បុរសជាប្តីពិការជើងខាងស្តាំម្នាក់ តែងតែប្រចណ្ឌប្រពន្ធ រហូតយកខ្សែភ្លើងឆក់ប្រពន្ធ រួចយកកូនកាំបិតចិតបន្លែចា.ក់សម្លា.ប់ប្រពន្ធ ហើយក៏បានចា.ក់សម្លា.ប់ខ្លួនឯងទៅតាមក្រោយទៀត បន្សល់ទុក
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសជាប្តីពិការជើងខាងស្តាំម្នាក់ តែងតែប្រចណ្ឌប្រពន្ធ រហូតយកខ្សែភ្លើងឆក់ប្រពន្ធ រួចយកកូនកាំបិតចិតបន្លែចា.ក់សម្លា.ប់ប្រពន្ធ ហើយក៏បានចា.ក់សម្លា.ប់ខ្លួនឯងទៅតាមក្រោយទៀត បន្សល់ទុកកូនស្រីចំនួន២នាក់ បង្កការភ្ញាក់ផ្អើលកាលពីវេលាម៉ោង២រំលងអធ្រាត្រឈានចូលថ្ងៃទី២៥ ខែកញ្ញា ឆ្នាំ២០២១ នៅចំណុចផ្ទះជួលគ្មានលេខ ផ្លូវ៤៥បេតេ ស្ថិតនៅភូមិត្នោតជ្រុំ៣ សង្កាត់ បឹងទំពន់២ ខណ្ឌមានជ័យ ។
សេចក្តីរាយការណ៍បន្តថា ស.ពបុរសជាប្តីមានឈ្មោះ ឡោ សុភាវី អាយុ៥៨ឆ្នាំ អតីតជាយុទ្ធជន ពិការជើងខាងស្តាំ ចំណែកស្ត្រីជាប្រពន្ធមានឈ្មោះ អាង ស៊ីគូ អាយុ៥២ឆ្នាំ មុខរបរលក់នំចំណីនៅមុខផ្ទះ ពួកគាត់ស្នាក់ផ្ទះកើតហេតុខាងលើ និងមានកូនស្រី២នាក់ធំពេញវ័យអស់ហើយ ។
តាមការឲ្យដឹងពីកូនស្រីម្នាក់មានឈ្មោះ ឡោ សុនាថ អាយុ២១ឆ្នាំ មុខរបរលក់ដូរ ស្នាក់នៅជាមួយឪពុកម្តាយ បានប្រាប់ថា មុនកើតហេតុ ពួកគាត់ស្នាក់នៅក្នុងផ្ទះមានគ្នា៤នាក់ ឪពុកម្តាយ និងបងប្អូនស្រីគេចំនួន២នាក់ ដោយឪពុកម្តាយសម្រាកនៅខាងលើផ្ទះ ចំណែកពួកគេ២នាក់បងប្អូនស្រីស្នាក់នៅជាន់ក្រោម ។
កូនស្រីបន្តថា ផ្ទះរបស់គេធ្វើអំពីឈើលើថ្មក្រោម ហើយនៅយប់កើតហេតុនោះ មុនដំបូងមិនបានលឺសំឡេងឪពុកម្តាយឈ្លោះប្រកែកគ្នានោះទេ ដោយបានដេកលង់លក់ លុះដល់ម៉ោងកណ្ដាលអធ្រាត្រក៏ស្រាប់តែលឺសំឡេងម្ដាយគាត់ស្រែកយ៉ាងខ្លាំង ហើយពួកគាត់ជាកូនក៏បានរត់ឡើងទៅលើផ្ទះមើល ក៏ឃើញឪពុកយកខ្សែភ្លើងឆក់ម្តាយឡើងទន់ខ្លួន ហើយក៏បានយកកាំបិតចា.ក់ទៅលើម្តាយទៀត ធ្វើឱ្យឈា.មហូរស្រោចពេញខ្លួនតែម្តង ដោយមិនដឹងថាស្លា.ប់ឬក៏រស់នោះទេ ។
ប្រភពដដែលពីកូនស្រីបន្តថា លុះពេលនោះដែរ ពួកគាត់ដែលជាកូនៗ ក៏បានទៅជួយដែរ តែត្រូវបុរសជាឪពុកយកឈើច្រត់របស់គាត់វាយពួកគេមិនអោយចូលជួយទេ ទើបពួកគាត់ជាកូនៗបានរត់ចុះទៅក្រោម រួចក៏ស្រែកអោយអ្នកជិតខាងជួយ តែមិនមានអ្នកណាម្នាក់ហ៊ានចេញមកជួយនោះឡើយ ។
កូនស្រីបានបន្តទៀតថា បន្ទាប់ពីរៀងស្ងាត់បន្តិច ទើបពួកគាត់ជាកូនៗបានឡើងទៅមើលម្តងទៀត ក៏ស្រាប់តែឃើញបុរសជាឪពុកបានយកកាំបិតចា.ក់ខ្លួនឯង ហើយក៏យកខ្សែភ្លើងរុំខ្លួនឯងឆក់ខ្លួនក្នុងបន្ទប់ទៀត បណ្តាលឱ្យស្លា.ប់ទាំង២នាក់ ដោយស្ត្រីជាម្ដាយដេកស្លា.ប់នៅខាងក្រៅបន្ទប់ រីឯឪពុកស្លា.ប់ក្នុងបន្ទប់យ៉ាងអាណោចអាធ័មតែម្ដង។
ក្នុងហេតុការណ៍នោះដែរ កូនស្រីបានបញ្ជាក់ប្រាប់ទៀតថា ឪពុករបស់គាត់តែងតែប្រចណ្ឌម្ដាយរបស់គេជាច្រើនលើកច្រើនសារមកហើយ ទោះបីពួកគាត់មានវ័យចំណាស់អស់ហើយក៏ដោយ សូម្បីតែពួកគេឌុបម្តាយទៅផ្សារទិញម្ហូបក៏ត្រូវឪពុកប្រចណ្ឌដែរ ។
កូនស្រីបានឲ្យដឹងថា ឪពុកប្រចណ្ឌទៅលើម្ដាយគាត់ ដោយចោទថាលួចទាក់ទងប្រុសថ្មី ប៉ុន្តែការពិតម្ដាយសព្វថ្ងៃគ្មានទូរស័ព្ទប្រើផង ដោយឃើញម្ដាយទំនេរ ខ្លួនជាកូនស្រីក៏បានយកទូរស័ព្ទអោយម្ដាយមើលរឿងភាគថៃ តែឪពុកគាត់ថា យកទូរស័ព្ទឲ្យឆាតតាមហ្វេសប៊ុកទាក់ទងប្រុសទៅវិញ ។
ក្រោយពេលកើតហេតុ កម្លាំងសមត្ថកិច្ចមូលដ្ឋាន ក៏បានចុះទៅកន្លែងកើតហេតុ ព្រមទាំងធ្វើការហ៊ុមព័ទ្ធជុំវិញកន្លែងកើតហេតុដើម្បីរង់ចាំក្រុមគ្រូពេទ្យចុះយកសំណាកស.ពទាំង២នាក់ប្តីប្រពន្ធ រួចហើយប្រគល់អោយផ្នែកជំនាញកោសល្យវិច័យបច្ចេកទេសវិទ្យាសាស្ត្ររាជធានីភ្នំពេញ ត្រួតពិនិត្យឃើញថា ស.ពអវិជ្ជមានកូវីដ១៩ ។
ហើយតាមការពិនិត្យរបស់ការិយាល័យបច្ចេកទេស និងតាមពិនិត្យរបស់លោកឧកញ៉ាវេជ្ជបណ្ឌិត នងសុវណ្ណរ័ត្ន បានបញ្ជាក់ថា ជនរងគ្រោះ (ប្រពន្ធ) បានស្លា.ប់ដោយសារប្ដីប្រើកូនកាំបិតចា.ក់ចំបំពង់.កបណ្តាលឱ្យដាច់ខ្យល់ ចំណែកបុរសជាប្ដីវិញបានយកកូនកាំបិតចា.ក់បំពង់.កខ្លួនឯងស្លា.ប់ដែរ ក្រោយពេលកើតហេតុ ស.ពជនរងគ្រោះទាំង២នាក់ត្រូវបានប្រគល់អោយកូនស្រីទាំង២នាក់ និងគ្រួសារ ដើម្បីយកទៅវត្តចាក់អង្រែក្រោម ធ្វើបុណ្យតាមប្រពៃណី ៕
ចែករំលែកព័តមាននេះ