម។
នៅព្រឹកថ្ងៃទី២៦ ខែកញ្ញានេះ ក្រសួងធនធានទឹក និងឧតុនិយម បានប្រកាសថា បរិមាណទឹកភ្លៀង ដែលបានធ្លាក់កម្រិតពី ៧៥ម.ម ទៅ ៨៥ ម.ម នាថ្ងៃទី២៤-២៥ ខែកញ្ញា ឆ្នាំ២០២១ នៅតំបន់ផ្ទៃរងទឹកភ្លៀងស្ទឹងស្រែង បានបង្កឲ្យកម្ពស់ទឹក ក្នុងអាងទឹកទាំង ០៥កន្លែង នៅលើដងស្ទឹងស្រែង ក្នុងខេត្តឧត្តរមានជ័យ ហក់ឡើងជិតដល់ និងដល់កម្រិតប្រកាសឲ្យប្រុងប្រយ័ត្ន។
ក្រសួងធនធានទឹក និងឧតុនិយម បានបញ្ជាក់ស្ថានភាពកម្ពស់ទឹក នាព្រឹកថ្ងៃទី២៦ ខែកញ្ញានេះ នៅខេត្តឧត្តរមានជ័យ រួមមាន៖ ១-អាងទឹក ០៥ ស្ថិតនៅឃុំអូរស្វាយ ស្រុកត្រពាំងប្រាសាទ ទឹកមានកម្ពស់ ១,៦៥ម៉ែត្រ កម្ពស់ឲ្យមានការប្រុងប្រយ័ត្ន ២,០០ម៉ែត្រ។ ២-អាងទឹកតាម៉ុក ស្ថិតនៅឃុំអន្លង់វែង ស្រុកអន្លង់វែង ទឹកមានកម្ពស់ ៣,៨៤ម៉ែត្រ កម្ពស់ឲ្យមានការប្រុងប្រយ័ត្ន ៣,៨០ម៉ែត្រ។ ៣-អាងទឹកថ្មី ស្ថិតនៅឃុំត្រពាំងតាវ ស្រុកអន្លង់វែង ទឹកមានកម្ពស់ ៣,៤៩ម៉ែត្រ កម្ពស់ឲ្យមានការប្រុងប្រយ័ត្ន ៣,៥០ម៉ែត្រ។ ៤-អាងទឹកស្រែង២ ស្ថិតនៅឃុំពង្រ ស្រុកចុងកាល់ ទឹកមានកម្ពស់ ៣៩,៨០ម៉ែត្រ កម្ពស់ឲ្យមានការប្រុងប្រយ័ត្ន ៣៩,៩០ម៉ែត្រ។ ៥-អាងទឹកស្រែង១ ស្ថិតនៅឃុំចុងកាល់ ស្រុកចុងកាល់ ទឹកមានកម្ពស់ ២៦,៥៥ម៉ែត្រ កម្ពស់ឲ្យមានការប្រុងប្រយ័ត្ន ២៧,០០ម៉ែត្រ។
ក្រសួងធនធានទឹក និងឧតុនិយម ក៏បានប្រកាសនៅថ្ងៃទី២៦ ខែកញ្ញានេះថា ស្ថានភាពទឹកស្ទឹងសែន ក្នុងទីរួមខេត្តព្រះវិហារ ដោយមានភ្លៀងនៅយប់ថ្ងៃទី២៥ ខែកញ្ញា ឆ្នាំ២០២១ បរិមាណទឹកភ្លៀង មានរហូតដល់ ៩៣,៤ មម ធ្វើឲ្យទឹកស្ទឹងសែន ហក់ឡើង កម្ពស់ ១១,៨០ និងជន់លិចភូមិមួយចំនួន នៅក្នុងក្រុងព្រះវិហារ តំបន់ទាប ដូចខាងក្រោម៖ ១-ភូមិស្រះឈូក សង្កាត់កំពង់ប្រណាក ២-ភូមិដំណាក់ សង្កាត់កំពង់ប្រណាក ៣-ភូមិកំពុងចម្លង សង្កាត់កំពង់ប្រណាក ៤-ភូមិអភិវឌ្ឈ សង្កាត់បាលហាល ក្រុងព្រះវិហារ និង៥-ភូមិស្ថាពរ សង្កាត់បាលហាល ក្រុងព្រះវិហារ។
យ៉ាងណាក៏ដោយ នៅថ្ងៃអាទិត្យ ទី២៦ ខែកញ្ញានេះ ក្រសួងធនធានទឹក និងឧតុនិយម ប្រកាសថា ស្ថានភាពទឹកស្ទឹងសែន ពុំទាន់មានអ្វីគ្រោះថ្នាក់ដល់ប្រជាពលរដ្ឋ ដែលរស់នៅតាមដងស្ទឹងសែនទេ៕
ចែករំលែកព័តមាននេះ